ایم کیوایم کے کارکنوں اور کونسلروں کے گھروں پر قبضے کئے جارہے ہیں، ان کی املاک کونقصان پہنچایاجارہاہے
کارکنوں کو گھرچھوڑ نے پر مجبور کیا جارہاہے ۔گزشتہ چندروزمیں کئی کارکنان زخمی ہوچکے ہیں جن میں خواتین کارکنان بھی شامل ہیں
پولیس اوررینجر کی جانب سے کوئی کارروائی نہیں کی جارہی ہے اسلئے کہ حقیقی دہشت گردوں کومکمل سرکاری سرپرستی حاصل ہے
کورنگی اوردیگرعلاقوں میں پی ایس پی کی جانب سے ایم کیوایم کے کارکنوں کودھمکیاں دے کر سیاسی وفاداری تبدیل کرنے پر مجبورکیاجارہاہے
جوکارکنان اپنی وفاداریاں تبدیل کرنے سے انکارکررہے ہیں انہیں رینجرزکے ہاتھوں گرفتارکروایاجارہاہے
آپریشن کامقصدکراچی میں امن کا قیام نہیں بلکہ ایم کیوایم کوختم کرناہے ۔ندیم نصرت
چیف جسٹس سپریم کورٹ ان واقعات کا ازخودنوٹس لیں۔ انسانی حقوق کی تنظیمیں اس صورتحال پر آوازاحتجاج بلندکریں۔ندیم نصرت

متحدہ قومی موومنٹ کی رابطہ کمیٹی کے کنوینرندیم نصرت نے لانڈھی، کورنگی، ملیر،شاہ فیصل کالونی اورلائنزایریامیں حقیقی دہشت گردوں اورپی ایس پی کی جانب سے ایم کیوایم کے کارکنوں،ذمہ داروں اورکونسلروں کے گھروں پر حملوں،تشدداورقبضہ کے واقعات کی شدیدالفاظ میں مذمت کی ہے ۔ اپنے ایک بیان میں انہوں نے کہاکہ لانڈھی، کورنگی، ملیر، شاہ فیصل کالونی اورلائنزایریامیں جرائم پیشہ حقیقی دہشت گردوں کی جانب سے ایم کیوایم کے کارکنوں کے گھروں پرحملے کئے جارہے ہیں، انہیں تشددکا نشانہ بنایاجارہاہے ،اس قسم کے سب سے زیادہ واقعات لائنزایریا میں ہورہے ہیں جہاں ایم کیوایم کے کارکنوں اور کونسلروں کے گھروں پر کھلی دہشت گردی کے ذریعے قبضے کئے جارہے ہیں، ان کی املاک کونقصان پہنچایاجارہاہے اورانہیں گھرچھوڑکرعلاقہ سے بیدخل ہونے پر مجبور کیا جارہاہے ۔گزشتہ چندروزسے جاری ا س دہشت گردی کے نتیجے میں کئی کارکنان زخمی ہوچکے ہیں جن میں خواتین کارکنان بھی شامل ہیں۔ ندیم نصرت نے کہاکہ پولیس اوررینجرز اس تمام ترصورتحال سے مکمل طورپرآگاہ ہے لیکن انکی جانب سے اس کی روک تھام کے لئے کوئی کارروائی نہیں کی جارہی ہے جس سے صاف ظاہرہوتاہے کہ حقیقی دہشت گردوں کومکمل سرکاری سرپرستی حاصل ہے ۔ انہوں نے کہاکہ ایک طرف یہ صورتحال جاری ہے اوردوسری جانب کورنگی اوردیگرعلاقوں میں پی ایس پی کی جانب سے ایم کیوایم کے کارکنوں کودھمکیاں دے کر سیاسی وفاداری تبدیل کرنے پر مجبورکیاجارہاہے اورجوکارکنان اپنی وفاداریاں تبدیل کرنے سے انکارکررہے ہیں انہیں رینجرزکے ہاتھوں گرفتارکروایاجارہاہے اورحراست میں تشددکانشانہ بنایاجارہاہے ۔اس کے ساتھ ساتھ سرکاری اداروں کی جانب سے ایم کیوایم کے لاپتہ کارکنوں کے اہل خانہ پر بھی دباؤڈالاجارہاہے کہ اگروہ اپنے پیاروں کی بازیابی چاہتے ہیں توپی ایس پی میں شامل ہوجائیں۔ ندیم نصرت نے کہاکہ یہ ساری صورتحال اس حقیقت کوثابت کرتی ہے کہ آپریشن کامقصدکراچی میں امن کا قیام نہیں بلکہ ایم کیوایم کوختم کرناہے ۔انہوں نے سپریم کورٹ کے چیف جسٹس ، جناب جسٹس انورظہیرجمالی سے اپیل کی کہ وہ ان واقعات کا ازخودنوٹس لیں۔انہوں نے انسانی حقوق کی تنظیموں سے اپیل کی کہ وہ اس صورتحال پر آوازاحتجاج بلندکریں۔
*****

7/27/2021 8:44:21 AM

آزادکشمیر صرف نام کاآزاد ہے،درحقیقت وہ پاکستان کے قبضہ میں ہے۔ الطاف ... 24 Jul 2021	حیدرآبادمیں ٹرانسفارمر کے پھٹنے کے نتیجے میں کئی معصوم وبے گناہ افراد ... 24 Jul 2021
ایم کیوایم شعبہ خواتین کی سینئر رکن محترمہ سنجیدہ توصیف کے شوہر سیدت... 22 Jul 2021	'' ایک پاکستان ، ایک قوم '' کے نعرے جھوٹ، فریب ، مکر اور دھوکہ ہیں۔ال... 21 Jul 2021
ایم کیوایم ڈربن چیپٹر کے انچارج رضی بھائی کی علالت پر قائد تحریک الطاف... 20 Jul 2021	ایم کیوایم کے کارکنان سمیت پاکستان بھرکے عوام کوایم کیوایم کے قائدالط... 20 Jul 2021
ایم کیوایم پنجاب تحصیل حاصل پور کے سابق سینئر نائب صدر میاں اسلم کھر... 19 Jul 2021	برطانیہ ، امریکہ ،کینیڈا، جرمنی ، ساؤتھ افریقہ ، سعودی عرب اورخلیجی ر... 19 Jul 2021
شاہ فیصل سیکٹر کے کارکن خالد انصاری کی بھانجی صائمہ راشد کے انتقال پ... 17 Jul 2021	ایم کیوایم کے بزرگ ہمدرد جناب شاہ اسرارالحق سے کی اہلیہ کے انتقال پ... 16 Jul 2021