ایم کیوایم رابطہ کمیٹی کے معاون اطہر عزیز کی اہلیہ محترمہ ارم عزیز کے انتقال پر قائدتحریک الطاف حسین کادلی صدمہ اور افسوس کااظہار
محترمہ ارم عزیزکے انتقال سے مجھے زاتی طورپر بہت دکھ اورصدمہ پہنچاہے۔الطاف حسین
میں اطہرعزیز اورانکے پور ے گھرانے کے غم میں برابر کا شریک ہوں۔الطاف حسین
قائدتحریک کااطہرعزیز کے چھوٹے بھائی اورایم کیوایم کینیڈا کیلگری کی چیپٹرکمیٹی کے رکن انورعزیزسے بھی ان کی بھابھی کے انتقال پر تعزیت
لندن … 15 اکتوبر 2022ئ
ایم کیوایم کے بانی وقائدجناب الطاف حسین نے ایم کیوایم کے سینئراورانتہائی پرخلوص کارکن اوررابطہ کمیٹی کے معاون اطہر عزیز کی اہلیہ محترمہ ارم عزیز کے انتقال پردلی صدمہ اور گہرے رنج وغم کااظہار کیاہے اوردعاکی ہے کہ اللہ تعالیٰ مرحومہ ارم عزیز کواپنی جواررحمت میں جگہ دے اوراطہرعزیزاوران کے تمام اہل خانہ کوصبرجمیل عطافرمائے۔ ا پنے بیان میں جناب الطاف حسین نے کہا کہ اطہرعزیز تحریک کے وہ سرگرم کارکن ہیں جوتحریک کے کسی بھی ہنگامی حالات میں بلاچون وچرا حاظر رہتے ہیں اوران کی اہلیہ مرحومہ ارم عزیز بھی تحریک کے ہرپروگرام میں شریک ہوتی تھیں ۔ محترمہ ارم عزیزکے انتقال سے مجھے زاتی طورپر بہت دکھ اورصدمہ پہنچاہے اور مجھے ایسامحسوس ہورہاہے جیسے یہ میرے اپنے گھر کاصدمہ ہے ۔ میں اطہرعزیز بھائی اوران کے پور ے گھرانے کے غم میں برابر کاشریک ہوں۔ اللہ تعالیٰ مرحومہ ارم عزیز کوجنت الفردوس میں جگہ دے اورتمام سوگواروںکویہ صدمہ برداشت کرنے کاحوصلہ اورصبر عطا فرمائے ۔
جناب الطاف حسین نے ایم کیوایم یوکے کی آرگنائزنگ کمیٹی سے بھی گفتگوکی اوریوکے کے تمام ذمہ داروںاور کارکنوںکو بھی ہدایت کی کہ وہ اطہرعزیزکے گھرپرپہنچ کردکھ اورصدمہ کی اس گھڑی میںان کے اہل خانہ کاغم بانٹیں ۔
جناب الطاف حسین نے اطہرعزیز کے چھوٹے بھائی اورایم
کیوایم کینیڈا کیلگری کی چیپٹرکمیٹی کے رکن انورعزیزسے بھی ان کی بھابھی کے انتقال پر تعزیت کی ۔
٭٭٭٭٭