لاہورمیں مال روڈپر تحریک انصاف سے تعلق رکھنے والے شرپسند نام نہاد وکلاء کی جانب سے گاڑیوں اور شہریوں پر حملے،
تشدد، مارپیٹ اورغنڈہ گردی قابل مذمت ہے ۔ مصطفےٰ عزیزآبادی رکن رابطہ کمیٹی ایم کیوایم
احتجاج کے نام پر شہریوں پر حملے کرنا، تشددکرنا، اسکول جانے والے بچوں کومارنا پیٹنا کونسااحتجاج ہے؟ مصطفےٰ عزیزآبادی
یہ عمل کرنے والے نام نہاد وکلاء دراصل قانون پسند وکلاء کے ماتھے پر کلنک کاٹیکہ ہیں ۔ مصطفےٰ عزیزآبادی
ان غنڈوں کوگرفتارکیاجائے اورقانون کے مطابق سخت سے سخت سزادی جائے۔ مصطفےٰ عزیزآبادی
چیف جسٹس لاہورہائیکورٹ اس غنڈہ گردی کافوری نوٹس لیں، ایسے نام نہاد وکلاء کے لائسنس منسوخ کئے جائیں۔ مصطفےٰ عزیزآبادی

متحدہ قومی موومنٹ کی رابطہ کمیٹی کے رکن مصطفےٰ عزیزآبادی نے لاہورمیں مال روڈپر تحریک انصاف سے تعلق رکھنے والے شرپسند وکلاء کی جانب سے گاڑیوں اورسڑکوں پرنکلنے والے شہریوں پر حملوں، تشدد، مارپیٹ اورغنڈہ گردی کی شدیدالفاظ میں مذمت کی ہے ۔اپنے ایک بیان میں مصطفےٰ عزیزآبادی نے کہاکہ احتجاج کرناہرسیاسی جماعت کاجمہوری حق ہے لیکن احتجاج کے نام پر شہریوں پر حملے کرنا، ان پر تشددکرناحتیٰ کہ اسکول جانے والے بچوں کومارنا پیٹنا کونسا احتجاج ہے؟آج لاہورکے مال روڈپر پی ٹی آئی سے تعلق رکھنے والے غنڈہ فطرت رکھنے والے نام نہاد وکلاء نے جس طرح سے احتجاج کے نام پر غنڈہ گردی کی ہے ، جس طرح اپنے روزگارپرجانے والوں اوربچوں کواسکول لے جانے والے شہریوں کی گاڑیوں پر بیدردی سے حملے کئے اس کی جتنی بھی مذمت کی جائے کم ہے اوریہ عمل کرنے والے نام نہاد وکلاء دراصل قانون پسند وکلاء کے ماتھے پر کلنک کاٹیکہ ہیں ۔ مصطفےٰ عزیزآبادی نے حکومت سے مطالبہ کیاکہ ایسے غنڈوں کوگرفتارکیاجائے اورقانون کے مطابق سخت سے سخت سزادی جائے۔ انہوں نے چیف جسٹس لاہورہائیکورٹ سے اپیل کی کہ اس غنڈہ گردی کافوری نوٹس لیاجائے اورایسے نام نہاد وکلاء کے لائسنس منسوخ کئے جائیں۔

*****

7/31/2021 5:07:26 PM

ایم کیو ایم کے پرعزم اورثابت قدم کارکنان تحریک کا سرمایہ ہیں، طارق جا... 27 Jul 2021	پاکستان کے زیرقبضہ کشمیر کی وادی نیلم کے علاقے شاردہ میں خواتین کی بے ... 27 Jul 2021
مظلوموں کو ملک کی فوجی اورسول اشرافیہ کے ظلم سے آزادی دلانے کی جدوجہد ... 26 Jul 2021	ایم کیوایم امریکہ کے کارکن عدیل غزالی کے بہنوئی کے انتقال پر قائد تحر... 26 Jul 2021
آزادکشمیر صرف نام کاآزاد ہے،درحقیقت وہ پاکستان کے قبضہ میں ہے۔ الطاف ... 24 Jul 2021	حیدرآبادمیں ٹرانسفارمر کے پھٹنے کے نتیجے میں کئی معصوم وبے گناہ افراد ... 24 Jul 2021
ایم کیوایم شعبہ خواتین کی سینئر رکن محترمہ سنجیدہ توصیف کے شوہر سیدت... 22 Jul 2021	'' ایک پاکستان ، ایک قوم '' کے نعرے جھوٹ، فریب ، مکر اور دھوکہ ہیں۔ال... 21 Jul 2021
ایم کیوایم ڈربن چیپٹر کے انچارج رضی بھائی کی علالت پر قائد تحریک الطاف... 20 Jul 2021	ایم کیوایم کے کارکنان سمیت پاکستان بھرکے عوام کوایم کیوایم کے قائدالط... 20 Jul 2021