صائب مشورہ :
|
|
Posted on: 5/28/2023
|
صائب مشورہ :
وہ قوتیں جن کاسب کومعلوم ہے، انہیں بزرگوں کے ان صائب مشوروں کو ضرور سامنے رکھناچاہیے کہ '' اتنا تیزی سے مت دوڑو کہ کہیں گر نہ جاؤ '' اور ''جلدی کاکام شیطان کاہوتا ہے'' ۔
لہٰذا ہردو دو تین تین گھنٹے بعد پی ٹی آئی کے گرفتار ارکان سے پارٹی چھوڑنے کا اعلان کرانےکا عمل بند کیا جائے کیونکہ اس سے مذاق ان ہی قوتوں کا اڑ رہاہے جو پی ٹی آئی کے ارکان کو پارٹی چھوڑنے پر مجبور کررہی ہیں۔
طاقتورقوتوں کو اس کلیہ کوہرگز نہیں بھولناچاہیے کہ جب طاقت کے بل پر یالالچ دے کرکسی بھی سیاسی پارٹی کے افراد سے یہ کہاجاتا ہے کہ تم اپنی پارٹی کوچھوڑ دو تو جب جب ، جہاں جہاں جو افراد اپنی پارٹی چھوڑنے کا اعلان کرتے ہیں توپارٹی کے کارکنان وعوام میں ہمیشہ پارٹی چھوڑنے والوں کے خلاف شدیدغم وغصہ اورنفرت پیداہوتی ہے۔ اس عمل سے عام عوام اورکارکنوں کی اکثریت کی محبت ، عقیدت اور چاہت پارٹی کی بنیاد رکھنے والی شخصیت کے ساتھ نہ صرف برقرار رہتی ہے بلکہ اس میں مزید اضافہ بھی ہوتا ہے۔ اس کی مثال اصل ایم کیوایم کی ہے جس کے چاہنے والے عوام اور گمنام مخلص کارکنوں کی تعداد میں ہرگزرتے دن کے ساتھ مزید اضافہ ہورہا ہے۔ اگرکسی بھی سیاسی یامذہبی جماعت میں کتنے ہی نئے نئے گروپس بناکر نئی نئی مزیدپارٹیاں بنا بھی دی جائیں توعوام و مخلص کارکنان خوب اور بہتر طورپر جانتے ہیں کہ کون سی جماعت '' اصل '' ہے اورکون کون سی جماعتیں ''جعلی '' ہیں۔
میرے تمام مخلص سینئر و جونیئر ذمہ داران اورکارکنان آج تک مجھ سے نہ صرف جڑے ہوئے ہیں بلکہ ان کی محبت وعقیدت اوراعتماد و یقین میں مزید اضافہ ہوا ہے۔ دنیا خوب جانتی ہے کہ میں نے اپنی 45 سالہ تحریکی جدوجہد میں بڑے بڑے نشیب وفراز دیکھے ہیں۔ اس کے باوجود کارکنان وعوام کو مجھ سے دور نہیں کیاجاسکا بلکہ وہ آج پہلے سےزیادہ میرے ساتھ جڑ گئے ہیں اورجڑتے جارہے ہیں۔
میں ریاست کے طاقتوراداروں اور حلقوں کوباور کرانا چاہتا ہوں کہ وہ یادرکھیں کہ '' عورت '' ایک ماں بھی ہوتی ہے ، بہن بھی ، بیٹی بھی اوربیوی بھی ہوتی ہے ، ان کااحترام کرناسب پر فرض ہے اورمرد حضرات کو یہ نہیں بھولنا چاہیے کہ جنت باپ کے قدموں کے نیچے نہیں ہوتی بلکہ صرف اور صرف ماں کے قدموں میں ہوتی ہے۔ اس بات پر بھی ضرور غور کرنا چاہیے کہ گرفتار خواتین کے ساتھ کسی قسم کا تشدد اور بےحرمتی کا عمل نہ صرف غیر انسانی عمل کہلاتا ہے بلکہ ایسا عمل عذاب الہٰی کو دعوت بھی دیتا ہے۔ لہٰذا میں طاقت رکھنے والی قوتوں سے پر زور مطالبہ کرتا ہوں کہ PTI کی گرفتار خواتین کے ساتھ کسی قسم کی بدسلوکی نہ کی جائے اورتشدد و بدسلوکی کرنے والے حکام واہلکار یہ نہ بھولیں کہ ان کی بھی ماں ،بہن ،بیٹیاں ہیں ۔
(الطاف حسین )
28مئی 2023
Translate Tweet
Link: https://twitter.com/AltafHussain_90/status/1662927662136844288
|
9/8/2024 4:24:36 PM
|
|