Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پارہ چنار میں بم دھماکہ بدترین دہشت گردی ہے، ندیم نصرت کنوینر متحدہ قومی موومنٹ پاکستان


پارہ چنار میں بم دھماکہ بدترین دہشت گردی ہے، ندیم نصرت کنوینر متحدہ قومی موومنٹ پاکستان
 Posted on: 1/21/2017
پارہ چنار میں بم دھماکہ بدترین دہشت گردی ہے، ندیم نصرت کنوینر متحدہ قومی موومنٹ پاکستان
گھناؤنے عمل میں ملوث عناصر مسلمان تو کجا انسان کہلانے کے بھی مستحق نہیں ہیں، ندیم نصرت
انتہا پسندی اورفرقہ واریت کی بنیاد پر دہشت گردی سے دنیا بھر میں پاکستان کا امیج بری طرح متاثر ہورہا ہے، ندیم نصرت
وزیراعظم اوروفاقی وزیرداخلہ پا رہ چنار میں دہشت گردی کے واقعہ کا سنجیدگی سے نوٹس لیں، ندیم نصرت
شہریوں کی بلاامتیاز وتفریق جان ومال کے تحفظ کیلئے ٹھوس اورعملی اقدامات بروئے کار لائے جائیں، ندیم نصرت

متحدہ قومی موومنٹ (پاکستان )کی رابطہ کمیٹی کے کنوینر ندیم نصرت نے پارہ چنار میں بم دھماکے کی سخت ترین الفاظ میں مذمت کی ہے اور بم دھماکے میں20بے گناہ شہریوں کی شہادت اور درجنوں افراد کے زخمی ہونے پر گہرے دکھ اور افسوس کا اظہارکیا ہے ۔ ایک بیان میں ندیم نصرت نے کہاکہ پارہ چنار کی سبزی مارکیٹ میں ہونے والا بم دھماکہ بدترین دہشت گردی ہے اور اس گھناؤنے عمل میں ملوث عناصر مسلمان تو کجا انسان کہلانے کے بھی مستحق نہیں ہیں۔ انہوں نے کہاکہ مذہبی انتہا پسندی اورفرقہ واریت کی بنیاد پر دہشت گردی کے واقعات سے دنیا بھر میں پاکستان کا امیج بری طرح متاثر ہورہا ہے اور جوعناصر اس قسم کے گھناؤنے عمل میں ملوث ہیں وہ پاکستان اور اس کے عوام کے کھلے دشمن ہیں ۔ ندیم نصرت نے وزیراعظم میاں محمد نوازشریف اور وفاقی وزیرداخلہ چوہدری نثارعلی خان سے مطالبہ کیاکہ پارہ چنار میں دہشت گردی کے واقعہ کا سنجیدگی سے نوٹس لیاجائے اور شہریوں کی بلاامتیاز وتفریق جان ومال کے تحفظ کیلئے ٹھوس اورعملی اقدامات بروئے کار لائے جائیں ۔ ندیم نصرت نے پارہ چنار میں ہونے والے بم دھماکے میں شہید ہونے والے افراد کے سوگوارلواحقین سے دلی تعزیت وہمدردی کا اظہار کیا اور زخمیوں کی جلدومکمل صحت یابی کیلئے دعا کی ۔

*****
7/8/2025 12:22:42 AM