تنظیمی نظم وضبط کی مسلسل خلاف ورزیوں اورتنظیم میں فتنہ وانتشار پھیلانے پرایم کیوایم ساتھ افریقہ کے کارکن باسط
علی عرف کامریڈ کو تحریک سے خارج کردیا ہے۔رابطہ کمیٹی متحدہ قومی موومنٹ
رابطہ کمیٹی کاامریکہ میں مقیم تحریک کے ہمدرد حامد بیگ کی تحریرواورقول وفعل سے بھی قطعی لاتعلقی کااظہار
وفاپرست کارکنان تحریک میں فتنہ وانتشارپھیلانے والوں سے دور رہیں
بانی وقائدجناب الطاف حسین کی جانب سے رابطہ کمیٹی کے متفقہ فیصلے کی توثیق
لندن17 جنوری2024
متحدہ قومی موومنٹ کی رابطہ کمیٹی نے تنظیمی نظم وضبط کی مسلسل خلاف ورزیوں اور تنظیم میں فتنہ وانتشار پھیلانے کے تمام ترثبوت وشواہد کو سامنے رکھتے ہوئے ایم کیوایم ساتھ افریقہ کے کارکن باسط علی عرف کامریڈ (جس کااصل نام رضوان ہے ،جو آج کل امریکہ میں مقیم ہے ) اس کی بنیادی رکنیت ختم کرتے ہوئے تحریک سے خارج کردیا ہے ۔ ایم کیوایم انٹرنیشنل سیکریٹریٹ سے جاری اپنے بیان میں رابطہ کمیٹی نے کارکنوں کوہدایت کی ہے کہ وہ باسط علی عرف کامریڈ سے کسی قسم کاکوئی رابطہ نہ رکھیں۔ مزیدبرآں رابطہ کمیٹی نے اپنے بیان میں امریکہ میں مقیم تحریک کے ہمدرد حامد بیگ کی تحریر اور قول وفعل سے بھی قطعی لاتعلقی کا اظہار کیا ہے اوروفاپرست کارکنوں کوسختی سے تاکید کی ہے کہ وہ تحریک میں فتنہ وانتشارپھیلانے والوں سے دور رہیں اوراپنی صفوں میں اتحاد برقرار رکھیں۔ ایم کیوایم کے بانی و قائد جناب الطاف حسین نے رابطہ کمیٹی کے اس متفقہ فیصلے کی توثیق کی ہے