Three Days Of Mourning On The Assassination Of MPA Sajid Qureshi

سینئر صوبائی وزیر نثار احمد کھوڑو نے ساجد قریشی شہید اور وقاص قریشی شہید کی رہائشگاہ جاکر سوگواران سے دلی تعزیت و ہمدردی کا اظہار کیا 25 Jun 2013 پاکستان پیپلزپارٹی کے رہنما اور سندھ اسمبلی میں سینئر صوبائی وزیر نثار احمد کھوڑو نے منگل کے روز نارتھ ناظم آباد کا دورہ کیا اور دہشت گردوں کی فائرنگ سے شہید ہونے والے حق پرست رکن سندھ اسمبلی ساجد قریشی اور ان کے صاحبزادے وقاص قریشی کے سوگوار لواحقین سے ملاقات کی اور ان سے دلی تعزیت وہمدردی کااظہار کیا ۔ اس موقع پر

ایم کیو ایم امریکہ کے زیر اہتمام غیر اعلانیہ ریاستی آپریشن اور کارکنان کے قتلِ عام کے خلاف اقوام متحدہ کے سامنے بھرپور احتجاجی مظاہرے کا انعقاد۔ 24 Jun 2013 ایم کیو ایم امریکہ کے زیر اہتمام ایم کیو ایم کے خلاف جاری غیراعلانیہ ریاستی آپریشن، دہشت گردی ، کارکنان کے اغوا و قتل اور حق پرست ممبر صوبائی اسمبلی ساجد قریشی کے بہیمانہ قتل کے خلاف اقوام متحدہ کے سامنے بڑے اور بھرپور احتجاجی مظاہرے کا انعقاد کیا گیا۔

ساجد قریشی کی شہادت میرے لئے ذاتی طورپر ایک انتہائی دردناک واقعہ ہے ۔الطاف حسین 24 Jun 2013 متحدہ قومی موومنٹ کے قائد جناب الطاف حسین نے کہاہے کہ ایم کیوایم کے رکن سندھ اسمبلی ساجد قریشی کی شہادت میرے لئے ذاتی طورپر ایک انتہائی دردناک واقعہ ہے اوراس سے پہنچنے والاصدمہ آسانی سے کم نہیں ہوگا۔ انہوں نے یہ بات گزشتہ روز ساجدقریشی شہیدکی بیوہ محترمہ اسماء ساجد،شہید کے صاحبزادوں عمیر،اویس، صاحبزادی اوربرادرنسبتی عامرچشتی سے فون پر تعزیت کرتے ہوئے کہی

ایم کیوایم کے قائد الطاف حسین کی اپیل پرکینیڈا کے تمام بڑے شہروں میں احتجاجی مظاہرے۔ 23 Jun 2013 ایم کیوایم کے قائد الطاف حسین بھائی کی اپیل پر دنیا بھر میں ایم کیوایم کے ایم پی اے ساجد قریشی اور ان کے جوان سال بیٹے وقاص قریشی بھائی کی ٹارگٹ کلنگ پر احتجاجی مظاہروں کے سلسلہ میں ایم کیوایم کینیڈا کے ذیرانتظام کینیڈا کے مختلف شہروں میں احتجاجی مظاہروں کا اہتمام کیا گیا. جس میں ایم کیوایم کینیڈا کے ذمہ داران، کارکنان اور پاکستانی عوام نے بھرپور تعداد میں شرکت کی

حق پرست رکن سندھ اسمبلی ساجدقریشی شہیداوران کے صاحبزادے وقاص قریشی شہیدکافاتحہ سوئم قرآن 23 Jun 2013 نارتھ ناظم میں مسجدسے نکلتے ہوئے دہشت گردوں کی فائرنگ سے شہیدہونے والے متحدہ قومی موومنٹ کے رکن سندھ اسمبلی ساجد قریشی شہید ان کے صاحبزادے انجینئر وقاص قریشی شہیدکی فاتحہ سوئم اتوارکوظہرتاعصران کی رہائشگاہ واقع نارتھ ناظم آباد میں ہواجس میں شہداء کی ارواح کے ایصال ثواب کیلئے قرآن خوانی وفاتحہ خوانی کی گئی

