متحدہ قومی موومنٹ کے بانی وقائد جناب الطاف حسین کو آج بروز پیر لندن کے مقامی اسپتال کے ایمرجنسی وارڈ سے روم میں شفٹ کردیا گیا ہے اور ڈاکٹروں کی ٹیم کی نگرانی میں ان کا علاج کیا جارہا ہے۔
جناب الطاف حسین کو طبیعت بگڑنے کے باعث اتوار کی شام اسپتال لایا گیا تھاجہاں ڈاکٹروں نے ان کاچیک اپ کرنے کے بعد بلڈ ٹیسٹ اور مختلف ٹیسٹ تجویز کئے تھے۔ بلڈ ٹیسٹ کی رپورٹ کی روشنی میں جناب الطاف حسین کواتوارکی شب خون کی دوبوتلیں چڑھائی گئیں۔
جناب الطاف حسین گزشتہ 35برسوں سے مسلسل دکھ اورصدمات کا سامنا کرتے آرہے ہیں، اپنے ساتھیوں کے ماورائے عدالت قتل، گرفتاریوں، جبری گمشدگیوں، حتیٰ کہ سانحہ گل پلازہ کے متاثرین کی امدادکرنے والے کارکنوں تک کی گرفتاریوں،جبری گمشدگیوں اورقوم کے ساتھ کی جانے والی زیادتیوں کے واقعات سے بھی جناب الطاف حسین شدید ذہنی دباؤ میں مبتلاہیں، اسی ذہنی دباؤکی کیفیت میں وہ بغیر آرام کئے مسلسل 18 سے20 گھنٹے کام کررہے ہیں جس نے ان کی صحت پر اثرڈالا ہے۔
رابطہ کمیٹی نے کارکنوں اورعوام سے اپیل کی ہے کہ وہ بانی وقائد جناب الطاف حسین کی صحتیابی کے لئے دعائیں کریں۔