ایم کیوایم ساؤتھ افریقہ کی سینٹرل آرگنائزنگ کمیٹی کے رکن
فرحان بھائی پر فائرنگ کا واقعہ قابل مذمت ہے ۔ رابطہ کمیٹی
فائرنگ کے واقعہ میں ملوث افراد کوفی الفورگرفتارکیاجائے۔رابطہ کمیٹی
لندن … 3 نومبر 2023ئ
متحدہ قومی موومنٹ کی رابطہ کمیٹی نے ایم کیوایم ساؤتھ افریقہ کی سینٹرل آرگنائزنگ کمیٹی کے رکن فرحان بھائی پر فائرنگ کے واقعہ کی شدید مذمت کی ہے ۔ اپنے بیان میں رابطہ کمیٹی نے کہاکہ 23 اکتوبر کو ساؤتھ افریقہ کے شہر ڈربن میں مسلح افراد نے ایم کیوایم ساؤتھ افریقہ کے سینٹرل آرگنائزر محمدیوسف خان کو فائرنگ کرکے شہید کردیا تھا اورگزشتہ روز جوہانسبرگ کے علاقے فورزبرگ میںایم کیوایم ساؤتھ افریقہ کی سینٹرل آرگنائزنگ کمیٹی کے رکن فرحان بھائی کی گاڑی پر مسلح افراد نے فائرنگ کی لیکن خوش قسمتی سے وہ محفوظ رہے ۔ رابطہ کمیٹی نے واقعہ کی شدیدمذمت کرتے ہوئے کہاکہ محمدیوسف خان کی شہادت کے بعدکل فرحان بھائی پر فائرنگ کاواقعہ اس بات کو ثابت کرتاہے کہ ساؤتھ افریقہ میں ایم کیوایم کے ذمہ داروں اور کارکنوںکوچن چن کرنشانہ بنایاجارہاہے۔ رابطہ کمیٹی نے ساؤتھ افریقہ کی حکومت سے مطالبہ کیاکہ اس واقعہ کافوری نوٹس لیاجائے اور اس میں ملوث افراد کوفی الفورگرفتارکیاجائے۔
٭٭٭٭٭