کوئٹہ میں اپنے بنیادی تعلیمی حق کیلئے پرامن مظاہرہ کرنے والے بلوچ طلبہ وطالبات کی گرفتاریاں،
تشدد اور بلوچ طالبات کی بے حرمتی کرنے کاواقعہ انتہائی قابل مذمت اور شرمناک ہے ۔ الطاف حسین
لندن … 24 جون 2020 ئ
متحدہ قومی موومنٹ کے بانی وقائدجناب الطاف حسین نے کوئٹہ میں اپنے بنیادی تعلیمی حق کے لئے پرامن مظاہرہ کرنے والے بلوچ طلبہ وطالبات کی گرفتاریاں، تشدد اورپولیس وسیکوریٹی فورسز کی جانب سے بلوچ طالبات کی بے حرمتی کرنے کاواقعہ انتہائی قابل مذمت اور شرمناک ہے ۔ جناب الطاف حسین نے اپنے بیان میںکہاکہ ایسی ہی وحشت وبربریت اورظالمانہ سلوک نے بلوچ عوام کوعلیحدگی کا راستہ اختیارکرنے پر مجبورکردیاہے ۔ انہوں نے ریاستی ظلم وبربریت کے خلاف غیوربلوچ نوجوانوں، بزرگوں ، ماؤں اوربہنوں کے ساتھ ایک بار پھرمکمل یکجہتی کااظہارکیااورمطالبہ کیاکہ تمام بلوچ طلبہ وطالبات کوفی الفوررہاکیاجائے اوران کامطالبہ منظور کیاجائے ۔
٭٭٭٭٭