ایم کیوایم کے تحت مزار قائد اعظم کے سامنے ساجد قریشی شہید ، ان کے صاحبزادے وقاص قریشی شہید اور پاکستان بھر میں دہشت گردی کا نشانہ بننے والے شہداء کی یاد میں تقریب کا انعقاد 23 Jun 2013 متحدہ قومی موومنٹ کے زیر اہتمام حق پرست رکن سندھ اسمبلی ساجد قریشی شہید ، ان کے صاحبزادے وقاص قریشی شہید اور پاکستان بھر میں دہشت گردی کا نشانہ بننے والے شہداء کی یاد میں قائد اعظم محمد علی جناح کے مزار کے سامنے اتوار کی شب PEACE FOR KARACHI...PEACE FOR PAKSTANکے عنوان سے بڑی تقریب منعقد ہوئی جس میں ہزاروں کی تعداد میں نوجوانوں، بزرگوں ، خواتین ، طلبہ و طالبات ، علمائے کرام ، تاجر ، صنعتکار ، وکلاء ، صحافی ، فنکار ،کھلاڑیوں، عمائدین و معززین شہر نے شرکت کی

پاکستان اور دہشت گردی ساتھ ساتھ نہیں چل سکتے ، ڈاکٹر فاروق ستار 23 Jun 2013 قومی اسمبلی میں ایم کیوایم کے پارلیمانی لیڈر ڈاکٹر فاروق ستار نے کہا ہے کہ پاکستان اور دہشت گردی ساتھ ساتھ نہیں چل سکتے یا تو پاکستان رہے گا یا پھر دہشت گردی رہے گی ، اب مصلحت سے کام نہیں چلے گا ملک کے عوام کو متحد ہونا ہوگا اور پاکستان کے ریاستی اداروں ، سیاسی جماعتوں کو پاکستان بچانے کیلئے اپنی ذمہ داریوں کو پورا کرنا ہوگا ۔

ایم کیوایم کی مزار قائد پر شہداء کی یاد میں منعقدہ تقریب میں ایک بڑی اسکرین پر دہشت گردوں کی فائرنگ سے اب تک شہید ہونے والے حق پرست منتخب نمائندوں کی تصاویر اور تاریخ شہادت درج تھیں 23 Jun 2013 ایم کیوایم کے زیر اہتمام اتوار کی رات بانی پاکستان قائد اعظم محمد علی جناح ؒ کے مزار کے سامنے حق پرست رکن سندھ ا سمبلی ساجد قریشی ، ان کے بیٹے وقاص قریشی اورپاکستان بھر میں دہشت گردی کا نشانہ بننے والے شہداء کی یاد میں شمعیں روشن کرنے کی تقریب میں پینا فلکس کی ایک بڑی اسکرین لگائی گئی تھی جس پر دہشت گردوں کی فائرنگ سے شہید ہونے والے حق پرست منتخب عوامی نمائندوں کی تصاویر اور تاریخ شہادت درج تھی ۔

حق پرست رکن سندھ اسمبلی ساجد قریشی شہید ان کے صاحبزادے وقاص قریشی شہیدسمیت دیگر کارکنان کے سفاکانہ قتل کے واقعات کے خلاف سندھ ،بلوچستان،پنجاب،خیبرپختونخواہ ،گلگت بلتستان اورآزادکشمیرمیں قائم ایم کیوایم کے صوبائی،ضلعی ،زونل ،ڈسٹرکٹ ،سیکٹرزاوریونٹ کے دفاترکے تحت پریس کلبوں کے باہر پرامن احتجاجی مظاہرے 23 Jun 2013 حق پرست رکن سندھ اسمبلی ساجد قریشی شہید ان کے صاحبزادے وقاص قریشی شہیدسمیت دیگر کارکنان کے سفاکانہ قتل کے واقعات کے خلاف اتوار کے روز اندرون سندھ میں قائم ایم کیوایم کے 19زونوں کے تحت پریس کلبوں کے باہر پرامن احتجاجی مظاہرے کئے گئے جن میں نوجوانوں ، بزرگوں ، خواتین ، طلبہ و طالبات اور مختلف شعبہ ہائے زندگی سے تعلق رکھنے والے افراد نے ہزاروں کی تعداد میں شرکت کی

