Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سی ٹی ڈی کی پریس کانفرنس میں ایم کیوایم پر لگائے گئے الزامات کی سختی سے تردید کرتے ہیں۔ یہ تمام الزامات سراسر بے بنیاد ہیں۔رابطہ کمیٹی متحدہ قومی موومنٹ


  سی ٹی ڈی کی پریس کانفرنس میں ایم کیوایم پر لگائے گئے الزامات کی سختی سے تردید  کرتے ہیں۔ یہ تمام الزامات سراسر بے بنیاد ہیں۔رابطہ کمیٹی متحدہ قومی موومنٹ
 Posted on: 6/22/2021

 سی ٹی ڈی کی پریس کانفرنس میں ایم کیوایم پر لگائے گئے الزامات کی سختی سے تردید
 کرتے ہیں۔ یہ تمام الزامات سراسر بے بنیاد ہیں۔رابطہ کمیٹی متحدہ قومی موومنٹ 
 ایم کیوایم پر لگائے گئے الزامات جعلی ، جھوٹی اور خودساختہ کہانیاں ہیں جن میں کوئی صداقت نہیں 
 ایم کیوایم کے خلاف یہ تمام گھناؤنی کارروائیاں اورمیڈیاٹرائل دراصل سندھ کی حکمراں پیپلزپارٹی کے طے شدہ منصوبے کاحصہ ہیں
 پیپلزپارٹی کی قیادت ملک اوربیرون ملک اپنی تجوریا ں بھرنے کے لئے کراچی اور
سندھ کی زمینیں فوج اوربحریہ ٹاؤن کو بیچ رہی ہے
 ایم کیوایم کراچی کی زمینیں بحریہ ٹاؤن اورفوج کے حوالے کرنے کی مخالفت کررہی ہے تو اس 
پر سراسر جھوٹے اوربے بنیادالزامات لگائے جارہے ہیں۔ رابطہ کمیٹی
 بلاول نے اپنے باپ کی طرح اپنی ماں کے قاتلوںکے ہاتھوںسندھ کاسودا کرلیا ہے ۔رابطہ کمیٹی

لندن  …  22  جون  2021ئ
متحدہ قومی موومنٹ کی رابطہ کمیٹی نے سی ٹی ڈی کی پریس کانفرنس میں ایم کیوایم پر لگائے گئے الزامات کی سختی سے تردید کرتے ہوئے ان الزامات کی شدید مذمت کی ہے ۔ اپنے ایک بیان میں رابطہ کمیٹی نے کہاکہ سی ٹی ڈی کی جانب سے ایم کیوایم پر لگائے گئے الزامات سراسر بے بنیاد ہیں اوریہ الزامات سی ٹی ڈی کی تیارکردہ سراسر جعلی ، جھوٹی اور خودساختہ کہانیاں ہیں جن میں کوئی صداقت نہیں ہے۔ رابطہ کمیٹی نے کہاکہ ایسے بیہودہ اورجھوٹے الزامات پہلے بھی ایم کیوایم پرلگائے جاتے رہے ہیں اورعوام ان بھونڈے ڈراموںاوران کی گھسی پٹی کہانیوںکو پہلے بھی کئی بار سن چکے ہیں۔ رابطہ کمیٹی نے کہاکہ کالعدم تنظیموں کے دوبارہ منظم ہونے اوردہشت گردی کی منصوبوں کے بارے میں واضح رپورٹس اورسندھ میں جدیدوخودکارہتھیاروںسے مسلح ڈاکوؤںکی سرگرمیوں کی روک تھام کے بجائے سی ٹی ڈی اور دیگراداروںکوایم کیوایم کے کارکنوںکوگرفتارکرنے اور ایم کیوایم کے میڈیا ٹرائل پر لگادیا گیاہے۔ رابطہ کمیٹی نے کہاکہ ایم کیوایم کے خلاف یہ تمام گھناؤنی کارروائیاں اورمیڈیاٹرائل دراصل سندھ کی حکمراں پیپلزپارٹی کے طے شدہ منصوبے کاحصہ ہیں اور وہ ایم کیوایم کی آواز کوکچل دیناچاہتی ہے رابطہ کمیٹی نے کہاکہ پیپلزپارٹی کی قیادت سندھ کے عوام کی خدمت کرنے کے بجائے صرف سندھ کی دولت لوٹنے اور سندھ کوبیچنے میں مصروف ہے ۔اس لوٹ مارکے نتیجے میں آصف زرداری اور پیپلزپارٹی کے وڈیروںکی دولت میں تواضافہ ہورہاہے جبکہ سندھ کے غریب عوام غریب سے غریب ترہورہے ہیں۔ رابطہ کمیٹی نے کہاکہ پیپلزپارٹی کی قیادت ملک اوربیرون ملک اپنی تجوریا ں بھرنے کیلئے فوج اوربحریہ ٹاؤن کو کراچی اورسندھ کی زمینیں بیچ رہی ہے ،اس نے کراچی سمیت پورے سندھ کی زمینیں فوج اور پنجاب کو گروی رکھ دی ہیں ۔ ایم کیوایم اس لوٹ مار کے خلاف آواز بلندکررہی ہے اور کراچی کواجاڑنے اورکراچی کی زمینیں بحریہ ٹاؤن اور فوج کے حوالے کرنے کی مخالفت کررہی ہے اسی لئے پیپلزپارٹی کی سندھ دشمن حکومت ایم کیوایم کے خلاف ریاستی طاقت استعمال کررہی ہے اورایم کیوایم پر سراسر جھوٹ اوربے بنیادالزامات لگائے جارہے ہیں۔ رابطہ کمیٹی نے کہاکہ ایم کیوایم سندھ کوکالونی بنانے اورسندھ کے وسائل کی لوٹ مارکے خلاف سندھ کے مستقل باشندوں سندھیوں اور مہاجروں کو متحد کررہی ہے ، سندھ کے عوام میں تیزی سے شعور پیدا ہورہا ہے توپیپلزپارٹی کی سندھ دشمن حکومت ایک طرف تو ایم کیوایم کے خلاف کارروائیاں کررہی ہے دوسری جانب سندھ کے مستقل باشندوں سندھیوںاورمہاجروں کو آپس میں لڑانے کی سازش کررہی ہے لیکن سندھ کے مستقل باشندے اب آپس میں نہیں لڑیںگے اور وہ سندھ کی زمینوںکوپنجاب ، بحریہ ٹاؤن، فوج اور چائنا کے حوالے کرنے کی ہرکوشش کوناکام بنادیںگے۔ رابطہ کمیٹی نے کہا کہ سندھ کے عوام نے اچھی طرح سمجھ لیا ہے کہ بلاول زرداری بھی اپنے باپ کی طرح اپنے ماں کے قاتلوںکے ہاتھوںسندھ کاسوداکرچکاہے اوراپنے سیاسی مفادات کیلئے وہ سندھ کے مستقل باشندوں کی آواز کوکچلناچاہتاہے لیکن سندھ کے مستقل باشندے اب پیپلزپارٹی کی گھناؤنی سیاست کو کامیاب نہیں ہونے دیں۔ 
٭٭٭٭٭



8/3/2021 12:55:12 PM