جامعہ کراچی میں القاعدہ نیٹ ورک کی موجودگی قومی سلامتی کے لئے خطرہ ہے۔اے پی ایم ایس او

کراچی۔۔۔15فروری2014ء

آل پاکستان متحدہ اسٹوڈینٹس آرگنائزیشن کے اراکین مرکزی کابینہ نے گزشتہ روز سیکورٹی اداروں کی جانب سے جامعہ کراچی میں بین الاقوامی دہشت گرد تنظیم القاعدہ کی ذیلی تنظیم اصحاب کی موجودگی کے انکشاف پر گہری تشویش کا اظہار کیا ہے۔ایک مشترکہ بیان میں مرکزی کابینہ کا کہنا تھا کہ کراچی کے اعلیٰ تعلیمی ادارے میں القاعدہ کے منظم نیٹ ورک اور اس میں پروفیسرز کے ملوث ہونے کے انکشافات ملکی سلامتی کے اداروں کی کارکردگی پر گہرا سوال ہے۔ان کا کہنا تھا کہ نام نہاد مذہبی طلبہ تنظیم اسلامی جمعیت طلبہ کے کارکنان ملک بھر کے تعلیمی اداروں میں دہشت گردوں کی کاروائیوں اور انکی معاونت میں براہ راست ملوث رہے ہیں واضح رہے کہ گزشتہ دنوں پنجاب یونیورسٹی کے ہاسٹل سے گرفتار اسلامی جمعیت طلبہ سے وابستہ القاعدہ کے کارکن کی گرفتاری اس بات کا کھلا ثبوت ہے۔مرکزی کابینہ نے صدر پاکستان ممنون حسین ،وزیر اعظم پاکستان میاں محمد نواز شریف اور قومی سلامتی کے اداروں کے سربراہان سے مطالبہ کیاہے کہ وہ اسلامی جمعیت طلبہ اور انکی حامی جماعتوں کی دہشت گردکاروائیوں کا نوٹس لیکر ملک کے تعلیمی اداروں کو ممکنہ نقصان سے بچائیں۔