ایم کیوایم کے بانی جناب الطاف حسین کی والدہ محترمہ خورشید بیگم کی 38ویں برسی نہایت عقیدت واحترام سے منائی گئی

لندن …  5  دسمبر 2023ئ

ایم کیوایم کے بانی وقائد جناب الطاف حسین کی والدہ محترمہ خورشیدبیگم  کی 38ویں برسی آج نہایت عقیدت واحترام سے منائی گئی ۔ پاکستان کے مختلف شہروںاور اوورسیزمیں قرآن خوانی وفاتحہ خوانی کے اجتماعات منعقد کئے گئے اورانہیں زبردست خراج عقیدت پیش کیاگیا ۔ برسی کے موقع پر تمام ترپابندیوں اورپہروں کے باوجود ایم کیوایم کے کارکنوں اور خواتین نے پاپوشنگر کے قبرستان جاکر مرحومہ خورشید بیگم  کی قبر پر پھول چڑھائے اوران کے ایصال ِ ثواب کیلئے فاتحہ خوانی کی ۔ علاوہ ازیں کراچی اورحیدرآباد کے مختلف علاقوں اور سندھ کے دیگر شہروں بھی ایم کیوایم کے زیراہتمام مرحومہ کے ایصال ثواب کیلئے قرآن خوانی وفاتحہ خوانی کی گئی ۔ اسکے ساتھ سا تھ ایم کیوایم کے اوورسیز یونٹوں میں بھی قرآن خوانی وفاتحہ خوانی کے اجتماعات ہوئے۔ لندن میں ایم کیوایم کے انٹرنیشنل سیکریٹریٹ میں بھی قرآن خوانی کی گئی جس میں اراکین رابطہ کمیٹی، ایم کیوایم برطانیہ کے ذمہ داران وکارکنان اورخواتین نے شرکت کی ۔