متحدہ قومی موومنٹ کے بانی وقائد جناب الطاف حسین کی طبیعت ناساز ہوگئی۔ اسپتال میں داخل کرلیا گیا
متحدہ قومی موومنٹ کے بانی وقائد جناب الطاف حسین کی شدید ذہنی دباؤ(Too much stress) ٹینشن اور 18سے 20 گھنٹے تحریکی کاموں میں دن رات مصروف رہنے کی وجہ سے طبیعت خراب ہوگئی۔ طبیعت کی ناسازی کے باعث انہیں آج مورخہ یکم فروری بروزاتوار طبی معائنے کیلئے لندن کے مقامی اسپتال لے جایا گیا جہاں ان کے مختلف طبی ٹیسٹ کئے گئے جس کے بعد ڈاکٹروں نے انہیں علاج کے لئے اسپتال میں داخل کرلیا ہے ۔
متحدہ قومی موومنٹ کی رابطہ کمیٹی نے تحریک کے کارکنان اورعوام سے اپیل کی ہے کہ وہ بانی وقائد جناب الطاف حسین کی صحتیابی کے لئے اللہ تعالیٰ کے حضورخصوصی دعاکریں۔