Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے قائد الطاف حسین کی 68ویں سالگرہ کے سلسلے میں 9 ستمبر تا 17ستمبر تک '' ہفتہ آگاہی '' منایاجائے گا


 ایم کیوایم کے قائد الطاف حسین کی 68ویں سالگرہ کے سلسلے میں  9 ستمبر تا 17ستمبر تک '' ہفتہ آگاہی '' منایاجائے گا
 Posted on: 9/8/2021 1

ایم کیوایم کے قائد الطاف حسین کی 68ویں سالگرہ کے سلسلے میں
 9 ستمبر تا 17ستمبر تک '' ہفتہ آگاہی '' منایاجائے گا
نئی نسل کو قائدتحریک الطاف حسین کی تحریکی جدوجہد اور قربانیوںسے آگاہ کیاجائیگا
  کنوینر طارق جاوید کا رابطہ کمیٹی کے ہمراہ وڈیوبریفنگ میں اعلان
  نئی نسل کو قائدتحریک الطاف حسین کی تحریکی جدوجہدسے آگاہ کرنے کیلئے سوشل میڈیاپر مہم چلائی جائے گی
 تمام اوورسیزیونٹس مختلف پروگرام منعقد کریںگے ، قائدتحریک الطاف حسین سے عہدوفاکی تجدید کی جائے گی
جمعہ 17ستمبر کو لندن میں ایم کیوایم انٹرنیشنل سیکریٹریٹ میں اجتماع منعقد کیاجائے گا، جس سے قائدتحریک جناب الطاف حسین خطاب کریںگے
ہفتہ آگاہی کے سلسلے میں ہیش ٹیگ #StruggleOfAltafHussain کااجرائ

لندن … 8ستمبر2021ئ
ایم کیوایم کے بانی وقائد جناب الطاف حسین کی 68ویں سالگرہ کے سلسلے میں جمعرات9 ستمبر تا جمعہ17ستمبر تک '' ہفتہ آگاہی '' منایاجائے گا اورنئی نسل کو 

قائدتحریک الطاف حسین کی تحریکی جدوجہد اور قربانیوںسے آگاہ کیاجائے گا۔ اس بات کااعلان ایم کیوایم کی رابطہ کمیٹی کے کنوینر طارق جاوید نے آج انٹرنیشنل سیکریٹریٹ لندن میں وڈیوبریفنگ سے خطاب کرتے ہوئے کیا۔ وڈیو بریفنگ میں رابطہ کمیٹی کے ارکان قاسم علی رضا، مصطفےٰ عزیزآبادی اورریحان عبادت بھی موجود تھے۔کنوینر طارق جاوید نے اظہار خیال کرتے ہوئے قائدتحریک الطاف حسین کوان کی 68 ویں سالگرہ کی پیشگی مبارکباد پیش کی اوردعاکی کہ اللہ تعالیٰ قائدتحریک الطاف حسین کوعمرخضرعطافرمائے اورانہوں نے مہاجروںاورتمام مظلوم قوموں کی آزادی کی جوجدوجہد 1978ء میں شروع کی تھی وہ کامیابی سے ہمکنار ہو۔ انہوںنے کہاکہ قائدتحریک الطاف حسین نے اپنی جدوجہد کے دوران بحیثیت بانی وقائدبہت کٹھن حالات دیکھے اورمصائب ومشکلات کا سامناکیا ، قیدوبند کی صعوبتیں بھی برداشت کیں ، ان کے بھائی اوربھتیجے کوشہید کیاگیالیکن انہوں نے تمام تر مصائب ومشکلات کے باوجودکبھی ظالم قوتوںکے سامنے سرنہیں جھکایا۔ طارق جاوید نے کہاکہ قائدتحریک الطاف حسین کی اصولی جدوجہد کی وجہ سے آج وہ نوجوان بھی ان کے فالوور ہیں جنہوں نے قائدتحریک الطاف حسین کودیکھاتک 

نہیں ہے اورجوقائدتحریک کے پاکستان سے برطانیہ آنے کے بعد پیداہوئے ۔ انہوں نے کہاکہ رابطہ کمیٹی نے فیصلہ کیاہے کہ قائدتحریک الطاف حسین کی 68ویں سالگرہ کے موقع پر جمعرات 9ستمبر سے جمعہ 17ستمبر تک ہفتہ آگاہی منایاجائے گا اورنئی نسل کوقائدتحریک الطاف حسین کی جدوجہد اورقربانیوںسے آگاہ کرنے کیلئے سوشل میڈیاپر مہم چلائی جائے گی۔ وڈیوز، تصاویر اوراخباری خبروںکے ذریعے تحریک کے کارکنان وعوام اورنئی نسل کو قائدتحریک جناب الطاف حسین کی جدوجہد، قربانیوں اورتحریکی جدوجہد کے مختلف مراحل سے آگاہ کیاجائے گا۔تحریک کے سینئر کارکنان اپنی تحریروں اوروڈیولاگز کے ذریعے اپنی اپنی یادداشتیں پیش کریںگے۔ قائد تحریک کی سالگرہ کے سلسلے میں اوورسیز یونٹوںکی جانب سے پوسٹرزکابھی اجراء کیا جائے گا۔کنوینر طارق جاوید نے کہاکہ ہفتہ آگاہی کے سلسلے میں تمام اوورسیزیونٹس مختلف پروگرام منعقد کریںگے اور قائدتحریک جناب الطاف حسین سے عہدوفاکی تجدید کی جائے گی۔ہفتہ آگاہی کے سلسلے کا مرکزی پروگرام جمعہ 17ستمبر کو لندن میں ایم کیوایم انٹرنیشنل سیکریٹریٹ میں منعقد کیاجائے گا۔ جس سے بانی وقائدتحریک جناب الطاف حسین خطاب کریںگے۔ خطاب سوشل میڈیا 

کے ذریعے براہ راست نشر کیا جائے گا۔ اس موقع پر ہفتہ آگاہی کے سلسلے میں ہیش ٹیگ #StruggleOfAltafHussain کااجراء بھی کیا گیاجو 9تا16ستمبرتک استعمال کیاجائے گاجبکہ 17ستمبر کے لئے علیحدہ ہیش ٹیگ جاری کیاجائے گا۔ 
کنوینر طارق جاوید نے تمام مظلوم قوموں اور تمام مذاہب اورفقہوں سے تعلق رکھنے والے وفاپرستوںکوبھی قائدتحریک الطاف حسین کی 68ویں سالگرہ کی پیشگی مبارکباد پیش کی۔ اس موقع پر رابطہ کمیٹی کے ارکان قاسم علی رضا، مصطفےٰ عزیزآبادی اورریحان عبادت نے بھی اظہار خیال کیا۔
٭٭٭٭٭


10/22/2021 12:46:45 AM