سپر ہائی وے ٹول پلاز ہ پر تیز رفتار ٹرالر کے منی کوسٹر سے ٹکرانے کے اندوہناک حادثہ میں ایم کیوایم کے 4ہمدردوں کے جاں بحق ہونے پر ایم کیوایم رابطہ کمیٹی کااظہار افسوس
	ایم کیوایم کی رابطہ کمیٹی نے سپر ہائی وے ٹول پلاز ہ پر کراچی سے ٹنڈو الہیار جاتے ہوئے تیز رفتار ٹرالر ، منی کوسٹر سے ٹکرانے کے اندوہناک ک حادثہ کے نتیجے میں ایم کیوایم کے 4ہمدردوں کے جاں بحق ہونے پر گہرے دکھ اور افسوس کااظہار کیا ہے ۔
Read More    Posted on: 13 Mar 2013

دہشت گردوں کی فائرنگ سے چار پولیس اہلکاروں سمیت دس افراد کی ہلاکت پر ایم کیو ایم رابطہ کمیٹی کا اظہا رمذمت
	متحد ہ قومی موومنٹ کی رابطہ کمیٹی نے کراچی کے مختلف علاقوں میں دہشت گردوں کی فائرنگ سے چار پولیس اہلکاروں سمیت دس افراد کی ہلاکت پر گہری تشویش کا اظہار کیا ہے اور ان واقعات کی سخت ترین الفاظ میں مذمت کی ہے۔اپنے مذمتی بیان میں رابطہ کمیٹی نے کہا ہے کہ دہشت گردوں کے حوصلے اس قدر بلند ہوگئے ہیں کہ وہ پولیس سمیت دیگرسیکوٹی اہلکاروں پر بھی حملہ کرنے سے گریز نہیں کرتے۔انہوں نے کہا کہ شہر میں قتل و غارتگری اور جرائم پیشہ عناصر میں ملوث کسی بھی فرد کو اب تک گرفتار نہیں کیا گیا۔رابطہ کمیٹی نے صدر مملکت آصف علی زرداری،وزیر اعظم پاکستان راجہ پرویز اشرف ،گورنر سندھ ڈاکٹر عشرت العباد خان اور وزیر اعلیٰ سندھ قائم علی شاہ سے مطالبہ کیا ہے کہ چار پولیس اہلکاروں سمیت دس افراد کی ہلاکت کا نوٹس لیں اور دہشت گردوں کے خلاف موثرکاروائی عمل میں لائیں تاکہ شہر کراچی کی عوام سکھ کا سانس لے۔انہوں پولیس اہلکاروں سمیت دیگرجاں بحق ہونے والے افراد کے سوگواران سے تعزیت کی اللہ تعالیٰ کے حضور دعا کی کہ انہیں جنت الفردوس میں اعلیٰ مقام عطا فرمائے۔(آمین)
Read More    Posted on: 13 Mar 2013

عام انتخابات 2013کیلئے ملک بھر سے عوام کی نمائندگی کے خواہش مندوں کیلئے ایم کیوایم نے ’’درخواست فارم'' کا اجراء کردیا
	متحدہ قومی موومنٹ کی رابطہ کمیٹی نے عام انتخابات 2013کیلئے ملک بھر سے سچائی اور خلوص کے ساتھ عوام کی نمائندگی کیلئے باصلاحیت اور باکردار افراد کیلئے ’’درخواست فارم ‘‘ کا اجراء کردیا ہے اور کہا ہے کہ عام انتخابات 2013ء کیلئے ملک بھر سے موصول ہونے والے درخواست فارم کی ایم کیوایم کا پارلیمانی بورڈ جانچ پڑتال کرکے امیدواروں کا میرٹ کی بنیاد پر انتخاب کرے گا ۔رابطہ کمیٹی نے مختلف شعبوں سے تعلق رکھنے والے افراد سے اپیل کی ہے کہ وہ ملک میں مثبت تبدیلی اور غریب و متوسط طبقے کے انقلاب کیلئے ایم کیوایم کے دفاتر سے عام انتخابات 2013کے درخواست فارم حاصل کریں اور انہیں پُر کرکے جمع کرائیں
Read More    Posted on: 12 Mar 2013

