قائدتحریک الطا ف حسین سے اظہاریکجہتی کے لئے مولانامحمدطیب طاہری کی ڈاکٹرخالد مقبول صدیقی سے ملاقات

کراچی ۔۔۔۔26مئی 2014ء 

جماعت اشاعت توحیدسنّت پاکستان کے امیراورممتازمذہبی اسکالرمولانامحمدطیب طاہری نے پیرکے روزمتحدہ قومی موومنٹ کی رابطہ کمیٹی کے ڈپٹی کنوینرڈاکٹرخالد مقبول صدیقی ، رابطہ کمیٹی کے ارکان اسلم آفریدی ، میاں عتیق اورحق پرست صوبائی وزیرعبدالرؤف صدیقی سے خورشید بیگم سیکرٹیریٹ عزیزآبادمیں ملاقات کی ۔انہوں نے اپنی اوراپنی جماعت کی جانب سے قائدتحریک الطاف حسین سے یکجہتی کااظہار کیا۔ملاقات میں مولانامحمدطیب طاہری نے گفتگوکرتے ہوئے کہاکہ قائدتحریک الطاف حسین نے خلافتِ راشدہ سے متعلق جو بیان جاری کیا ہے اس بیان کی وجہ سے میں جناب الطاف حسین کا گرویدہ ہوگیا ہوں اور میں انکی مکمل فکری اور عملی حمایت کا اعلان کرتا ہوں۔انہوں نے کہاکہ قائدتحریک جناب الطا ف حسین نے خلافتِ راشدہ کے نظام کے لئے عظیم اعلان کیاجسے تمام حلقوں میں سراہایاجارہاہے ۔انہوں نے تمام علمائے کرام اورمسلمان بھائیوں سے اپیل کی کہ وہ قائدتحریک جناب الطا ف حسین کے اعلان پرلیبک کہتے ہوئے انکا کاساتھ دیں۔ اس موقع پرخالدمقبول صدیقی نے امیرجماعت اشاعت توحیدسنّت پاکستان مولانامحمدطیب طاہری کی نائن زیرو آمد پر قائدتحریک الطاف حسین کی جانب سے خیرمقدم کیااورجناب الطا ف حسین سے اظہاریکجہتی پرمولانامحمدطیب طاہری کاشکریہ اداکیا۔انہوں نے کہاکہ قائدتحریک الطا ف حسین نے ہمیشہ حق اورسچ بات کہی ہے اوراسی پاداش میں انہیں ہمیشہ مشکلات اورسازشوں کاسامنارہاہے جس کاقائدتحریک الطا ف حسین نے ڈٹ کرمقابلہ کیاہے۔