لندن میں ایم کیوایم کے 36ویں یوم تاسیس کا مرکزی عوامی اجتماع مؤخرکردیا گیاہے ، ایم کیوایم

Posted on: 3/13/2020

لندن میں ایم کیوایم کے 36ویں یوم تاسیس کا مرکزی عوامی اجتماع مؤخرکردیا گیاہے ، ایم کیوایم
21، مارچ کو ایم کیوایم انٹرنیشنل سیکریٹریٹ لندن میں کارکنان کا اجتماع منعقد کیاجائے گا
لندن میں کارکنان کے اجتماع سے قائد تحریک الطاف حسین خطاب کریں گے
اوورسیز یونٹوںمیں مقامی سطح پر یوم تاسیس کے اجتماعات منعقد کیے جائیں گے ۔ایم کیوایم کی رابطہ کمیٹی کے اجلاس میں فیصلے
قائد تحریک الطاف حسین نے رابطہ کمیٹی کے فیصلوں کی توثیق کردی

متحدہ قومی موومنٹ کی رابطہ کمیٹی نے حکومت برطانیہ اور بین الاقوامی ہیلتھ ایڈوائس کے پیش نظر 21، مارچ 2020ء کو لندن میں ایم کیوایم کے 36 ویں یوم تاسیس کے سلسلے میں ہونے والا مرکزی عوامی اجتماع مؤخر کردیا ہے ،جس میں مختلف ممالک سے ایم کیوایم اوورسیز یونٹوں کے ذمہ داران اور کارکنان کے علاوہ مختلف ممالک سے تمام مظلوم قومیتوں کے رہنماؤں، انسانی حقوق کے نمائندوں، دانشوروں اور بلاگرز کی شرکت بھی متوقع تھی۔ تاہم 21، مارچ2020ء کو ایم کیوایم انٹرنیشنل سیکریٹریٹ لندن میں یوم تاسیس کے سلسلے میں کارکنان کا اجتماع منعقد کیاجائے گا جس سے قائد تحریک جناب الطاف حسین خطاب کریں گے جبکہ اوورسیز یونٹوں کے چیپٹرز میں مقامی سطح پرایم کیوایم کے 36ویں یوم تاسیس کے اجتماعات منعقد کیے جائیں گے ۔بانی وقائد تحریک جناب الطاف حسین نے رابطہ کمیٹی کے مذکورہ بالافیصلوں کی توثیق کردی ہے ۔یہ فیصلہ رابطہ کمیٹی کے اجلاس میں کیاگیا ، اجلاس کی صدارت ایم کیوایم کے کنوینر ڈاکٹر ندیم احسان نے کی ۔ اجلاس میں ورلڈ ہیلتھ آرگنائزیشن کی جانب سے کرونا وائرس کو عالمی وبا قراردینے، حکومت برطانیہ سمیت مختلف ممالک کی جانب سے سفری ایڈوائس، مختلف ممالک سے فلائٹس کی عدم دستیابی، مذہبی وسماجی تقاریب اورعوامی اجتماعات پر پابندی اورعالمی وبا سے پیداہونے والی صورتحال پر تفصیل سے غورخوض کیاگیا۔اجلاس میں متفقہ طورپر فیصلہ کیاگیا کہ مذکورہ حالات کے پیش نظرلندن میں 21، مارچ2020ء کو ایم کیوایم کے 36 ویں یوم تاسیس کے سلسلے میں منعقد ہونے والا مرکزی عوامی اجتماع مؤخرکردیاجائے ۔ اجلاس میں فیصلہ کیاگیا کہ 21، مارچ2020ء کو یوم تاسیس کے سلسلے میں ایم کیوایم انٹرنیشنل سیکریٹریٹ لندن میں کارکنان کا اجتماع منعقد کیاجائے اور موجودہ حالات کے پیش نظر یوم تاسیس کی سادہ تقریب منعقد کی جائے ۔ اجلاس میں یہ بھی فیصلہ کیاگیا کہ امریکہ ، کینیڈا، ساؤتھ افریقہ ، آسٹریلیا، جرمنی، خلیجی ممالک اور دیگر اوورسیز یونٹوں میں ایم کیوایم کے 36 ویں یوم تاسیس کے سلسلے میںکارکنان کے اجتماعات منعقد کیے جائیں گے اور یوم تاسیس تنظیمی جوش وجذبے سے منایاجائے گا۔
رابطہ کمیٹی نے ایم کیوایم برطانیہ کی سینٹرل آرگنائزنگ کمیٹی ، تمام یونٹ انچارجز اور یونٹ کمیٹیوں کے ارکان کو ہدایت کی ہے کہ جن کارکنان اورہمدردوں کو یوم تاسیس کے دعوت نامے دیے جاچکے ہیں انہیں لندن میں یوم تاسیس کی مرکزی عوامی تقریب کے مؤخر ہونے سے آگاہ کیاجائے اور اس زحمت پر معذرت کی جائے ۔

٭٭٭٭٭

5/14/2026 12:34:52 AM

اگرایٹمی ہتھیار ایران کے لئے غلط ہیں توپھرایٹمی ہتھیارامریکہ،روس، چین،... 11 May 2026	میں صرف فوج کے جرنیلوں یا افسران کے سیاست میں حصہ لینے کا مخالف ہوں، ی... 11 May 2026
سندھ میں پیپلز پارٹی کی بربریت کا خاتمہ وقت کی اہم ضرورت ہے — رکن رابط... 10 May 2026	پاکستان بھی اقوام متحدہ کا باقاعدہ رکن ملک ہے لیکن یہ تلخ حقیقت ہےکہ ب... 10 May 2026
عمران خان اور ان کی پارٹی کے خلاف آج جو ہورہا ہے وہ قانون قدرت ہے جسے... 09 May 2026	ایم کیوایم شاہ فیصل کالونی سیکٹرکے وفاپرست کارکن ریحان احمد کی جبری گ... 09 May 2026
ایم کیوایم کورنگی سیکٹرکے کارکن اوصاف علی کی جبری گمشدگی تشویشناک ہے۔... 08 May 2026	سندھ ہائیکورٹ کی جانب سے شہیدسیدعلی رضاعابدی کے قاتلوں کو رہاکرنے کا ... 06 May 2026
آئل ٹینکر “Honour 25” کے عملے کے اغوا پر ایم کیو ایم رابطہ کمیٹی کا اظ... 05 May 2026	کراچی میں شدید گرمی اور ہیٹ اسٹروک کی موجودہ لہر انتہائی تشویشناک ہے،... 04 May 2026