لطیف آباد کے علاقے گلشن سرمست میں پہلے ہی جامعہ حیدرآباد کے لئے جگہ تجویزکر چکے ہیں ، ڈاکٹرصغیر احمد
	ایم کیوایم کی رابطہ کمیٹی کے رکن ڈاکٹر صغیر احمد نے صو بائی وزیر تعلیم پیر مظہرالحق کے بیان پرکہ ایم کیوایم والے جگہ بتادیں تو جامعہ حیدرآبادکی قرارداد اسمبلی میں پیش کر دو ں گا پر تبصرہ کر تے ہوئے کہا کہ گزشتہ دنوں جامعہ حیدر آباد کے حوالے سے حق پر ست ارکان اسمبلی لطیف آباد کے علاقے گلشن سرمست میں پہلے ہی جگہ تجویز کر چکے ہیں۔
Read More    Posted on: 12 Mar 2013

حق پرست رکن قومی اسمبلی شیخ صلاح الدین و دیگرارکان اسمبلی نے پارلیمنٹ میں وفاقی دارالحکومت لوکل گورنمنٹ ایکٹ 2013پیش کر دیا
	حق پرست رکن قومی اسمبلی شیخ صلاح الدین و دیگرارکان اسمبلی نے پارلیمنٹ میں وفاقی دارالحکومت لوکل گورنمنٹ ایکٹ 2013پیش کر دیا۔بل میں مطالبہ کیاگیاہے کہ اسلام آبادمیں منتخب نمائندوں پر مشتمل بلدیاتی اداروں کا قیام عمل میں لایا جائے واضح رہے کہ اسلام آباد شہرکی آبادی دس لاکھ سے تجاویز کر گئی ہے اور سی ڈی اے مقامی مسائل کو حل کرنے میں بری طرح ناکام ہوگئی ہے ۔ بل میں واضح کیا گیا ہے کہ آئین کے آرٹیکل32کے مطابق مقامی حکومتوں کا قیام ریاست کی ذمہ داری ہے ۔
Read More    Posted on: 12 Mar 2013

جناب الطاف حسین کانظریہ ملک میں تبدیلی کاضامن ہے،ڈاکٹرصغیراحمد
	ایم کیوایم کی رابطہ کمیٹی کے رکن اورسابق حق پرست صوبائی وزیرصحت ڈاکٹرصغیراحمدنے کہاہے کہ جناب الطاف حسین کانظریہ ملک میں تبدیلی کاضامن ہے،حق پرستی کا سفر جہاں جہاں پہنچا وہاں تبدیلی نمایاں ہوئی۔ان خیالات کااظہارانہوں نے منگل کی شام سندھ گورنمنٹ اسپتال کورنگی نمبر5میں حق پرست رکن قومی اسمبلی آصف حسنین اوررکن سندھ اسمبلی شیخ محمدافضل کے فنڈزسے تعمیرہونیوالی نئی بلڈنگ کے سنگ بنیادرکھنے اوراسپتال میں جدیدطرزاورسہولیات سے آراستہ کارڈیولوجی اوپی ڈی ڈیپارٹمنٹ اور امراض تشخص ڈیپارٹمنٹ میں سی ٹی اسکین مشین کے افتتاح کے موقع پرمنعقدتقریب سے خطاب کرتے ہوئے کیا
Read More    Posted on: 12 Mar 2013

