جعفر آباد کے علاقے ڈیرہ الہ یار کوئٹہ روڈ بس اسٹاپ پر بم دھماکے پر جناب الطاف حسین کااظہار مذمت ۔
سفاک دہشت گرد معصوم و بے گناہ لوگوں کی جان و مال سے کھیل رہے ہیں وہ ملک و قوم کے کھلے دشمن ہیں ۔
لندن۔۔۔22مارچ2013ء
متحدہ قومی موومنٹ کے قائد جناب الطاف حسین نے جعفر آباد کے علاقے ڈیرہ الہ یار کوئٹہ روڈ بس اسٹاپ پر بم دھماکے کی سخت ترین الفاظ مذمت کی ہے اوربم ھماکہ میں نتیجے میں متعد د افراد کی شہد زخمی ہونے پر گہرے دکھ اور افسوس کااظہار کیاہے ۔ ایک بیان میں جناب الطاف حسین نے کہاکہ دہشت گردی اور بم دھماکوں کے ذریعے معصوم بے گناہ عوام کو خاک و خون میں نہلایاجارہا ہے اور جو سفاک دہشت گرد معصوم و بے گناہ لوگوں کی جان و مال سے کھیل رہے ہیں وہ ملک و قوم کے کھلے دشمن ہیں ۔ انہوں نے بم دھماکے میں شہیدہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہداء کو جنت الفردو س میں اعلیٰ مقام عطا فرمائے ، لواحقین کو صبرجمیل عطا کرے اور زخمیوں کو جلد ومکمل صحت یابی عطا فرمائے۔ جناب الطاف حسین نے صدر آصف علی زرداری اور وزیر اعظم راجہ پرویز اشرف چیف جسٹس آف پاکستان افتخار محمد چوہدری سے مطالبہ کیا ہے کہ جعفرآباد میں بم دھماکہ کا نوٹس لیاجائے اور اس ملوث دہشت گردوں کو گرفتارکرکے قانون کے مطابق سخت سے سخت سزا دی جائیں اور عوام کے جان ومال کے حفاظت کے لئے ٹھوس ومثبت اقدامات بروئے کار لائے جائیں