حضرت لعل شہباز قلندر ؒ کی درگاہ پرواک تھروگیٹ اورسیکوریٹی کے مناسب انتظامات کا نہ ہونا حکومت سندھ کی نااہلی ہے ۔ندیم نصرت کنوینر ایم کیوایم

Posted on: 2/18/2017

حضرت لعل شہباز قلندر ؒ کی درگاہ پرواک تھروگیٹ اورسیکوریٹی کے مناسب انتظامات کا نہ ہونا حکومت
سندھ کی نااہلی ہے ۔ندیم نصرت کنوینر ایم کیوایم
پیپلزپارٹی کی حکومت بھٹو کے مقبرے کی تزئین وآرائش اور سیکوریٹی پر تواربوں روپے خرچ کرتی ہے لیکن حضرت لعل شہباز قلندر ؒ کی درگاہ کی سیکوریٹی کیلئے واک تھرو گیٹ تک میسر نہیں ہیں
سانحہ سیہون شریف کے شہداء کے اعضاء کی بے حرمتی سندھ کے حکمرانوں اورانتظامیہ کی بے حسی کامنہ بولتاثبوت ہے
جس دادو ضلع سے سندھ کے تین وزیراعلیٰ مقررہوئے وہاں اتنے سالوں میں ایک اسپتال تک نہیں ہے ، ندیم نصرت
پیپلزپارٹی کے حکمرانوں نے حکومت کوعوام کی خدمت کا نہیں بلکہ مال بنانے اور جاگیریں اور جائیدادیں بنانے کاذریعہ سمجھاہواہے ،

متحدہ قومی موومنٹ کی رابطہ کمیٹی کے کنوینر ندیم نصرت نے کہاہے کہ سانحہ سیہون شریف کے شہداء کے اعضاء کی بے حرمتی کے واقعہ کی شدید مذمت کرتے ہوئے اسے صوبہ سندھ کے حکمرانوں اورانتظامیہ کی بے حسی قراردیاہے ۔ اپنے ایک بیان میں ندیم نصرت نے کہاکہ پیپلزپارٹی کی صوبائی حکومت نے گڑھی خدابخش میں بھٹو کے مقبرے کی تزئین وآرائش اور سیکوریٹی پر تواربوں روپے خرچ کرتی ہے، بلاول ہاؤس کی سیکوریٹی کیلئے تو پوری شاہراہ کوسالوں بند رکھا جاتاہے لیکن حضرت لعل شہباز قلندر ؒ کی درگاہ کی سیکوریٹی کیلئے واک تھرو گیٹ تک میسر نہیں ہیں جس کی وجہ سے وہاں اتنابڑاہولناک دھماکہ ہوا اور تقریباً سو سے زائدزائرین شہید وزخمی ہوئے ۔ ندیم نصرت نے مزید کہاکہ حضرت لعل شہباز قلندر ؒ کی درگاہ پرواک تھروگیٹ اورسیکوریٹی کے مناسب انتظامات کا نہ ہونا حکومت سندھ کی نااہلی ہے ۔ انہوں نے کہاکہ اب سانحہ سیہون شریف کے شہداء کے اعضاء گندے نالے میں پھینکے جانے کی جودلخراش اطلاعات سامنے آئی ہیں اس سے ظاہرہوتاہے کہ سندھ کے حکمراں کس قدربے حس ہوچکے ہیں ، اس معاملے پر وزیراعلیٰ سندھ کااب بیانات دینااورانتظامیہ پر برسنا ایک دکھاوااورعوام کی آنکھوں میں دھول جھونکناہے۔ندیم نصرت نے کہاکہ جوحکام بھی اس کے ذمہ دارہیں انہیں کڑی سزا ملنی چاہیے۔ ندیم نصرت نے کہاکہ جس دادو ضلع سے سندھ کے تین وزیراعلیٰ مقررہوئے وہاں اتنے سالوں میں ایک اسپتال تک نہیں ہے ، پیپلزپارٹی کے حکمرانوں نے حکومت کوعوام کی خدمت کا نہیں بلکہ مال بنانے اورملک اوربیرون ملک جاگیریں اور جائیدادیں بنانے کاذریعہ سمجھاہواہے ، سندھ کے عوام انشاء اللہ آئندہ انتخابات میں مستردکردیں گے۔

*****

12/21/2025 9:28:59 PM

ایم کیوایم کے بانی وقائد جناب الطاف حسین نے ڈاکٹر عمران فاروق شہید کی... 22 Dec 2025	Shumaila Imran, the widow of Dr Imran Farooq Shaheed, was an invaluabl... 21 Dec 2025
Altaf Hussain’s sane advice to the military establishment ... 07 Dec 2025	MQM’s founding leader and Supremo Mr Altaf Hussain has convened an exi... 03 Dec 2025
The assault on the FC Headquarters in Peshawar is profoundly sorrowful... 26 Nov 2025	سندھ کے بارے میں انڈیا کے وزیر دفاع راج ناتھ سنگھ کے بیان پر ایم کیو ا... 25 Nov 2025
Vloggers in exile have dropped their national identity. ... 24 Nov 2025	I challenge all anchors, YouTubers, and vloggers who level allegations... 23 Nov 2025
Altaf Hussain’s Vision and political manifesto: ... 23 Nov 2025	MQM leader Altaf slams coalition government of Pakistan over the passa... 16 Nov 2025