ایم کیوایم کے 29ویں یوم تاسیس کے مرکزی جلسہ عام کے سلسلے میں میر پور خاص میں بڑی ریلی نکالی گئی،
	قائد تحریک جناب الطاف حسین کی جانب سے 18مارچ 2013ء کو ایم کیوایم کے 29ویں یوم تاسیس کا مرکزی جلسہ عام میر پور خاص میں منعقد کرنے کے اعلان کے ساتھ ہی ایم کیوایم میر پور خاص زون کے مختلف سیکٹروں کے زیر اہتمام مشترکہ طور پر ایک بڑی ریلی نکالی گئی جس میں نوجوانوں ،بزرگوں اور خواتین نے کثیر تعداد میں شرکت کی ۔ یہ ریلی ایم کیوایم میر پور خاص زون کے میر پور خاص سٹی سیکٹر A، سیکٹر Cاور سیکٹر Dکے تحت نکالی گئی جو سینکڑوں گاڑیوں ، موٹر سائیکلوں اور سوزوکیوں پر مشتمل تھی ، ریلی کے شرکاء نے اپنے ہاتھوں میں ایم کیوایم کے پرچم اٹھا رکھے تھے اور وہ پرجوش انداز میں فلک شگاف نعرے لگا رہے تھے
Read More    Posted on: 12 Mar 2013

بلو چستان میں ڈسٹرکٹ الیکشن کمشنر کاقتل حکومت اور اسکے اداروں کی ناکامی کا ثبوت ہے ،ڈاکٹر فاروق ستار
	متحدہ قومی موومنٹ کی رابطہ کمیٹی کے ڈپٹی کنوینر ڈاکٹر فاروق ستار نے کوئٹہ میں الیکشن کمیشن آف پاکستان کے ڈسٹر کٹ کمشنر ضیا ء اللہ کی دہشت گردوں کے ہاتھوں ہلاکت کے واقعہ کی شدیدمذمت کی ہے اور اسے حکومت اور اسکے اداروں کی ناکامی کاایک اور ثبوت قر ار دیا ہے ۔
Read More    Posted on: 12 Mar 2013

بے گناہ شہریوں کی جان ومال سے کھیلنے والے عناصر انسانیت کے کھلے دشمن ہیں، الطاف حسین
	متحدہ قومی موومنٹ کے قائد جناب الطاف حسین نے بنوں میں تھانہ صدرکے قریب بم دھماکے اور متنی میں بم ناکارہ بناتے ہوئے بم ڈسپوزل اسکواڈ کے اہلکار کی شہادت کے واقعہ کی سخت ترین الفاظ میں مذمت کی ہے اور بنوں بم دھماکے میں پولیس اہلکاروں کی شہادت اور متعدد اہلکاروں کے زخمی ہونے پر گہرے دکھ اور افسوس کا اظہار کیا ہے ۔
Read More    Posted on: 12 Mar 2013

بچوں کو جسمانی سزا دینے کی ممانعت کا بل منظور کرکے ایک روشن پاکستان کی بنیاد رکھی گئی ہے، رابطہ کمیٹی
	متحدہ قومی موومنٹ کی رابطہ کمیٹی نے قومی اسمبلی میں بچوں کو جسمانی سزا دینے کے خلاف بل کی اتفاق رائے سے منظوری کا خیرمقدم کیا ہے ۔ ایک بیان میں رابطہ کمیٹی نے کہاکہ کسی بھی مہذب معاشرے میں مستقبل کے معماروں کو جسمانی تشدد کا نشانہ بنانے کے عمل کی اجازت نہیں دی جاسکتی اور قومی اسمبلی کے ایوان میں بچوں کو جسمانی سزا دینے کی ممانعت کا بل منظور کرکے ایک روشن پاکستان کی بنیاد رکھی گئی ہے جس پر تمام اراکین قومی اسمبلی اور اس قانون سازی کیلئے جدوجہد کرنے والے سول سوسائٹی کے افراد زبردست خراج تحسین کے مستحق ہیں۔
Read More    Posted on: 12 Mar 2013