حق پرست رکن سندھ اسمبلی ساجد قریشی اور ان کے صاحبزادے وقاص قریشی کے سفاکانہ قتل میں ملوث دہشت گرد کھلی دہشت گردی پر اترے ہوئے ہیں ، ارکان قومی اسمبلی 23 Jun 2013 متحدہ قومی موومنٹ کے حق پرست اراکین قومی اسمبلی نے کہا ہے کہ حق پرست رکن سندھ اسمبلی ساجد قریشی اور ان کے صاحبزادے وقاص قریشی کے سفاکانہ قتل میں ملوث دہشت گرد کھلی دہشت گردی پر اترے ہوئے ہیں جبکہ حکومت اور قانون نافذ کرنے والے ادارے دہشت گردوں کو کیفر کردار تک پہچانے اور عوام اور ان کے منتخب نمائندوں کو تحفظ کی فراہمی میں بری طرح سے ناکام ہوچکے ہیں

رکن سندھ اسمبلی ساجد قریشی اور انکے جواں سال بیٹے وقاص قریشی کے بہیمانہ قتل کے خلاف ایم کیوایم یوکے کے زیراہتمام کل بروزاتوارلندن میں برطانوی وزیراعظم کی رہائش گاہ 10ڈاؤننگ اسٹریٹ کے سامنے احتجاجی مظاہر ہ کیاجائے گا 22 Jun 2013 کراچی میں مسلح دہشت گردوں کے ہاتھوں ایم کیوایم کے رکن سندھ اسمبلی ساجد قریشی اور انکے جواں سال بیٹے وقاص قریشی کے بہیمانہ قتل کے خلاف جاری احتجاج کے سلسلے میں ایم کیوایم یوکے کے زیراہتمام کل بروزاتوارلندن میں برطانوی وزیراعظم کی سرکاری رہائش گاہ 10ڈاؤننگ اسٹریٹ کے سامنے احتجاجی مظاہر ہ کیاجائے گا۔

ایم کیوایم کا حق پرست رکن سندھ ا سمبلی ساجد قریشی، ان کے صاحبزادے وقاص قریشی سمیت دیگر کارکنوں کے سفاکانہ قتل کے واقعات کے خلاف کل بروز اتوار پورے ملک اور اوورسیز ممالک میں پرامن احتجاجی مظاہروں کے انعقاد کا اعلان 22 Jun 2013 متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی نے دہشت گردوں کی فائرنگ سے حق پرست رکن سندھا سمبلی ساجد قریشی ، ان کے صاحبزادے وقاص قریشی سمیت دیگر کارکنوں کے سفاکانہ قتل کے واقعات کے خلاف کل بروزاتوار پورے ملک اور اوورسیز ممالک میں پرامن احتجاجی مظاہروں کے انعقاد کا اعلان کیا ہے ۔

نارتھ ناظم آباد میں مسلح دہشت گردوں کی فائرنگ سے شہید ہونیوالے ایم کیوایم کے رکن سندھ اسمبلی ساجد قریشی، ان کے صاحبزادے انجینئر وقاص قریشی ہزاروں سوگواران کی آہوں اورسسکیوں کے درمیان شہداء قبرستان میں سپردخاک، سوئم اتوارکو ہوگا 22 Jun 2013 کراچی کے علاقے نارتھ ناظم آبادمیں الہدیٰ مسجدمیں نمازجمعہ کی ادائیگی کے بعدمسلح دہشت گردوں کی فائرنگ سے شہیدہونیوالے متحدہ قومی موومنٹ کے رکن سندھ اسمبلی ساجد قریشی،ان کے جواں سال صاحبزادے اور ایم کیوایم سائبرونگ شعبہ کے کارکن انجینئر وقاص قریشی کوہزاروں سوگواران کی آہوں اورسسکیوں کے درمیان یٰسین آبادکے شہداء قبرستان میں سپرد خاک کردیاگیا۔

