Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

چاہے کچھ بھی ہوجائے ہم قائدتحریک الطاف حسین کی قیادت میںحقوق کے حصول کے اپنی جدوجہدجاری رکھیںگے۔طارق جاوید


  چاہے کچھ بھی ہوجائے ہم قائدتحریک الطاف حسین کی قیادت میںحقوق کے  حصول کے اپنی جدوجہدجاری رکھیںگے۔طارق جاوید
 Posted on: 6/11/2021

 چاہے کچھ بھی ہوجائے ہم قائدتحریک الطاف حسین کی قیادت میںحقوق کے
 حصول کے اپنی جدوجہدجاری رکھیںگے۔طارق جاوید
 قائدتحریک الطاف حسین نے مڈل کلاس سے تعلق رکھنے والے نوجوانوںکو
ایوانوں میں بھیجا، اسی لئے اسٹیبلشمنٹ ان کے خلاف ہے
 اے پی ایم ایس او واحدطلبہ تنظیم ہے جس نے عوامی سیاسی جماعت کوجنم دیا۔طارق جاوید  
 ایم کیوایم ایک حقیقت ہے ، اسٹیبلشمنٹ کواس حقیقت کوتسلیم کرلے۔ سہیل خانزادہ
 اے پی ایم ایس او کے 43ویںیوم تاسیس کے موقع پر لندن میں اجتماع سے خطاب

لندن  …  12  جون  2021ئ
ایم کیوایم کے کنوینر طارق جاوید نے کہاہے کہ ہم نے یہ عہد کررکھاہے کہ چاہے کچھ بھی ہوجائے ہم قائدتحریک الطاف حسین کی قیادت میںحقوق کے حصول کے اپنی جدوجہدجاری رکھیںگے۔ انہوں نے یہ بات اے پی ایم ایس او کے 43ویںیوم تاسیس کے موقع پر لندن کے علاقے ایجویئرمیں ایم کیوایم انٹرنیشنل سیکریٹریٹ میں اجتماع سے خطاب کرتے ہوئے کہی۔ اجتماع میں ایم کیوایم یوکے مختلف یونٹوں کے ذمہ داروں، کارکنوں، خواتین اوربچوں نے شرکت کی ۔ اجتماع سے ایم کیوایم کے بانی وقائدجناب الطاف حسین نے بھی خطاب کیا۔ طارق جاوید نے تمام کارکنوں اورعوام کواے پی ایم ایس او کے 43ویںیوم تاسیس کی مبارکبادپیش کرتے ہوئے کہاہے کہ 11جون وہ تاریخ ہے جب بانی وقائدتحریک الطاف حسین نے اے پی ایم ایس او قائم کی، انہوں نے مہاجرنظریہ پیش کیااس طرح 11جون کومہاجرقوم وجود میں آئی۔ انہوںنے کہاکہ تعلیمی اداروں میںجب  اے پی ایم ایس اوکی مقبولیت بڑھنے لگی توجمعیت نے ہم پر حملے کئے اورہم پرتعلیمی اداروںکے دروازے بند کردیے،ہم نے علاقوں میں کام شروع کیاتواے پی ایم ایس او سے مہاجرقومی موومنٹ نے جنم لیا۔ اس طرح اے پی ایم ایس او وہ واحدطلبہ تنظیم ہے جس نے ایک عوامی سیاسی جماعت کوجنم دیا۔ طارق جاوید نے کہاکہ ہماری تحریک کی جدوجہد میں ہزاروں کارکنوں نے اپنی جانوں کانذرانہ پیش کیا۔ ہماری تمام ترکامیابیاں انہی شہداکی مرہون منت ہیں، ہم اپنے ان شہدا کو نہیں بھول سکتے۔ انہوں نے کہاکہ ہمارے خلاف آج بھی ریاستی آپریشن جاری ہے، فوج ہماری تحریک کوصفحہ ہستی سے مٹانے پر تلی ہے ۔ انہوں نے کہاکہ آج اندرون سندھ بھی ریاستی تشدد جاری ہے، بلوچستان میں بلوچوں کے خلاف فوج کشی کی جارہی ہے ، بلوچوں کی نسل کشی کی جارہی ہے ، قبائلی علاقوں میں طالبان کے نام پر فوج پشتونوںکوماررہی ہے ۔ طارق جاوید نے کہاکہ قائدتحریک الطاف حسین مڈل کلاس طبقہ سے تعلق رکھتے ہیں اورانہوںنے مڈل کلاس سے تعلق رکھنے والے نوجوانوںکوایوانوں میں بھیجا، اسی لئے اسٹیبلشمنٹ ان کے خلاف ہے ۔ انہوں نے کہاکہ ہمارایہ عزم اورعہد ہے کہ چاہے کیسے ہی حالات ہوں، قائدتحریک الطاف حسین کی قیادت میں ہماری جدوجہد جاری رہے گی۔ اس موقع پر ایم کیوایم یوکے کے سینٹرل آرگنائزر سہیل خانزادہ نے خطاب کرتے ہوئے کہاکہ اگرچہ تحریک انتہائی کٹھن حالات سے دوچار ہے ، اسٹیبلشمنٹ ایم کیوایم کوصفحہ ہستی سے ختم کرنے کے درپے ہے لیکن وہ ایم کیوایم کوختم نہیں کرسکتی کیونکہ ایم کیوایم حق اورسچائی پر مبنی تحریک ہے ۔ انہوں نے کہاکہ ایم کیوایم ایک حقیقت ہے ، بہترہے کہ پاکستان کی اسٹیبلشمنٹ کواس حقیقت کوتسلیم کرلے اوراپنے طرزعمل کوتبدیل کرے۔ سہیل خانزادہ نے کہاکہ ایم کیوایم یوکے کے تمام کارکنان قائدتحریک الطاف حسین کی قیادت میںمتحد ہیں اوروہ مستقل مزاجی کے ساتھ یہ جدوجہدجاری رکھیںگے۔
اجتماع میں رابطہ کمیٹی کے ارکان قاسم علی رضا، مصطفےٰ عزیزآبادی، ارشدحسین، سینٹرل ایگزیکٹوکمیٹی کے رکن ہاشم اعظم ، شعبہ خواتین کی ذمہ دارمحترمہ یاسمین نوین اورایم کیوایم یوکے کے لندن اورمانچسٹر کے ذمہ داران بھی شریک تھے۔ اس موقع پر یوم تاسیس کاکیک بھی کاٹاگیااورقائدتحریک الطاف حسین سے اپنے عہدوفاکی تجدیدبھی کی گئی۔ یوم تاسیس کے موقع پر ایم کیوایم کے مرکزی شعبہ اطلاعات اور ایم کیوایم امریکہ کی جانب سے تیار کئے گئے تنظیمی ترانوںکا اجراء بھی کیاگیا۔

٭٭٭٭٭

















7/24/2021 12:09:07 AM