کراچی میں ضمنی و بلدیاتی الیکشن، عوامی دلچسپی نظر نہیں آ رہی

Posted on: 10/12/2022

کراچی میں ضمنی و بلدیاتی الیکشن، عوامی دلچسپی نظر نہیں آ رہی

کراچی(جمشیدبخاری) کراچی میں قومی اسمبلی کے دو حلقوں کے ضمنی الیکشن کی مہم کے ختم ہونے میں 72 گھنٹے سے بھی کم وقت رہ جانے اور کراچی کے 7 اضلاع میں بلدیاتی الیکشن میں 11 روز رہ جانے کے باوجود انتخابی مہم میں عوامی دلچسپی نظرنہیں آرہی جبکہ قلیل وقت رہ جانے کے باوجود حلقہ این اے 237 اور این اے 239 سمت بلدیاتی انتخاب میں سیاسی جماعتوں کی بھی عدم دلچسپی نظرآرہی ہےاین اے 237ملیر میں سیلاب متاثرین کی پولنگ اسٹیشنوں میں قیام کی وجہ سے دو درجن سے زائد پولنگ اسٹیشن تبدیل کردیئے جائیں گے جبکہ 23 اکتوبر کو بلدیاتی انتخاب ہونے کی صورت میں پولنگ اسکیم میں بڑے پیمانہ پر تبدیلی کی جائے گی کیونکہ کراچی ضلع غربی ،ملیر، کورنگی،ضلع ایسٹ کے بیشتر اسکولوں میں قائم پولنگ اسٹیشنوں میں سیلاب متاثرین قیام پذیر ہیں‘ بلدیاتی انتخابات میں جماعت اسلامی کی مہم جاری ہے جبکہ قومی اسمبلی کے ضمنی الیکشن میں پی ٹی آئی کی مہم عروج پر ہے قومی اسمبلی کے دونوں حلقوں میں کہیں کہیں پی پی پی اور ایم کیو ایم مہم چلاتی نظرآتی ہیں۔ادھرالیکشن کمیشن نے 16 اکتوبر کو انتخاب کرانے یا نہ کرانے کی گومگو ں کی کیفیت کو ختم کردیا اور مذکورہ تاریخ پر انتخاب کرانے کا اعلان کیا ہے‘ ذرائع کے مطابق کے پی کے میں انتخاب ملتوی ہونے کی صورت میں اے این پی کی حکومت سے علیحدگی دھمکی کے بعد حکومت کے پی کے میں انتخاب ملتوی کرانے میںدلچسپی نہیں رکھتی تھی جبکہ امن وامان اور سیکیورٹی کی فراہمی کے سلسلے میں وفاقی وزارت داخلہ اور حکومت سندھ ایک بیچ پر تھی تاہم حکومت سندھ 16 اکتوبر کو قومی اسمبلی کے دو حلقوں این اے 237 ملیراور239کورنگی میں الیکشن ملتوی کرانے میں د لچسپی نہیں لے رہی تھی۔

Link: https://jang.com.pk/news/1146243

5/12/2025 10:22:40 PM

ایم کیوایم کے قائد الطاف حسین نے ایم کیوایم انٹرنیشنل سیکریٹریٹ کےساب... 06 May 2025	پاکستان پر جنگ کے بادل منڈلارہے ہیں،ہمیں اس بات کی فکر کرنی چاہیے کہ ... 27 Apr 2025
پہلگام میں دہشت گردحملے کے واقعہ پر انڈیا کی جانب سے سندھ طاس معاہدہ م... 25 Apr 2025	پہلگام میں دہشت گردحملہ علاقائی امن اور خطے کی صورتحال کے لئے نہایت ... 23 Apr 2025
لاہورہائیکورٹ کاتین رکنی لارجربینچ ایم کیوایم کے بانی وقائدجناب الطاف... 21 Apr 2025	معروف ناول نگار، صحافی، شاعر اورادبی شخصیت ایچ اقبال کے انتقال پر ایم... 19 Apr 2025
پاکستان کی معاشی زبوں حالی اورکرنسی کی قدرمیں گراوٹ کی ذمہ داری کس پ... 18 Apr 2025	ریاست ماں ہوتی ہے، کیا ریاست کارویہ اپنے بچوں کے ساتھ ماں جیسا ہے؟.الط... 14 Apr 2025
گزشتہ تین روز کے دوران کراچی اورحیدرآباد سے ایم کیوایم کے دردرجن سے ... 13 Apr 2025	صدرآصف زرداری اوروزیراعظم شہبازشریف کراچی اورحیدرآباد میں ایم کیوایم ... 12 Apr 2025