اے این پی کے مقامی رہنماء کے قتل پر الطاف حسین کااظہار مذمت
سیف اللہ آفریدی کے سفاک قاتلوں کو گرفتارکرکے عبرتناک سزا دی جائے، الطاف حسین
سیف اللہ کے لواحقین ، اے این پی کے رہنماؤں اور کارکنوں سے الطا ف حسین کا اظہارتعزیت
لندن ۔۔۔4، جنوری2015ء
متحدہ قومی موومنٹ کے قائد جناب الطاف حسین نے کراچی کے علاقے اتحاد ٹاؤن میں عوامی نیشنل پارٹی کے مقامی رہنماء سیف اللہ آفریدی کے بہیمانہ قتل کی سخت ترین الفاظ میں مذمت کی ہے ۔ ایک بیان میں جناب الطاف حسین نے حکومت سے مطالبہ کیا کہ سیف اللہ آفریدی کے سفاک قاتلوں کو گرفتارکرکے عبرتناک سزا دی جائے اور شہریوں کی جان ومال کے تحفظ کیلئے ٹھوس اور عملی اقدامات بروئے کار لائے جائیں۔ جناب الطاف حسین نے مقتول کے سوگوار لواحقین، عوامی نیشنل پارٹی کے رہنماؤں اورکارکنوں سے دلی تعزیت وہمدردی کا اظہار کرتے ہوئے دعا کی کہ اللہ تعالیٰ سیف اللہ آفریدی کو جنت الفردوس میں جگہ عطا فرمائے اور سوگوار لواحقین کو صبرجمیل عطا کرے ۔(آمین)
English Viewers