کراچی میں صحافی اطہرمتین کی ڈاکوؤں کے ہاتھوں سفاکانہ قتل کی
شدیدالفاظ میں مذمت کرتاہوں۔ الطاف حسین
اطہرمتین کے جاںبحق ہونے کے واقعہ پر دلی صدمہ ہے ۔ میں اور میرے ساتھی اطہرمتین کے بھائی طارق متین اورتمام اہل خانہ کے غم میں برابرکے شریک ہیں
کراچی میں اسٹریٹ کرائمز کی وارداتوں میں دن بدن اضافہ ہورہاہے
شہریوں کی زندگیوں کے چراغ بھی گل کئے جارہے ہیں۔ الطاف حسین
اسٹریٹ کرائمز کے خاتمہ اور شہریوں کی جان ومال کے تحفظ کے لئے عملی اقدامات کئے جائیں۔الطاف حسین
لندن … 18 فروری 2022ئ
متحدہ قومی موومنٹ کے قائدجناب الطاف حسین نے ممتازاینکرطارق متین کے بھائی اور صحافی اطہرمتین کی ڈاکوؤں کے ہاتھوں سفاکانہ قتل کی شدیدالفاظ میں مذمت کی ہے ۔ اپنے بیان میں جناب الطاف حسین نے کہاکہ کراچی میں پولیس، رینجرز اورتمام قانون نافذ کرنے والے ادارے موجود ہیں لیکن شہرمیں اسٹریٹ کرائمز کی وارداتوں میں دن بدن اضافہ ہورہاہے اورشہریوںکولوٹنے کے ساتھ ساتھ ان کی زندگیوں کے چراغ بھی گل کئے جارہے ہیں ۔ جناب الطاف حسین نے کہاکہ مجھے اطہرمتین کے جاںبحق ہونے کے واقعہ پر دلی صدمہ ہے اورمیں اور میرے ساتھی اس سانحہ پر اطہرمتین کے بھائی طارق متین اورتمام اہل خانہ کے غم میں برابرکے شریک ہیں۔ ہم دعاکرتے ہیںکہ اللہ تعالیٰ اطہرمتین کوشہادت کادرجہ عطافرمائے ، انہیں جنت الفردوس میں جگہ دے اورتمام اہل خانہ کوصبرجمیل عطافرمائے۔ جناب الطاف حسین نے اس واقعہ پر تمام صحافی برادری سے بھی دلی تعزیت کااظہارکیااورمطالبہ کیاکہ اسٹریٹ کرائمز کے خاتمہ اور شہریوں کی جان ومال کے تحفظ کے لئے عملی اقدامات کئے جائیں۔
٭٭