میں ایم کیوایم انٹرنیشنل سیکریٹریٹ لندن کے سابق آفس سیکریٹری اورتحریک کے بزرگ رکن سید کلیم اللہ صاحب کے انتقال پر گہرے رنج وغم کااظہار کرتاہوں اورانہیں دل کی گہرائیوں سے خراج عقیدت پیش کرتاہوں۔۔
سید کلیم اللہ مرحوم تحریک کے ایک سینئر رکن ہونے کے ساتھ ساتھ میرے لئے ایک شفیق بزرگ کی حیثیت رکھتے تھے۔ ان کے انتقال سے میں اپنے ایک دیرینہ ساتھی اورایک بزرگ ہستی سے محروم ہوگیا ہوں جس پر مجھے ذاتی طورپر بہت دکھ ہوا ہے۔
سید کلیم اللہ مرحوم ایک شفیق ، محنتی ،فرض شناس، وضع دار، اصول پرست اور دفتری امور کی انجام دہی میں تنظیمی اصولوں، قواعد وضوابط اوردفتری ڈسپلن پریقین رکھنے والی شخصیت تھے۔ وہ ہرایک سے محبت وشفقت سے پیش آتے۔انہوں نے کئی برسوں تک انٹرنیشنل سیکریٹریٹ کے آفس سیکریٹری کی حیثیت سے اپنے فرائض پوری ایمانداری اورمحنت ولگن سے انجام دیئے۔ سید کلیم اللہ مرحوم نے تحریک کے لئے جو خدمات انجام دی ہیں وہ ہمیشہ یادرکھی جائیںگی۔ اپنی تحریکی خدمات اور محبت وشفقت کی بدولت وہ تحریکی ساتھیوں کے دلوں میں زندہ رہیں گے۔
میں سیدکلیم اللہ مرحوم کی بیوہ، بیٹیوں، بیٹے اور خاندان کے تمام افراد سے دلی تعزیت کااظہارکرتاہوں۔ میں اور تحریک کے تمام کارکنان ان کے غم میں برابر کے شریک ہیں ۔ ہم دعاگوہیں کہ اللہ تعالیٰ سید کلیم اللہ مرحوم کی مغفرت فرمائے، انہیں جنت الفردوس میں اعلیٰ مقام عطافرمائے اورتمام سوگواراہل خانہ کویہ صدمہ برداشت کرنے کاحوصلہ اورصبرجمیل عطافرمائے۔
الطاف حسین
11مئی 2025ئ