حق پرست رکن سندھ اسمبلی ساجد قریشی ، ان کے بیٹے وقاص قریشی اور کارکنان کے سفاکانہ قتل میں ملوث دہشت گردوں کو فی الفور گرفتار کرکے عبرتناک سزا ئیں دی جائیں ، حق پرست اراکین سینیٹ 22 Jun 2013 متحدہ قومی موومنٹ کے حق پرست اراکین سینیٹ نے مسلح دہشت گردوں کی فائرنگ سے حق پرست رکن سندھ اسمبلی ساجد قریشی اور ان کے بیٹے وقاص قریشی کے سفاکانہ قتل کی سخت ترین الفاظ میں مذمت کی ہے اور کہا ہے کہ ایم کیوایم کے بے گناہ کارکنان اور منتخب نمائندوں کے تسلسل کے ساتھ قتل کے واقعات اورایک بھی درندہ صفت قاتل کو گرفتارنہ کرنا حکومت اور قانون نافذ کرنے والے اداروں کی اورمجرمانہ غفلت کا واضح ثبوت ہے ۔

حق پرست رکن سندھ اسمبلی ساجد قریشی ، ان کے صاحبزادے وقاص قریشی کے سفاکانہ قتل کے خلاف کراچی سمیت سندھ بھر میں یوم سوگ منایا گیا ، ٹرانسپورٹ ، کاروباری سرگرمیاں مکمل معطل رہیں اور سڑکوں پر ہو کا عالم دکھائی دیا 22 Jun 2013 مسلح دہشت گردوں کی فائرنگ سے ایم کیوایم کے حق پرست رکن سندھ اسمبلی ساجد قریشی ، ان کے صاحبزادے وقاص قریشی کی شہادت ، ایم کیوایم کے کارکنان کے سرکاری حراست میں ماورائے عدالت قتل ، انہیں گرفتار کرنے کے بعد لاپتہ کرنے اور تشدد کا نشانہ بنانے کے سنگین واقعات کے خلاف ہفتہ کو کراچی سمیت سندھ بھر میں پرامن یوم سوگ منایا گیااور ٹرانسپورٹ ، کاوربارِ زندگی مکمل طور پر معطل رہا اورسڑکوں پر ہو کا عالم دیکھائی دیا ۔ کراچی کی تصاویر  میرپور خاص کی تصاویر ٹنڈوالٰہیار کی تصاویر اندرون سندھ کے دیگر شہروں کی تصاویر

تاجر،صنعتکار، دکانداراور ٹرانسپورٹرشام چاربجے اپنی سرگرمیاں شروع کردیں، رابطہ کمیٹی کی اپیل 22 Jun 2013 متحدہ قومی موومنٹ کی رابطہ کمیٹی نے حق پرست رکن سندھ اسمبلی ساجدقریشی اور ان کے صاحبزادے وقاص قریشی کے بہیمانہ قتل کے خلاف ایم کیوایم کی اپیل پر کراچی سمیت سندھ بھر میں تاجروں ، صنعتکاروں ، دکانداروں ، ٹرانسپورٹرزاورزندگی کے دیگر شعبوں سے تعلق رکھنے والے افراد کی جانب سے تمام تر سرگرمیاں بند رکھنے اور ایم کیوایم سے بھرپورتعاون پر ان سے دلی تشکرکااظہارکیا ہے ۔

	عوامی ریفرنڈم کے حوالے سے ایم کیوایم کی آج ہونیوالی پریس کانفرنس فوری طورپرمنسوخ کردی گئی ہے 21 Jun 2013 عوامی ریفرنڈم کے حوالے سے ایم کیوایم کی آج ہونیوالی پریس کانفرنس فوری طورپرمنسوخ کردی گئی ہے

