Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

رابطہ کمیٹی کے رکن ساتھی اسحاق ایڈوکیٹ کی گرفتاری توہین عدالت ہے ، کنوینر متحدہ قومی موومنٹ ندیم نصرت


رابطہ کمیٹی کے رکن ساتھی اسحاق ایڈوکیٹ کی گرفتاری توہین عدالت ہے ، کنوینر متحدہ قومی موومنٹ ندیم نصرت
 Posted on: 1/12/2017
رابطہ کمیٹی کے رکن ساتھی اسحاق ایڈوکیٹ کی گرفتاری توہین عدالت ہے ، کنوینر متحدہ قومی موومنٹ ندیم نصرت
ساتھی اسحاق ایڈوکیٹ آج رات اپنے دفترسے گھرجانے کیلئے باہرنکلے تو رینجرز کے اہلکاروں نے انہیں گرفتارکرلیا، ندیم نصرت
ساتھی اسحاق ایڈوکیٹ نے غیرقانونی گرفتاری سے تحفظ کیلئے سندھ ہائی کورٹ سے عبوری ضمانت حاصل کررکھی تھی ،ندیم نصرت
استحکام پاکستان ریلی کے انعقاد کے اعلان کے ساتھ ہی رہنماؤں اورکارکنوں کی گرفتاریوں میں شدت آتی جارہی ہے، ندیم نصرت
ا یم کیوایم کی پرامن سیاسی وجمہوری سرگرمیوں قدغن لگائی جارہی ہے،ندیم نصرت
مذہبی منافرت اورفرقہ واریت پھیلانے والی کالعدم تنظیموں کو جلسہ جلوس کی آزادی ہے ، ندیم نصرت
وفاقی وزیرداخلہ کالعدم تنظیموں کے خلاف کارروائی کرنے کے بجائے ان کے سربراہوں سے ملاقاتیں کررہے ہیں، ندیم نصرت
ایم کیوایم کی سیاسی سرگرمیوں پر عائدغیرقانونی وغیرآئینی پابندی ختم کی جائے، ندیم نصرت
انسانی حقوق کی تنظیمیں ساتھی اسحاق ایڈوکیٹ کی بلاجواز وغیرقانونی گرفتاری کا نوٹس لیں، ندیم نصرت

متحدہ قومی موومنٹ کی رابطہ کمیٹی کے کنوینر ندیم نصرت نے رابطہ کمیٹی کے رکن ساتھی اسحاق ایڈوکیٹ کی گرفتاری کی سخت ترین الفاظ میں مذمت کی ہے اورگرفتاری کے واقعہ کو توہین عدالت قراردیا ہے ۔ ایک بیان میں ندیم نصرت نے کہاکہ ساتھی اسحاق ایڈوکیٹ صدر کراچی میں واقع پیراڈائز سینٹر میں اپنے دفترمیں موجود تھے۔ پاکستانی وقت کے مطابق رات تقریباً 9 بجکر 45 منٹ پر جیسے ہی ساتھی اسحاق ایڈوکیٹ اپنے دفترسے گھرجانے کیلئے باہرنکلے تو وہاں موجود رینجرز کے اہلکاروں نے انہیں گرفتارکرلیا۔ ندیم نصرت نے کہاکہ ساتھی اسحاق ایڈوکیٹ نے غیرقانونی گرفتاری سے تحفظ کیلئے سندھ ہائی کورٹ سے عبوری ضمانت حاصل کررکھی تھی ، عبوری ضمانت کے باوجود انہیں گرفتارکرنا نہ صرف غیرقانونی ہے بلکہ یہ عمل توہین عدالت کے زمرے میں آتا ہے ۔ انہوں نے کہاکہ اس سے قبل رینجرز کے اہلکاروں کی جانب سے جامعہ کراچی سے ایم کیوایم کے سینئر رکن عارف حیدر اور شہرکے مختلف علاقوں سے ایم کیوایم کے کارکنان کوگرفتارکیاجاچکا ہے اور 21 جنوری کو استحکام پاکستان ریلی کے انعقاد کے اعلان کے ساتھ ہی ایم کیوایم کے رہنماؤں اورکارکنوں کی اندھادھند گرفتاریوں میں شدت آتی جارہی ہے جس کی جتنی بھی مذمت کی جائے کم ہے ۔ ندیم نصرت نے کہاکہ ایم کیوایم کے بے گناہ رہنماؤں اورکارکنوں کی بلاجواز وغیرقانونی گرفتاریوں کے واقعات سے صاف ظاہرہے کہ ریاستی اداروں کے بعض عاقبت نااندیشوں کی جانب سے ا یم کیوایم کی پرامن سیاسی وجمہوری سرگرمیوں قدغن لگائی جارہی ہے، ایم کیوایم دشمنی میں عدالتی احکامات کی سنگین خلاف ورزی کی جارہی ہے اور استحکام پاکستان ریلی کے انعقاد کی راہ میں رکاوٹیں حائل کرکے کراچی کے عوام کو ان کے بنیادی حقوق سے محروم کیاجارہا ہے ۔ندیم نصرت نے کہاکہ ایک جانب مذہبی منافرت اورفرقہ واریت پھیلانے والی کالعدم تنظیموں جہاد کے نام پرچندہ جمع کرنے کی آزادی حاصل ہے حتیٰ کہ کالعدم تنظیمیں نام بدل کرآزادانہ طور پر جلسے جلوس کر رہی ہیں لیکن وفاقی وزیرداخلہ چوہدری نثار نیشنل ایکشن پلان کے مطابق ان کالعدم تنظیموں کے خلاف کارروائی کرنے کے بجائے نہ صرف ان تنظیموں کے سربراہوں سے ملاقاتیں کررہے ہیں بلکہ انتظامیہ کی جانب سے کالعدم تنظیموں کو سہولتیں بھی فراہم کی جارہی ہیں جبکہ ایم کیو ایم کے خلاف مسلسل آپریشن کیاجارہاہے اوراس کے رہنماؤں، ذمہ داروں اور کارکنوں کو مسلسل گرفتار کیا جارہا ہے ، انہیں جھوٹے مقدمات میں ملوث کیاجارہاہے اوران کا میڈیا ٹرائل کیاجارہاہے۔ انہوں نے کہاکہ وفاقی وزیرداخلہ کا جانبدارانہ طرزعمل ملک بھرکے انصاف پسند عوام کیلئے لمحہ فکریہ ہے ۔ندیم نصرت نے ارباب اقتدارواختیارسے مطالبہ کیاکہ ایم کیوایم کے رہنماؤں وکارکنوں کی اندھادھندغیرقانونی گرفتاریوں کا نوٹس لیاجائے ، تمام گرفتارشدگان کو فی الفور رہا کیاجائے اورایم کیوایم کی سیاسی سرگرمیوں پر عائدغیرقانونی وغیرآئینی پابندی ختم کی جائے ۔ ندیم نصرت نے انسانی حقوق کی تنظیموں سے بھی اپیل کی کہ وہ رابطہ کمیٹی کے رکن ساتھی اسحاق ایڈوکیٹ کی بلاجواز وغیرقانونی گرفتاری کا نوٹس لیں اورمہاجروں کے انسانی حقوق کی خلاف ورزیوں پر آوازاحتجاج بلند کریں۔
*****
5/18/2025 8:20:30 PM