Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سائبرکرائمزایکٹ کی آڑ میں سوشل میڈیاایکٹوسٹ اور بلاگرزکوحراست میں لینا اورصحافیوں کو ہراساں کرنا قابل مذمت ہے۔الطاف حسین


سائبرکرائمزایکٹ کی آڑ میں سوشل میڈیاایکٹوسٹ اور بلاگرزکوحراست میں لینا اورصحافیوں کو ہراساں کرنا قابل مذمت ہے۔الطاف حسین
 Posted on: 5/22/2017
سائبرکرائمزایکٹ کی آڑ میں سوشل میڈیاایکٹوسٹ اور بلاگرزکوحراست میں لینا اورصحافیوں کو ہراساں کرنا
قابل مذمت ہے۔الطاف حسین
فوج کوئی مقدس گائے نہیں کہ اس کے غیرقانونی اقدامات ، زیادتیوں اورجرائم پربات نہیں کی جاسکتی۔الطاف حسین
یہ سراسرظلم ہے اوراس ظلم پر خاموش نہیں رہاجاسکتا۔ظالمانہ سائبرکرائمز ایکٹ کوفی الفورختم کیاجائے ۔الطاف حسین
کیافوج کویہ حق حاصل ہے کہ وہ انسانی حقوق کی سربلندی اوراظہاررائے کی آزادی کے حق کیلئے آوازاٹھانے
والے ہرفردکو طاقت کے ذریعے خاموش کرتی رہے ؟ الطاف حسین
باضمیر وکلاء، صحافیوں اوردانشوروں کوچاہیے کہ وہ ان مظالم کے خلاف کھڑے ہوجائیں۔الطاف حسین

متحدہ قومی موومنٹ ( پاکستان ) کے بانی وقائد جناب الطاف حسین نے سائبرکرائمزایکٹ کی آڑ میں ایف آئی اے کی جانب سے سوشل میڈیاایکٹوسٹ اور بلاگرزکوحراست میں لینے اورصحافیوں کو ہراساں کرنے کی شدیدمذمت کی ہے اورمطالبہ کیاہے کہ اس ظالمانہ سائبرکرائمز ایکٹ کوفی الفورختم کیاجائے ۔ اپنے بیان میں جناب الطاف حسین نے کہاکہ فوج کوئی مقدس گائے نہیں کہ اس کے غیرقانونی اقدامات ، زیادتیوں اورجرائم پربات نہیں کی جاسکتی۔ فوج یا اس کے ادارے اگر کہیں کسی کوقتل کریں، لوگوں کودبانے اورکچلنے کیلئے ان کے خلاف ماورائے آئین و قانون اقدامات کریں، لوگوں کواٹھاکرغائب کردیں توفوج یا اس کے اداروں کے ان جرائم کے خلاف آوازاٹھانا، ان پر تنقیدکرنا کیاکوئی جرم ہے ؟انہوں نے کہاکہ فوج جس شہری کے چاہے کپڑے اتاردے، اس پر الزامات لگاکراس کی کردارکشی کرے لیکن کیافوج پر کوئی قانون لاگونہیں ہوتا؟فوج کتنے ہی لوگوں کوگرفتارکرکے قتل کرچکی ہے جن میں صحافی بھی شامل ہیں، کیااس پر یہ کہاجائے کہ ان صحافیوں اورمعصوم شہریوں کا سرکاری حراست میں قتل کسی آسمانی مخلوق نے کیاہے؟انہوں نے کہاکہ فوج کاکام ملک کی سرحدوں کادفاع کرناہے لیکن کیافوج کویہ حق حاصل ہے کہ وہ ملک میں انسانی حقوق کی سربلندی اوراظہاررائے کی آزادی کے حق کے لئے آوازاٹھانے والے ہرفردکو اپنی طاقت کے ذریعے خاموش کرتی رہے ؟ جناب الطاف حسین نے کہاکہ یہ سراسرظلم ہے اوراس ظلم پر خاموش نہیں رہاجاسکتا۔انہوں نے کہاکہ ملک کے باضمیر وکلاء، صحافیوں اوردانشوروں کوچاہیے کہ وہ ان مظالم کے خلاف کھڑے ہوجائیں۔ 

*****
5/17/2026 7:42:21 AM