Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

بانی ایم کیو ایم پر پابندی کیخلاف درخواست، قابل سماعت ہونے پر فیصلہ کل ہوگا


بانی ایم کیو ایم پر پابندی کیخلاف درخواست، قابل سماعت ہونے پر فیصلہ کل ہوگا
 Posted on: 8/30/2022

سندھ ہائیکورٹ بانی ایم کیو ایم پر پابندی کے خاتمے سے متعلق سابق رکن سندھ اسمبلی نثار احمد کی درخواست قابل سماعت ہونے یا نہ ہونے کے معاملے پر کل (منگل کو) سماعت کریگی۔

سندھ ہائیکورٹ میں سابق رکن سندھ اسمبلی نثار احمد پنہور نے بانی ایم کیو ایم پر پابندی ختم کرنے سے متعلق درخواست دائر کی تھی۔

سندھ ہائی کورٹ کی جانب سے جاری کردہ کیسوں کی فہرست کے مطابق درخواست پر سماعت چیف جسٹس سندھ ہائیکورٹ جسٹس احمد علی شیخ اور جسٹس یوسف علی سعید کریں گے۔

دائر درخواست میں مؤقف اختیار کیا گیا ہے کہ بانی ایم کیو ایم ایک محب وطن پاکستانی ہیں، وہ ایک فلاحی تنظیم بھی چلاتے تھے، فلاحی تنظیم لاکھوں بیواؤں، یتیموں اور غریبوں کی مدد کرتی تھی۔

درخواست گزار کا کہنا ہے کہ بانی ایم کیو ایم پر پابندی آئین کے آرٹیکل 4، 17، 19 اور 25 کی خلاف ورزی ہے، پابندی ختم کرنے کیلئے متعلقہ حکام سے رابط کیا مگر کوئی کارروائی نہیں ہوئی۔

نثار احمد پنہور کا اپنی درخواست میں کہنا ہے کہ بانی ایم کیو ایم کو ملک میں سیاسی اور فلاحی سرگرمیوں کی اجازات دی جائے، بانی ایم کیو ایم پر عائد پابندیاں ختم کی جائیں۔

درخواست میں وفاقی وزارت داخلہ، وزارت قانون، وزارت اطلاعات اور پیمرا کو فریق بنایا گیا ہے۔

(نوٹ: اس خبر کو اپ ڈیٹ کیا گیا ہے، اس سے قبل خبر میں غلطی سے پابندی کیخلاف درخواست کی سماعت لکھا گیا تھا)

link : https://www.samaa.tv/news/40006472

3/1/2024 2:33:41 AM