اسٹیبلشمنٹ کے نان اسٹیٹ ایکٹرز، وزیراعظم کے خلاف سازشیں بند کردیں، ایم کیوایم رابطہ کمیٹی

Posted on: 12/28/2017

اسٹیبلشمنٹ کے نان اسٹیٹ ایکٹرز، وزیراعظم کے خلاف سازشیں بند کردیں، ایم کیوایم رابطہ کمیٹی
وزیراعظم پاکستان شاہد خاقان عباسی ملک کے بہترین وزیراعظم ہیں، رابطہ کمیٹی
ایم کیوایم ، وزیراعظم شاہدخاقان عباسی کی ہرطرح سے سپورٹ کرے گی، رابطہ کمیٹی کے اجلاس میں فیصلہ
وزیراعظم شاہدخاقان عباسی کے خلاف جو سازشیں کی جارہی ہیں اب انکا سلسلہ بند ہونا چاہیے، رابطہ کمیٹی
ملک میں ویسے ہی پاکستان کے آئین کی شق 62 اور 63پر پورے اترنے والے نیک ایماندار لوگوں کی کمی ہے ،رابطہ کمیٹی
شاہد خاقان عباسی کو آئندہ الیکشن کے بعد بھی انہیں وزیراعظم منتخب کرکے ملک وقوم کی خدمت کا موقع دیا جائے، رابطہ کمیٹی
ایم کیوایم کی خواہش ہے کہ منتخب اسمبلیاں اپنی مدت پوری کریں ، وقت پر انتخابات ہوں ،رابطہ کمیٹی
جمہوریت کے تسلسل سے ملک ترقی وخوشحالی کی راہ پر گامزن ہوسکے، رابطہ کمیٹی
متحدہ قومی موومنٹ انٹرنیشنل سیکریٹریٹ لندن میں رابطہ کمیٹی کے اراکین کے اجلاس میں فیصلہ

متحدہ قومی موومنٹ کی رابطہ کمیٹی نے کہاہے کہ وزیراعظم پاکستان شاہد خاقان عباسی ملک کے بہترین وزیراعظم ہیں اور قائد تحریک جناب الطاف حسین کی قیادت میں ایم کیوایم ، وزیراعظم شاہدخاقان عباسی کی ہرطرح سے سپورٹ کرے گی ۔ یہ فیصلہ ایم کیوایم انٹرنیشنل سیکریٹریٹ لندن میں رابطہ کمیٹی کے اجلاس میں کیاگیا۔ اجلاس میں متفقہ طورپر فیصلہ کیاگیا کہ ایم کیوایم کی جانب سے جمہوریت کے استحکام اور تسلسل کیلئے وزیراعظم شاہد خاقان عباسی کوہرطرح سے سپورٹ کیاجائے ۔ اجلاس میں کہاگیا کہ وزیراعظم شاہدخاقان عباسی کے خلاف جو سازشیں کی جارہی ہیں اب انکا سلسلہ بند ہونا چاہیے، ملک میں ویسے ہی پاکستان کے آئین کی شق 62 اور63 پر پورے اترنے والے نیک اورایماندارلوگوں کی کمی ہے ، اس ماحول میں شاہد خاقان عباسی بہترین وزیراعظم ہیں لہٰذا ان کونہ صرف آئندہ الیکشن تک کام کرنے دیا جائے بلکہ الیکشن کے بعد بھی انہیں وزیراعظم پاکستان منتخب کرکے ملک وقوم کی خدمت کا موقع دیا جائے۔ اجلاس میں کہاگیا کہ ملک کی بقاء وسلامتی جمہوریت میں ہے لہٰذا جمہوری اداروں کو چلنے دیا جائے اور جو عناصر جمہوریت ختم کرنا چاہتے ہیں اور ملک کے منتخب وزیراعظم کے خلاف سازش کررہے ہیں جس کا اشارہ وزیراعظم شاہد خاقان عباسی نے اپنی تقریر میں بھی کیاہے ۔ رابطہ کمیٹی نے کہاکہ اسٹیبلشمنٹ کے نان اسٹیٹ ایکٹرز، وزیراعظم کے خلاف سازشیں بند کردیں اور وزیراعظم شاہد خاقان عباسی کو کام کرنے دیا جائے ۔ اجلاس میں کہاگیا کہ رابطہ کمیٹی نے کہاکہ ایم کیوایم کی خواہش ہے کہ منتخب اسمبلیاں اپنی آئینی مدت پوری کریں ، وقت پر انتخابات ہوں ، جمہوری ادارے مستحکم ہوں اورجمہوریت کے تسلسل سے ملک ترقی وخوشحالی کی راہ پر گامزن ہوسکے۔

*****

5/28/2023 8:06:07 PM

بانی پاکستان قائداعظم کوسلوپوائزن دیکر قتل کیاگیا Altaf Hussain On Twi... 27 May 2023	اداس چہروں کی کہانی ... 26 May 2023
دعوت فکر: ... 25 May 2023	ایم کیوایم کے کارکنوں سے رابطوں اور مشاورت کیلئے تین رکنی ایڈوائزری ک... 25 May 2023
رابطہ کمیٹی کے رکن عاطف شمیم کی امریکی ریاست ٹیکساس کے ریاستی نمائندگا... 24 May 2023	سندھ ہائی کورٹ نے ایم کیوایم کے بانی وقائد الطاف حسین کی تقریرپر عائد... 23 May 2023
چیف آف آرمی اسٹاف جنرل عاصم منیر صاحب! سلام وآداب ... 22 May 2023	یادگار شہداء فوجی شہداء کی ہویاسویلین شہداء کی ،مقدس ہوتی ہے ... 22 May 2023
میئرکراچی الیکشن کے بارے میںقائدتحریک الطاف حسین کے اصولی بیان سے پیپ... 21 May 2023	مسلمہ جمہوری اصولوں کے تحت میئر اور ڈپٹی میئر کا حق ایوان میں اکثریت ... 20 May 2023