Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سندھ حکومت، مردم شماری کے عمل کو سبوتاژکرنے کی سازش کررہی ہے، ندیم نصرت کنوینر متحدہ قومی موومنٹ پاکستان


سندھ حکومت، مردم شماری کے عمل کو سبوتاژکرنے کی سازش کررہی ہے، ندیم نصرت کنوینر متحدہ قومی موومنٹ پاکستان
 Posted on: 1/19/2017
سندھ حکومت، مردم شماری کے عمل کو سبوتاژکرنے کی سازش کررہی ہے، ندیم نصرت کنوینر متحدہ قومی موومنٹ پاکستان
کراچی اور حیدرآباد میں سادہ لباس اہلکاروں کے غیرقانونی چھاپے اورگرفتاریاں قابل مذمت ہیں، ندیم نصرت
سادہ لباس اہلکاروں نے سینئر کارکنان شہباز معظم ، فرحان ہاشمی اور نفیس صدیقی سمیت متعددکارکنان کو گرفتارکرلیا، ندیم نصرت
سادہ لباس اہلکاروں کی غیرقانونی کارروائیوں میں متعصب سندھ حکومت براہ راست ملوث نظرآرہی ہے، ندیم نصرت
ماضی میں بھی جعلسازی اور دھاندلی کے ذریعہ مردم شماری میں سندھ کی شہری آبادی کم ظاہر کی جاتی رہی ہے، ندیم نصرت
کراچی اورحیدرآبادمیں سادہ لباس اہلکاروں کے غیرقانونی چھاپے اورگرفتاریاں اسی سازش کا حصہ ہیں، ندیم نصرت
صدر، وزیراعظم اور چیف جسٹس سپریم کورٹ سندھ کے شہری علاقوں میں مردم شماری کا عمل سبوتاژ کرنے کا نوٹس لیں ،ندیم نصرت
بے گناہ کارکنان کی گرفتاریوں کا سلسلہ بند کرایاجائے اورتمام گرفتارشدگان کو فی الفور رہاکرایاجائے، ندیم نصرت

متحدہ قومی موومنٹ (پاکستان) کی رابطہ کمیٹی کے کنوینر ندیم نصرت نے کراچی اور حیدرآباد میں سادہ لباس اہلکاروں کی جانب سے ایم کیوایم کے سینئر کارکنان کی مسلسل گرفتاریوں کی شدیدالفاظ میں مذمت کرتے ہوئے کہاہے کہ سندھ حکومت متعصبانہ اقدامات کرکے مردم شماری کے عمل کو سبوتاژکرنے کی سازش کررہی ہے ۔ ایک بیان میں ندیم نصرت نے کہاکہ گزشتہ کئی روزکراچی اورحیدرآباد میں سادہ لباس میں قانون نافذ کرنے والے اداروں کے اہلکاروں کے غیرقانونی چھاپوں اورگرفتاریوں کا سلسلہ جاری ہے ، بدھ کے روز بھی سادہ لباس اہلکاروں نے ایم کیوایم نارتھ کراچی کے سینئر کارکن شہباز معظم ، فیڈرل بی ایریا کے سینئر کارکن فرحان ہاشمی ، حیدرآباد سیکٹر جی کے سینئر کارکن نفیس صدیقی سمیت متعددکارکنان کو گرفتارکرکے نامعلوم مقام پر منتقل کردیا۔ انہوں نے کہاکہ یہ ظلم وستم کی انتہاء ہے کہ گرفتارشدگان کے اہل خانہ کو یہ تک نہیں بتایاجارہا ہے کہ ان کے پیارے کہاں اور کس کی تحویل میں ہیں ۔ ندیم نصرت نے کہاکہ سپریم کورٹ کی احکامات پر جب سے مردم شماری کے عمل کا آغاز ہوا ہے سندھ کے شہروں میں سادہ لباس اہلکاروں کی جانب سے ایم کیوایم کے ذمہ داروں اورکارکنوں کی اندھادھند گرفتاریوں میں اضافہ ہوگیا ہے تاکہ شہری سندھ کے عوام مردم شماری کے عمل میں حصہ نہ لے سکیں اور سادہ لباس اہلکاروں کی غیرقانونی کارروائیوں میں متعصب سندھ حکومت براہ راست ملوث نظرآرہی ہے ۔ انہوں نے کہاکہ ماضی میں بھی جبروتشدد، جعلسازی اور دھاندلی کے ذریعہ مردم شماری میں سندھ کی شہری آبادی کم ظاہر کی جاتی رہی ہے تاکہ سندھ کی شہری آبادی کو ان کے جائز حق سے محروم رکھاجاسکے۔انہوں نے کہاکہ کراچی اورحیدرآبادمیں سادہ لباس اہلکاروں کے غیرقانونی چھاپے اورگرفتاریاں اسی سازش کا حصہ ہیں ۔ندیم نصرت نے صدرمملکت ممنون حسین ، وزیراعظم میاں نواز شریف اور چیف جسٹس آف پاکستان میاں ثاقب نثار سے مطالبہ کیاکہ سندھ کے شہری علاقوں میں مردم شماری کا عمل سبوتاژ کرنے کا نوٹس لیاجائے ، ایم کیوایم کے بے گناہ کارکنان کے گھروں پر غیرقانونی چھاپوں اورگرفتاریوں کا سلسلہ بند کرایاجائے اورتمام گرفتارشدگان کو فی الفور رہاکرایاجائے۔ 

*****
9/15/2026 12:34:04 AM