یم کیوایم نے ایک بڑاسیاسی فیصلہ لینے کیلئے کارکنان وعوام کی رائے لینے کیلئے جو تاریخی اور انوکھا ریفرنڈمکرایاہے وہ اپنی مثال آپ ہے۔الطاف حسین
یفرنڈم کے ذریعے ایم کیوایم نے ملکی سیاست میں ایک انوکھی مثال قائم کی ہے جوسیاسی تاریخ میں یادرکھی جائیگی
کارکنان نے مختصروقت میں جس خوبصورتی کے ساتھ ریفرنڈم کے انتظامات کئے اس پر انہیں جتناخراج تحسین پیش کیاجائے کم ہے
ریفرنڈم میں ماؤں، بہنوں اوربزرگوں نے جس طرح بڑھ چڑھ کرحصہ لیا اس پر وہ بھی خراج تحسین کے مستحق ہیں
ایم کیوایم کی رابطہ کمیٹی لندن ،پاکستان اورمختلف شعبہ جات کے ار کان سے فون پرگفتگو
لندن۔۔۔20، جون2013ء
متحدہ قومی موومنٹ کے قائد جناب الطاف حسین نے کہاہے کہ ایم کیوایم نے ایک بڑاسیاسی فیصلہ لینے کیلئے کارکنان وعوام کی رائے لینے کیلئے جو تاریخی اور انوکھا ریفرنڈم کرایاہے وہ اپنی مثال آپ ہے۔انہوں نے یہ بات جمعرات کی شب ایم کیوایم کی رابطہ کمیٹی لندن ،پاکستان اورمختلف شعبہ جات کے ار کان سے فون پرگفتگوکرتے ہوئے کہی۔جناب الطاف حسین نے کہاکہ یہ ملک کی سیاسی تاریخ کاایک انوکھاریفرنڈم تھا جس کے ذریعے ایم کیوایم نے ملکی سیاست میں ایک انوکھی مثال قائم کی ہے جوسیاسی تاریخ میں یادرکھی جائے گی۔جناب الطا ف حسین نے انوکھے اور کامیاب ریفرنڈم کے انعقادپر تمام سیکٹروں، زونوں اوراضلاع کے کارکنوں کو زبردست خراج تحسین پیش کرتے ہوئے کہاکہ انتہائی مختصروقت میں کارکنان نے جس خوبصورتی کے ساتھ ریفرنڈم کے انتظامات کئے اور ریفرنڈم کے انعقادکوجس طرح ممکن بنایااس پر انہیں جتناخراج تحسین پیش کیاجائے کم ہے۔جناب الطا ف حسین نے عوام کو خراج تحسین پیش کرتے ہوئے کہاکہ اس ریفرنڈم میں ماؤں، بہنوں اوربزرگوں نے جس طرح بڑھ چڑھ کرحصہ لیا اورریفرنڈم کوجس طرح کامیاب بنایااس پر وہ بھی خراج تحسین کے مستحق ہیں۔اس موقع پرتمام کارکنوں اورعوام کوخراج تحسین پیش کرنے کیلئے کافی دیرتک زوردار تالیاں بجائی گئیں۔