ضمیرفروش عناصر کی جانب سے مخبریاں کرکے کارکنان کو گرفتارکرانے کے مسلسل واقعات قابل مذمت ہیں، ندیم نصرت
مہاجرقوم سے غداری کے عمل سے کارکنان وعوام کے غم وغصہ میں اضافہ ہورہا ہے، ندیم نصرت
ظرف وضمیر کا سودا کرنے والے حضرات کوہرعلاقے میں عوام کی جانب سے مخالفانہ نعروں کا سامنا کرنا پڑرہا ہے ، ندیم نصرت
یہ حضرات سیدھے قریبی تھانوں یا رینجرز کے ہیڈکوارٹرز جاکر ایم کیوایم کے کارکنان کی مخبریاں کرتے ہیں ،ندیم نصرت
اسی رات ایم کیوایم کے کارکنان کے گھروں پر چھاپے مارے جاتے ہیں اور درجنوں بے گناہ افراد کو گرفتارکرلیاجاتا ہے، ندیم نصرت
حراست کے دوران گرفتارشدگان کو بہیمانہ تشدد کا نشانہ بنایاجاتا ہے تاکہ عوام میں خوف وہراس کی فضا پید اکی جاسکے، ندیم نصرت
وزیراعظم پاکستان کارکنان کی بلاجواز گرفتاریوں کے افسوسناک واقعات کا فوری نوٹس لیں، ندیم نصرت
اگر ان غیرقانونی، غیرآئینی اورغیرجمہوری واقعات کی روک تھام میں مزید تاخیر کی گئی تو مہاجر قوم کے ساتھ
ساتھ ملک کا بھی بہت بڑا نقصان ہوسکتا ہے،ندیم نصرت

متحدہ قومی موومنٹ کے آئینی کنوینر ندیم نصرت نے ضمیرفروش اور احسان فراموش عناصر کی جانب سے ایم کیوایم کے کارکنان کی مخبریوں اور انہیں گرفتارکرانے کے مسلسل واقعات کی سخت ترین الفاظ میں مذمت کی ہے ۔ اپنے ایک بیان میں ندیم نصرت نے کہاکہ ضمیرفروش کمالو گروپ کے سربراہ اور نام نہاد تشکیل کردہ ایم کیوایم کے غیرآئینی کنوینر کی لن ترانیوں ، تنظیم اور قائد تحریک جناب الطاف حسین کے خلاف مسلسل بیہودہ زبان کے استعمال سے بزرگوں ، ماؤں ، بہنوں ، نوجوانوں اوربچے بچیوں سمیت کروڑوں عوام و کارکنان پہلے ہی سخت نالاں ہیں اور ان دونوں حضرات کی بڑھتی ہوئی مہاجرقوم سے غداری کے عمل سے ہرگزرتے دن کے ساتھ ساتھ کارکنان وعوام کے غم وغصہ میں اضافہ ہورہا ہے ۔ انہوں نے کہاکہ یہ دونوں گروپ مختلف ٹولیوں کی شکل میں شہر کے جن جن علاقوں میں جاتے ہیں وہاں موجود عوام کی جانب سے ظرف وضمیر کا سودا کرنے والے ان حضرات کوعوام کی جانب سے مخالفانہ نعروں کا سامنا کرنا پڑتا ہے جس کے باعث ان حضرات کو وہاں سے بھاگنا پڑتا ہے ، علاقوں سے بھاگنے کے بعد یہ حضرات سیدھے قریبی تھانوں یا رینجرز کے ہیڈکوارٹرز جاکر ان علاقوں میں رہنے والے ایم کیوایم کے کارکنان کی مخبریاں کرتے ہیں ، کارکنان کے نام ،پتے اور علاقوں سے آگاہ کرتے ہیں جہاں ان ضمیرفروش افراد کے خلاف نعرے لگائے جاتے ہیں ۔انہوں نے مزید کہاکہ ان ضمیرفروش عناصر کی مخبریوں کے باعث رینجرز اورپولیس کی جانب سے اسی رات ایم کیوایم کے کارکنان کے گھروں پر چھاپے مارے جاتے ہیں اور درجنوں بے گناہ بزرگوں ،نوجوانوں اور محنت ومشقت کرنے والے افراد کو گرفتارکرلیاجاتا ہے اور حراست کے دوران انہیں بہیمانہ تشدد کا نشانہ بنایاجاتا ہے تاکہ عوام میں خوف وہراس کی فضا پید اکی جاسکے ۔
ندیم نصرت نے کہاکہ تمام تر مصائب ومشکلات اور ظلم وستم کے باوجود مہاجرکارکنان ، مائیں ، بہنیں اور بزرگ کل بھی سیسہ پلائی دیوار کی طرح قائد تحریک الطاف حسین کی قیادت میں متحد تھے اور آج بھی اسی طرح متحدومنظم ہیں اور ظلم وستم کا کوئی بھی ہتھکنڈہ انہیں حق پرستی کی جدوجہد سے باز نہیں رکھ سکتا۔ ندیم نصرت نے وزیراعظم پاکستان میاں محمد نواز شریف سے پرزور مطالبہ کیا کہ ایم کیوایم کے کارکنان کی بلاجواز گرفتاریوں کے افسوسناک واقعات کا فوری نوٹس لیاجائے اوررینجرز اورپولیس کو ہدایت کی جائے کہ وہ غیرقانونی اور بلاجواز گرفتاریوں کا سلسلہ بند کریں۔ اگر ان غیرقانونی، غیرآئینی اورغیرجمہوری واقعات کی روک تھام میں مزید تاخیر کی گئی تو مہاجر قوم کے ساتھ ساتھ ملک کا بھی بہت بڑا نقصان ہوسکتا ہے ۔

*****

11/30/2021 11:34:39 AM

طارق میرکے ساتھ پیش آنے والے واقعہ سے ایم کیوایم کے کارکنوں کا کوئی تع... 29 Nov 2021	ایم کیوایم کے فلاحی ادارے SUN چیریٹی پر غیرقانونی قبضہ کے خلاف ایم ک... 29 Nov 2021
ایم کیویم کے بانی وقائد الطاف حسین کراچی میں نسلہ ٹاورکوگرانے اوردیگر... 26 Nov 2021	کراچی سے سکھر تک ہرشہرکی دیواریں پکار پکار کر کہہ رہی ہیں کہ سندھ بھر... 24 Nov 2021
قوم کو یہ فیصلہ کرنا ہوگا کہ ہمیں آنے والی نسلوں کوغلامی کی ذلت آمیزز... 23 Nov 2021	مہاجرہماری شناخت ہے اور سندھ دھرتی ہمارا وطن ہے، قائد تحریک الطاف حسین... 22 Nov 2021
اگرعدالتیں آزادہوتیں تو پاکستان میں کبھی فوجی مارشل لاء نہیں لگتا۔ال... 21 Nov 2021	کراچی کی کوآپریٹو مارکیٹ اوروکٹوریہ مارکیٹ میں آگ لگی نہیں بلکہ طاقت... 18 Nov 2021
جب تک پاکستان سے فرسودہ جاگیردارانہ اور بے لگام سرمایہ دارانہ نظام،کرپ... 15 Nov 2021	ایم کیوایم برطانیہ شعبہ خواتین کے زیراہتمام لندن میں محفل میلاد کاانع... 14 Nov 2021