Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

وزیراعظم شاہد خاقان عباسی، ایم کیوایم خواتین کارکنان اوران کے رشتہ داروں کی بلاجواز وغیرقانونی گرفتاری کافوری نوٹس لیں، رابطہ کمیٹی


وزیراعظم شاہد خاقان عباسی، ایم کیوایم خواتین کارکنان اوران کے رشتہ داروں کی بلاجواز وغیرقانونی گرفتاری کافوری نوٹس لیں، رابطہ کمیٹی
 Posted on: 8/2/2017 1
وزیراعظم شاہد خاقان عباسی، ایم کیوایم خواتین کارکنان اوران کے رشتہ داروں کی بلاجواز وغیرقانونی
گرفتاری کافوری نوٹس لیں، رابطہ کمیٹی
وزیراعظم شاہدخاقان عباسی کی جانب سے وزارت عظمیٰ کامنصب سنبھالنے کے بعد مہاجرخواتین کو بھی 
گرفتارکرکے تھانے میں بہیمانہ تشددکا نشانہ بنایاجارہا ہے، رابطہ کمیٹی
غیرقانونی ،غیرآئینی اورغیرانسانی مظالم کے تسلسل سے مہاجرقوم کے صبر کاپیمانہ لبریز ہورہاہے، رابطہ کمیٹی
اگر مہاجروں پر ریاستی مظالم کاسلسلہ بندنہ کیاگیا تو اسکے نتائج کی تمام تر ذمہ داری حکومت پر عائد ہوگی، رابطہ کمیٹی
غیرقانونی گرفتاریوں سے نہ تو مہاجرقوم کو خوف زدہ کیاجاسکتا ہے اورنہ ہی انہیں حقوق کی جدوجہد سے بازرکھاجاسکتا ہے، رابطہ کمیٹی
مہاجرقوم کے ایک ایک فردنے تہیہ کرلیا ہے کہ وہ غلامی کی ذلت آمیز زندگی گزارنے کے بجائے
عزت کی موت مرنا گوارا کریں گے، رابطہ کمیٹی

متحدہ قومی موومنٹ کی رابطہ کمیٹی نے میرپورخاص اورکراچی میں ایم کیوایم کی خواتین کارکنان اوران کے رشتہ داروں کی غیرقانونی گرفتاریوں کی سخت ترین الفاظ میں مذمت کی ہے اور وزیراعظم شاہدخاقان عباسی سے مطالبہ کیاہے کہ ایم کیوایم کی خواتین کارکنان اور ان کے رشتہ داروں کی گرفتاریوں کا نوٹس لیا جائے ۔ ایک بیان میں رابطہ کمیٹی نے وزیراعظم شاہدخاقان عباسی کو مخاطب کرتے ہوئے کہاکہ گزشتہ کئی برسوں سے ایم کیوایم کے خلاف ریاستی آپریشن جاری ہے جس کے دوران مہاجروں کا سیاسی ،معاشی، تعلیمی اورجسمانی قتل عام کیاجارہا ہے،پاکستانی فوج، آئی ایس آئی ، رینجرز اورپولیس کی جانب سے مہاجرنوجوانوں کو ماورائے عدالت قتل کیاجارہا ہے ، انہیں گرفتارکرکے لاپتہ کیاجارہا ہے ، سرکاری عقوبت خانوں میں انسانیت سوز تشددکا نشانہ بنایاجارہا ہے ۔رابطہ کمیٹی نے مزیدکہاکہ افسوس صدافسوس وزیراعظم شاہدخاقان عباسی کی جانب سے وزارت عظمیٰ کامنصب سنبھالنے کے بعد مہاجرخواتین کو بھی گرفتارکرکے تھانے میں بہیمانہ تشددکا نشانہ بنایاجارہا ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ قانون نافذ کرنے والے اداروں کی جانب سے غیرقانونی ،غیرآئینی اورغیرانسانی مظالم کے تسلسل سے مہاجرقوم کے صبر کاپیمانہ لبریز ہورہاہے، اگر مہاجروں پر ریاستی مظالم کاسلسلہ بند نہ کیاگیا تو اسکے نتائج کی تمام تر ذمہ داری حکومت پر عائد ہوگی۔ رابطہ کمیٹی نے کہاکہ غیرقانونی گرفتاریوں سے نہ تو مہاجرقوم کو خوف زدہ کیاجاسکتا ہے اورنہ ہی انہیں حقوق کی جدوجہد سے بازرکھاجاسکتا ہے ۔مہاجرقوم کے ایک ایک فردنے تہیہ کرلیا ہے کہ وہ غلامی کی ذلت آمیز زندگی گزارنے کے بجائے عزت کی موت مرنا گوارا کریں گے لیکن اپنے جائز حقوق کی جدوجہد سے ہرگز دستبردارنہیں ہوں گے۔رابطہ کمیٹی نے وزیراعظم شاہدخاقان عباسی سے مطالبہ کیاکہ ایم کیوایم کی خواتین کارکنان اوران کے رشتہ داروں کی بلاجواز وغیرقانونی گرفتاری کافوری نوٹس لیاجائے اورتمام گرفتارشدگان کوفی الفور رہاکرایاجائے۔
*****
7/7/2025 11:57:08 PM