سانحہ عباس ٹاؤن میں سابق رکن قومی اسمبلی حیدر عباس رضوی کی بھابھی، بھانجے اورڈپٹی اسپیکر سندھ اسمبلی شہلارضا کے عزیزوں کی شہادت جناب الطاف حسین کا اظہار افسوس
	متحدہ قومی موومنٹ کے قائد جناب الطاف حسین نے سانحہ ء عباس ٹاؤن میں سابق حق پرست رکن قومی اسمبلی حیدر عباس رضوی کی بھابھی،کم سن بھانجے اور ڈپٹی اسپیکر سندھ اسمبلی محترمہ شہلا رضا کے قریبی عزیزوں کی شہادت پر گہرے دکھ اور افسوس کا اظہار کیا ہے ۔
Read More    Posted on: 04 Mar 2013

کراچی کی چیخ وپکار تحریر :ارشد حسین
	کراچی کوگزشتہ کئی برسوں سے ایک سازش کے تحت آگ و خون میں نہلا یا جارہا ہے یہا ں کے معصوم عوام کوجن میں خواتین ،بزرگ ،نوجوان ،حتیٰ کہ معصو م وشیر خوار بچے تک شامل ہیں بے دری سے قتل کیا جارہا ہے اس سلسلے کا تازہ واقع رواں ماہ میں بھی ہوا ۔ جہاں عباس ٹاؤن ابوالحسن اصفہانی روڈ پر بم دھماکا کیا گیا جس میں 50سے زائد افراد منٹو ں میں لقمہ اجل بن گئے اور 150کے قریب شدید زخمی ہوئے ۔ دھماکہ اتنا شدید تھا کہ قریبی عمارتوں میں بھی آگ تک لک گئی اور دکانوں سمیت دیگر املا ک کو نقصان پہنچا لیکن سب
Read More    Posted on: 04 Mar 2013

سانحہ عباس ٹاؤن کراچی مہاجر شیعہ کمیونٹی کی نسل کشی اور انہیں مسلک اور فرقہ کے نام پر تقسیم در تقسیم کرنے کی منظم سازش کاحصہ ہے،ڈاکٹرمحمدفاروق ستار
	متحدہ قومی موومنٹ کی رابطہ کمیٹی کے ڈپٹی کنوینر ڈاکٹر محمدفارو ق ستار نے کہا ہے کہ سانحہ عباس ٹاؤن کراچی مہاجر شیعہ کمیونٹی کی نسل کشی انہیں مسلک اور فرقہ کے نام پر تقسیم در تقسیم کرنے کی منظم سازش کاحصہ ہے،کراچی میں فرقہ واریت کا عوامی سطح پر کوئی تعلق نہیں ہے۔انہوں نے کہاکہ نام نہاد سیاسی ومذہبی جماعتیں کراچی کے حق پرست عوام کو مسلک اور فرقہ کی بنیاد پر تقسیم کرکے دراصل ایم کیوایم اور اس کے ووٹ بینک کو تقسیم کرنا چاہتی ہیں لیکن ان سازشی عناصر کو ہم بتا دینا چاہتے ہیں کہ آج کراچی سمیت سندھ کے دیگر شہری علاقوں کے مہاجر عوام ہی نہیں بلکہ دیگر زبانیں بولنے والے حق پرست عوام بھی ماضی کی نسبت قائد تحریک جناب الطاف حسین کی قیادت میں متحدہ قومی موومنٹ کے پلیٹ فارم پرپہلے سے کہیں زیادہ متحد،منظم اور متحرک ہیں ۔
Read More    Posted on: 04 Mar 2013

عوام خصوصاً مخیر حضرات عباس ٹاؤن کے متاثرین کے لئے زیادہ سے زیادہ بستر، چادریں، کمبل، بچوں کے لئے دودھ اور کھانے پینے کا سامان پہنچائیں ، الطاف حسین کی اپیل
	ایم کیوایم کے قائد جناب الطاف حسین نے مخیر حضرات سے اپیل کی ہے کہ وہ سانحہ ء عباس ٹاؤن میں بے گھر ہونے والے افراد کے لئے زیادہ سے زیادہ تعداد میں بستر ،چادریں ، کمبل بچوں کے لئے دودھ ، فیڈر اورکھانے پینے کا سامان پہنچائیں ۔انہوں نے کہا کہ دہشت گر دی کے اس بھیانک واقعہ میں سینکڑوں افراد بے گھر ہوگئے ہیں جن کی مدد کرنا تما م پاکستانیوں کا انسانی ، مذہبی اور قومی فر یضہ ہے ۔
Read More    Posted on: 04 Mar 2013

متحدہ قومی موومنٹ کی رابطہ کمیٹی کے اراکین نے سانحہ عباس ٹاؤن میں شہید ہونیوالے افراد کے لواحقین سے ان کے گھر وں پر جاکر تعزیت اور فاتحہ خوانی کی
	متحدہ قومی موومنٹ کی اراکین رابطہ کمیٹی کے ارکان شاہد لطیف اور جاوید کاظمی نے گذشتہ روز سانحہ عباس ٹاؤن میں شہید ہونے والے افراد کے گھر جاکرایم کیو ایم کے قائد جناب الطاف حسین کی جانب سے تعزیت کی اور شہداء کے بلند درجات کے لئے فاتحہ خوانی کی ۔
Read More    Posted on: 04 Mar 2013

