محمد یوسف شہید کا لہو رائیگاں نہیں جائے گا، قائد تحریک الطاف حسین
ایم کیوایم ساؤتھ افریقہ یونٹ کے ذمہ داران سے ٹیلی فون پر گفتگو
لندن۔۔۔23، اکتوبر2023ئ
متحدہ قومی موومنٹ کے بانی وقائد جناب الطاف حسین نے کہاہے کہ ایم کیوایم ساؤتھ افریقہ کے آرگنائزر محمد یوسف کی شہادت ، تحریک کا ناقابل تلافی نقصان ہے اور محمد یوسف شہید کا لہو رائیگاں نہیں جائے گا۔ یہ بات انہوںنے ایم کیوایم ساؤتھ افریقہ یونٹ کے ذمہ داران سے ٹیلی فون پر گفتگو کرتے ہوئے کہی۔ جناب الطاف حسین نے کہاکہ محمد یوسف انتہائی نڈر، بہادر اور نظریاتی ساتھی تھے اور محمد یوسف کی شہادت سے مجھے ذاتی طورپردلی صدمہ پہنچاہے ۔ انہوںنے کہاکہ مجھے ابھی تک یقین نہیں آرہا ہے کہ ہم سے ہمارا پیارا ساتھی چھین لیاگیا ہے ۔ جناب الطاف حسین نے محمد یوسف شہید کے ایصال ثواب کیلئے فاتحہ خوانی کی ، شہید کے بلنددرجات اور پسماندگان کیلئے صبرجمیل کی دعا کی ۔ جناب الطاف حسین نے ساؤتھ افریقہ یونٹ کے تمام ذمہ داران کو ہدایت کی وہ محمد یوسف شہید کے سوگوارلواحقین کاخیال رکھیں اور دکھ کی اس گھڑی میں پسماندگان کی دلجوئی کریں۔
٭٭٭٭٭