ایم کیوایم کے قائد الطاف حسین کوحراست میں لئے جانے کے واقعہ پر انٹرنیشنل سیکریٹریٹ میں پاکستان سمیت دنیابھرسے کارکنوں اورہمدردوں کی ٹیلیفون کالز کاتانتا بندھا ہوا ہے

لندن۔۔۔3 جون 2014ء

ایم کیوایم کے قائدجناب الطاف حسین کوحراست میں لئے جانے کے واقعہ پرآج صبح سے ایم کیوایم کے انٹرنیشنل سیکریٹریٹ میں پاکستان سمیت دنیابھرسے ایم کیوایم کے کارکنوں اورہمدردوں کی جانب سے جناب الطاف حسین سے اظہاریکجہتی کیلئے موصول ہونے والی ٹیلیفون کالز کاتانتابندھاہواہے۔کارکنان اورہمدردپاکستانیوں نے جناب الطاف حسین کوحراست میں لئے جانے پر شدیددکھ اور مذمت کااظہارکررہے ہیں۔ لندن اوربرطانیہ کے مختلف شہروں سے ایم کیوایم یوکے کے کارکنوں،خواتین، بزرگوں اور بچوں نے انٹرنیشنل سیکریٹریٹ پہنچ کرجناب الطاف حسین کوحراست میں لئے جانے پر اپنی شدید تشویش اوربے چینی کااظہارکیا۔ ایم کیوایم کے کارکنان اورذمہ داران کی بڑی تعداد جناب الطاف حسین کی اطلاع ملنے پر سینٹرل لندن کے مقامی پولیس اسٹیشن بھی پہنچ گئی ۔ اس بات کی اطلاع ملنے پر کہ جناب الطاف حسین کوطبیعت کی ناسازی کی بناء پر لندن کے ایک مقامی اسپتال لے جایاگیاہے رابطہ کمیٹی کے ارکان اور کارکنان، نوجوان، بزرگ اورخواتین جناب الطا ف حسین سے اظہاریکجہتی کیلئے اسپتال پہنچ گئے اوران کے بارے اپنی تشویش کااظہار کیا۔