	ساجد قریشی شہید اور وقاص قریشی شہید کی اجتماعی نماز جنازہ ہفتے کو بعد نماز ظہر جناح گراؤنڈ میں ادا کی جائیگی 21 Jun 2013 نارتھ ناظم آبادمیں نمازجمعہ کی ادائیگی کے بعدمسلح دہشت گردوں کی فائرنگ سے شہیدہونے والے متحدہ قومی موومنٹ کے حق پرست رکن سندھ اسمبلی ساجد قریشی شہید اوران کے جواں سال بیٹے انجینئروقاص قریشی شہیدکی اجتماعی نمازجنازہ ہفتے کوبعدنمازظہرجناح گراؤنڈعزیزآبادمیں اداکی جائیگی

	ساجدقریشی شہید انتہائی ملنسار،خوش اخلاق اور شریف انفس انسان تھے 21 Jun 2013 متحدہ قومی موومنٹ کے رکن سندھ اسمبلی ساجدقریشی اور انکے جواں سالہ صاحبزادے وقاص قریشی کو مسلح دہشت گردوں نے نارتھ ناظم آباد بلاک B میں واقع مسجد الہدیٰ کے باہر فائرنگ کرکے شہید کردیا گیا۔52 سالہ ساجدقریشی شہید کا شمارایم کیوایم کے سینئرترین کارکنان میں ہوتا ہے اور وہ 1987ء سے ایم کیوایم سے وابستہ تھے

ساجد قریشی اور انجینئروقاص قریشی کی شہادت کی اطلاع ملتے ہی ایم کیوایم رابطہ کمیٹی ، ارکان اسمبلی اور کارکنان کی بڑی تعداد اسپتال پہنچ گئی 21 Jun 2013 حق پرست رکن سندھ اسمبلی ساجد قریشی اور ان کے صاحبزادے انجینئر وقاص قریشی کی شہادت کی اطلاع ملتے ہی متحدہ قومی موومنٹ کی رابطہ کمیٹی کے اراکین احمد سلیم صدیقی ، عامر خان ، خالد سلطان سمیت حق پرست ارکان اسمبلی اور کارکنان بڑی تعداد میں ضیاء الدین اسپتال پہنچ گئے۔

ساجدقریشی کی شہادت سے تحریک ایک بے لوث، مخلص اورجانثارکارکن سے محروم ہوگئی ہے ، قائد تحریک الطاف حسین 21 Jun 2013 متحدہ قومی موومنٹ کے قائد جناب الطاف حسین نے کہاہے کہ ایک گھرسے باپ اور جواں سال بیٹے کی شہادت کسی قیامت سے کم نہیں ہے اور باپ بیٹے کی شہادت، مجھے اپنے بڑے بھائی ناصرحسین اور بھتیجے عارف حسین سمیت تحریک کے ہزاروں شہداء کی یاد دلارہی ہے اور المناک شہادت کے واقعات پر میرا دل خون کے آنسو رورہا ہے ۔ یہ بات جناب الطاف حسین نے اپنی رہائش گاہ نائن زیروعزیزآباد میں ایم کیوایم کی رابطہ کمیٹی کے ارکان اور مختلف شعبہ جات کے اراکین سے ٹیلی فون پر گفتگو کرتے ہوئے کہی۔

حق پرست رکن سندھ اسمبلی ساجد قریشی اور انکے جواں سال بیٹے وقاص قریشی کی شہادت کے سانحہ پرایم کیوایم کے زیراہتمام ملک بھرمیں تین روزہ سوگ منا یاجائے گا۔ایم کیوایم کی رابطہ کمیٹی کااعلان 21 Jun 2013 متحدہ قومی موومنٹ کی رابطہ کمیٹی نے مسلح دہشت گردوں کے ہاتھوں حق پرست رکن سندھ اسمبلی ساجد قریشی اور انکے جواں سال بیٹے وقاص قریشی کے بہیمانہ قتل کی سخت ترین الفاظ میں مذمت کرتے ہوئے کہاہے کہ ساجدقریشی اورانکے بیٹے کی شہادت ایک بہت بڑاسانحہ ہے اوراس سانحہ پرملک بھرمیں پرامن تین روزہ سوگ منا یاجائے گا ۔