ایم کیوایم کے رہنماؤں نے لندن برج جاکر دہشت گردوں کے ہاتھوں شہید ہونے والوں کوخراج عقیدت پیش کیا
ایم کیوایم کے ارکان نے جائے وقوعہ پر ایم کیوایم کے قائد الطاف حسین کی جانب سے پھول چڑھائے اور تعزیتی کارڈ رکھا
ایم کیوایم کے ارکان نے دہشت گردی کے واقعہ میں جاں بحق ہونے والے افراد کے سوگ میں ایک منٹ کی خاموشی بھی اختیارکی
دکھ اورآزمائش کی اس گھڑی میں ہم متاثرہ خاندانوں اوربرطانوی حکومت کے شانہ بشانہ ہیں ۔الطاف حسین
معصوم وبے گناہ افرادپر دہشت گردحملہ بربریت ہے، ایم کیوایم اس سفاکانہ حملے کی شدیدمذمت کرتی ہے،پلے کارڈز پر کلمات
ایم کیوایم ایم کیوایم دہشت گردی اورمذہبی انتہاپسندی کے خاتمہ کے لئے برطانوی حکومت کے ساتھ شانہ بشانہ ہیں۔ایم کیوایم
اظہارتعزیت کے لئے پہنچنے والوں میں رابطہ کمیٹی کے رکن مصطفےٰ عزیزآبادی، ڈاکٹرسلیم دانش، ایم کیوایم یوکے کے آرگنائزرہاشم اعظم اورآرگنائزنگ کمیٹی کے ارکان آصف سعید، محسن علی ،محمدشفیق، ایسٹ لندن یونٹ کے انچارج غفران حمیداورمحمدوسیم شامل تھے
ایم کیوایم کے رہنماؤں نے لندن برج جاکر وہاں ہفتہ 3 جون کودہشت گردوں کے ہاتھوں شہید ہونے والوں کوخراج عقیدت پیش کیا۔انہوں نے لندن برج پرجائے وقوعہ پر ایم کیوایم کے بانی وقائدجناب الطاف حسین کی جانب سے پھول چڑھائے اور تعزیتی کارڈبھی رکھا جس پر دہشت گردی کانشانہ بننے والے افرادکے لواحقین سے تعزیت کا اظہارکرتے ہوئے کہاگیاتھاکہ دکھ اورآزمائش کی اس گھڑی میں ہم متاثرہ خاندانوں اوربرطانوی حکومت کے شانہ بشانہ ہیں ۔ ایم کیوایم کے ارکان نے دہشت گردی کے واقعہ میں جاں بحق ہونے والے افراد کے سوگ میں ایک منٹ کی خاموشی بھی اختیارکی۔ اس موقع پر ایم کیوایم کے ارکان نے اپنے ہاتھوں میں پلے کارڈزبھی اٹھائے ہوئے تھے جن پر دہشت گردی کے اس واقعہ کی شدیدمذمت کی گئی تھی اورکہاگیاتھاکہ معصوم وبے گناہ افرادپر دہشت گردحملہ بربریت ہے، ایم کیوایم اس سفاکانہ حملے کی شدیدمذمت کرتی ہے،ایم کیوایم ایم کیوایم دہشت گردی اورمذہبی انتہاپسندی کے خاتمہ کے لئے برطانوی حکومت کے ساتھ شانہ بشانہ ہیں۔ اظہارتعزیت کے لئے پہنچنے والوں میں رابطہ کمیٹی کے رکن مصطفےٰ عزیزآبادی، ڈاکٹرسلیم دانش، ایم کیوایم یوکے کے آرگنائزرہاشم اعظم اورآرگنائزنگ کمیٹی کے ارکان آصف سعید، محسن علی ،محمدشفیق، ایسٹ لندن یونٹ کے انچارج غفران حمیداورمحمدوسیم شامل تھے ۔ اس موقع پربرطانوی مقامی باشندوں نے دہشت گردی کانشانہ بننے والوں سے اظہاریکجہتی کے لئے آنے پر ایم کیوایم کے ارکان کے جذبے کوسراہا۔
*****
Photographs