سانحہ عباس ٹاؤن میں شہادتوں پر ایم کیوایم کے زیر اہتمام پیر کے روز آزاد کشمیر اور گلگت بلتستان سمیت ملک بھر میں پرامن یومِ سوگ منایا گیا
	متحدہ قومی موومنٹ کے قائدجناب الطاف حسین کی اپیل پرایم کیوایم کے زیراہتمام سانحہ عباس ٹاؤن میں40سے زائدافرادکی افسوسناک شہادتوں پرپیرکے روز آزاد کشمیر اور گلگت بلتستان سمیت ملک بھرمیں پرامن یومِِ سوگ منایاگیا اور شہداء کی ارواح کے ایصال ثواب اورزخمیوں کی جلدومکمل صحت یابی کیلئے تمام صوبائی،ضلعی اورزونل دفاترمیں قرآن خوانی وفاتحہ خوانی کے اجتماعات بھی منعقدکیے گئے۔
Read More    Posted on: 04 Mar 2013

سانحہ عباس ٹاؤن پر قومی سیاسی رہنماؤں کی مسلسل بے حسی افسوسناک ہے۔سلیم شہزاد، محمداشفاق
	متحدہ قومی موومنٹ کی رابطہ کمیٹی کے ارکان سلیم شہزاداورمحمداشفاق نے سانحہ عباس ٹاؤن پر قومی سیاسی رہنماؤں کی مسلسل بے حسی کی شدیدافسوس کااظہار کیا ہے۔اپنے ایک بیان میں انہوں نے کہاکہ گزشتہ روز کراچی میں قیامت صغریٰ بپاہوئی، عباس ٹاؤن میں دھماکے سے پچاس سے زائدمعصوم وبے گناہ نوجوان، بزرگ، عورتیں اورمعصوم بچے شہیدہوئے،ڈیرھ سو سے زائد زخمی ہوئے،کئی گھر مکمل طورپرتباہ ہوگئے،کراچی میں گھرگھرصف ماتم مچی ہوئی ہے لیکن یہ امرانتہائی افسوسناک اورقابل مذمت ہے کہ اتنے بڑے سانحہ پر کسی بھی قومی سیاسی رہنمانے اظہارمذمت کے دولفظ تک نہ کہے۔
Read More    Posted on: 04 Mar 2013

درگاہ پیر حاجن شاہ کے گدی نشین پیر حاجن شاہ ماری والاکے انتقال پر جناب الطاف حسین کا اظہار افسوس
	متحدہ قومی موومنٹ کے قائد جناب الطاف حسین نے گذشتہ دنوں شکار پور میں بم دھماکے کے نتیجے میں شدیدزخمی ہونیوالے پیر حاجن شاہ کی درگاہ کے گدی نشین پیر حاجن شاہ ماری والاکے دوران علاج انتقال پر دلی افسوس کا اظہار کیا ہے۔
Read More    Posted on: 04 Mar 2013

سانحہ عباس ٹاؤن کے متاثرین کی دل کھول کر مدد کریں،متاثرین کیلئے روزمرہ کی اشیا اور غذائی اجناس لیکر پہنچیں،دردمند دل رکھنے والے عوام سے الطاف حسین کی اپیل
	متحدہ قومی موومنٹ کے قائد جناب الطاف حسین نے کراچی کے تمام درد مند دل رکھنے والے عوام سے اپیل کی ہے کہ وہ سانحہ عباس ٹاؤن کے متاثرین کی دل کھول کرمدد کریں۔ جناب الطاف حسین نے عوام سے اپیل کی کہ وہ متاثرین کیلئے روز مرہ کی اشیاء ، دودھ اور پانی کی بوتلیں،خشک دودھ اور دیگر غذائی اجناس لیکر فوری طور پر متاثرہ علاقہ میں پہنچیں۔جناب الطاف حسین نے کہا کہ وہ یہ اپیل وفاقی اور صوبائی حکومتوں کے بے حسی کے رویہ کی وجہ سے کرنے پر مجبور ہوئے ہیں کیونکہ حکومت کی جانب سے سانحہ عباس ٹاؤن کے متاثرین کیلئے کوئی امداد تاحال نہیں پہنچی ہے۔
Read More    Posted on: 04 Mar 2013

کراچی کے علاقے عباس ٹاؤن میں دھماکہ سفاکی،درندگی اوردہشت گردی کا بدترین واقعہ ہے۔الطاف حسین
	متحدہ قومی موومنٹ کے قائدجناب الطاف حسین نے کراچی کے علاقے عباس ٹاؤن میں بم دھماکے کے ہولناک واقعہ کی شدیدالفاظ میں مذمت کی ہے اوران دھماکوں میں متعددمعصوم وبے گناہ افرادکی شہادت پر دلی افسوس کااظہارکیاہے ۔اپنے ایک بیان میں جناب الطاف حسین نے کہاکہ اس سے قبل بھی عباس ٹاؤن میں بم دھماکہ کیاتھاجس کے نتیجے میں متعددافرادشہیدوزخمی ہوئے تھے لیکن پولیس وانتظامیہ اورقانون نافذ کرنے والے اداروں کی جانب سے اس حساس علاقے میں تحفظ کیلئے کسی قسم کے اقدامات نہیں کئے گئے اورآج پھرسفاک اوردرندہ صفت دہشت گردوں کی جانب سے عباس ٹاؤن میں ایک اور بڑا دھماکہ کیاگیاجس کے نتیجے میں علاقے کے متعددمعصوم وبے گناہ نوجوان، بزرگ، خواتین اوربچے شہیدہوگئے جبکہ 60سے زائدمعصوم افرادزخمی ہیں۔
Read More    Posted on: 03 Mar 2013