پاکستان عوامی تحریک کے سربراہ علامہ طاہر القادری کا ٹیلی فون پر ایم کیوایم کے قائد جناب الطاف حسین سے رابطہ حق پر ست رکن قومی اسمبلی محترمہ طاہر ہ آصف کے سفاکانہ قتل پر تعزیت کی

لندن ۔۔19جون 2014ء

پاکستان عوامی تحریک کے سربراہ علامہ طاہر القادری نے جمرات کی شب لندن فون کر کے ایم کیوایم کے قائد جناب الطاف حسین سے حق پر ست رکن قومی اسمبلی محترمہ طاہر ہ آصف کے سفاکانہ قتل پر تعزیت کی ۔ ڈاکٹر طاہرالقادری نے کہا کہ سفاک قاتلون نے بزدلی کا مظاہر ہ کر تے ہوئے جس طرح ایک خاتون رکن اسمبلی کو نشانہ بنایا ہے اسکی جسقدر مذمت کی جائے وہ کم ہے ۔غم واندوہ کی اس گھڑی میں پاکستان عوامی تحریک کے تمام رہنما ء اور کارکنان ،ایم کیوایم کے ساتھ ہیں اور مطالبہ کرتے ہیں کہ محترمہ طاہر ہ آصف کے قاتلوں کوفوری گرفتا ر کیااجائے۔ انہوں نے محترمہ طاہر ہ آصف کے سوگوارلواحقین سے دلی تعزیت کا بھی اظہار کیااور ان کی مغٖفرت کیلئے دعا کی ۔