ایم کیوایم کو طاقت کے ذریعہ بلدیاتی الیکشن لڑنے سے بازرکھنے کے واقعات پر الطاف حسین کااظہار مذمت
دہشت گرد عناصر مختلف پولنگ اسٹیشنوں پر رینجرز اور پولیس کے سامنے غنڈہ گردی کرتے رہے، الطاف حسین
لانڈھی کے متعدد پولنگ اسٹیشنوں جرائم پیشہ حقیقی دہشت گردوں نے قبضہ کرلیا ہے اوروہاں جعلی ووٹ ڈالے جارہے ہیں، الطاف حسین
لائنزایریا میں بھی ایم کیوایم کے ووٹرز کو ووٹ ڈالنے سے روکا جارہا ہے، الطاف حسین
پرامن الیکشن کے ماحول کو خراب کرنے میں اسٹیبلشمنٹ کا وہ گروہ شامل ہے جو لال مسجد کے ملاعبدالعزیز کی مدد کررہا ہے، الطاف حسین
یہ گروہ طالبان ، داعش اور القاعدہ جیسی دہشت گرد تنظیموں کی مدد کرکے پاکستان کو دنیا بھر میں رسوا کررہا ہے، الطا ف حسین
محب وطن سول اور فوجی قیادت کوچاہیے کہ وہ ایسے ملک دشمن عناصر کے خلاف سخت ایکشن لے، الطاف حسین
لندن۔۔۔5، دسمبر2015ء
متحدہ قومی موومنٹ کے قائد جناب الطاف حسین نے کراچی کے مختلف علاقوں میں ایم کیوایم کو طاقت کے ذریعہ بلدیاتی الیکشن لڑنے سے بازرکھنے کے بڑھتے ہوئے واقعات کی شدید مذمت کرتے ہوئے کہاہے کہ کراچی میں بلدیاتی انتخابات کیلئے ووٹنگ کا عمل آج صبح پرامن طریقہ سے شروع ہواتھا لیکن آہستہ آہستہ دہشت گرد عناصر مختلف پولنگ اسٹیشنوں پر رینجرز اور پولیس کے سامنے غنڈہ گردی کرتے رہے۔ رپورٹس کے مطابق لانڈھی کے متعدد پولنگ اسٹیشنوں جرائم پیشہ حقیقی دہشت گردوں نے قبضہ کرلیا ہے، حقیقی دہشت گردوں نے ایم کیوایم کے پولنگ ایجنٹوں کو تشدد کانشانہ بناکر پولنگ اسٹیشن سے باہر نکل دیا ہے اوروہاں اندھادھند جعلی ووٹ ڈالے جارہے ہیں۔ لائنزایریا میں بھی ایم کیوایم کے ووٹرز کو ووٹ ڈالنے سے روکا جارہا ہے اور تمام سرکاری اہلکار اس کھلی دہشت گردی کو روکنے کیلئے کوئی اقدام اٹھانے میں بے بس نظر آتے ہیں۔ جناب الطاف حسین نے کہاکہ میں عوام کو واضح طورپر بتانا چاہتا ہوں کہ آج پرامن الیکشن کے ماحول کو خراب کرنے میں اسٹیبلشمنٹ کا وہ گروہ شامل ہے جو نہ صرف لال مسجد کے ملاعبدالعزیز کی مدد کررہا ہے بلکہ طالبان ، داعش اور القاعدہ جیسی دہشت گرد تنظیموں کی بھی مدد کرکے پاکستان کو دنیا بھر میں رسوا کررہا ہے لہٰذا محب وطن سول اور فوجی قیادت کوچاہیے کہ وہ ایسے ملک دشمن عناصر کے خلاف سخت ایکشن لے اور ملک کو ان دہشت گردوں کے manace سے نجات دلائیں۔