آفتاب خان کے انتقال سے عوام ایک سچے گلوکارسے محروم ہوگئے۔انکے انتقال سے دلی صدمہ پہنچاہے الطاف حسین

  آفتاب خان کے انتقال سے عوام ایک سچے گلوکارسے محروم ہوگئے۔انکے انتقال سے دلی صدمہ پہنچاہے الطاف حسین

لندن… 4  جنوری 2024ئ

ایم کیوایم کے بانی وقائدجناب الطاف حسین نے پاکستان کے ممتاز گلوکار آفتاب احمد خان کے انتقال پر دلی رنج وغم کااظہار کیا ہے۔اپنے بیان میں جناب الطاف حسین نے آفتاب خان مرحوم کوخراج عقیدت پیش کرتے ہوئے کہاکہ آفتاب خان نے بے شمار نغمے اورغزلیں گانے کے ساتھ ساتھ ایم کیوایم کے کئی ترانے بھی گائے ۔ وہ ایک سچے حق پرست تھے ، انہوں نے آزمائش اورکٹھن دورمیں بھی ایم کیو ایم کے کئی تنظیمی ترانے گائے ، ان کے گائے ہوئے تنظیمی ترانے ہمیشہ کی طرح آج بھی تحریک کے کارکنوںاورعوام میں جوش وجذبہ پیدا کرتے ہیں۔آفتاب خان کے انتقال کی خبر سے دنیا بھرمیں مقیم ایم کیوایم کے کارکنان وہمدروں کو بھی دلی صدمہ پہنچا ہے ۔ ان کے انتقال سے عوام ایک سچے گلوکار سے محروم ہوگئے لیکن وہ اپنی خوبصورت آواز اورگائیکی کی صورت اپنے چاہنے والوں میںہمیشہ زندہ رہیںگے۔جناب الطاف حسین نے سوگوارلواحقین سے دلی تعزیت کااظہارکرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے ساتھ ہیں اور سوگوارلواحقین کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ آفتاب خان مرحوم کی مغفرت فرمائے،ان کے درجات بلندکرے، انہیں جنت الفردوس میں اعلیٰ مقام عطافرمائے اور ان کے تمام سوگوارلواحقین کوصبرجمیل عطافرمائے۔ (آمین ثمہ آمین)

٭٭٭٭٭