سانحہ 30 ستمبرکے ذمہ داردہشت گردوں اور ان کے سرپرستوں کو عبرتناک سزا دی جائے، ندیم نصرت
سیاسی ومذہبی رہنماؤں، بعض دانشوروں ،سیاسی تجزیہ نگاروں اور اینکرپرسنزکی جانب سے مہاجربستیوں پر مسلح حملوں اور
مہاجروں کے قتل عام کا تذکرہ تک نہیں کیاجاتا، ندیم نصرت
یہ عمل کو کھلی مہاجردشمنی ، تعصب اورنفرت ہے؟کیابانیان پاکستان کی اولادیں مسلمان اورپاکستانی نہیں ہیں ؟ندیم نصرت
آخر مہاجروں کے قتل عام میں ملوث عناصر کی گرفتاری پر خاموشی کیوں اختیارکرلی جاتی ہے؟ندیم نصرت
قائد تحریک الطاف حسین کی قیادت میں حق پرستی مشن ومقصد کے حصول سے ہرگز دستبردارنہیں ہوں گے،ندیم نصرت
تمام ترمصائب ومشکلات کے باوجود حق پرستی کی جدوجہد جاری رکھیں گے، ندیم نصرت
سانحہ 30 ستمبرحیدرآباد کے شہداء کی 28 ویں برسی کے موقع پر بیان

متحدہ قومی موومنٹ کے کنوینر ندیم نصرت نے مطالبہ کیاہے کہ سانحہ 30 ستمبرحیدرآباد کی عدالتی تحقیقات کرائی جائے اور اس سانحہ کے ذمہ داردہشت گردوں اور ان کے سرپرستوں کو عبرتناک سزا دی جائے ۔ سانحہ 30 ستمبر1988 ء کے شہداء کی 28 ویں برسی کے موقع پر ایک بیان میں ندیم نصرت نے کہاکہ 30 ، ستمبر1988ء کو حیدرآباد کے مختلف علاقوں میں نام نہاد قوم پرست دہشت گردوں نے اندھادھند فائرنگ کرکے 200 سے زائد مہاجروں کو سفاکی سے قتل کردیا اوردرجنوں کو شدید زخمی کردیالیکن مہاجروں کے گھروں میں صف ماتم بچھانے اوران کی سرپرستی کرنے والوں کے خلاف نہ تو قانون حرکت میں آیا اورنہ ہی ان دہشت گردوں کے خلاف کوئی آپریشن کیاگیا۔ انہوں نے کہاکہ ایم کیوایم دشمن قوتوں اور سیاسی مخالفین کی جانب سے مہاجروں اور ان کی نمائندہ جماعت ایم کیوایم پرجھوٹے اورمن گھڑت الزامات تو عائد کیے جاتے ہیں لیکن سیاسی ومذہبی رہنماؤں، بعض دانشوروں ،سیاسی تجزیہ نگاروں اور اینکرپرسنزکی جانب سے مہاجربستیوں پر مسلح حملوں اورمہاجروں کے قتل عام کا تذکرہ تک نہیں کیاجاتااور نہ ہی مہاجروں کے قتل عام میں ملوث دہشت گردوں کی گرفتاری اور انہیں آئین وقانون کے مطابق سزا دینے کا مطالبہ کیاجاتا ہے، کیا یہ عمل کو کھلی مہاجردشمنی ، تعصب اورنفرت ہے؟کیابانیان پاکستان کی اولادیں مسلمان اورپاکستانی نہیں ہیں ؟ آخر مہاجروں کے قتل عام میں ملوث عناصر کی گرفتاری پر خاموشی کیوں اختیارکرلی جاتی ہے؟ندیم نصرت نے مطالبہ کیاکہ سانحہ 30 ستمبرحیدرآباد کی عدالتی تحقیقات کرائی جائے اور اس سانحہ کے ذمہ داردہشت گردوں اور ان کے سرپرستوں کو عبرتناک سزا دی جائے۔ ندیم نصرت نے سانحہ 30 ستمبرحیدرآبادکے شہداء کو زبردست خراج عقیدت پیش کرتے ہوئے کہاکہ جس نیک مشن ومقصد کی خاطرحق پرست شہداء نے اپنی جانوں کے نذرانے پیش کیے ہیں ، ایم کیوایم کے کارکنان ، قائد تحریک جناب الطاف حسین کی قیادت میں اس مشن ومقصد کے حصول سے ہرگز دستبردارنہیں ہوں گے اور تمام ترمصائب ومشکلات کے باوجود حق پرستی کی جدوجہد جاری رکھیں گے۔

*****

10/20/2021 8:27:46 AM

ڈاکٹر عبدالقدیر خان کو فوج اور آئی ایس آئی کے جرنیلوں کے متعصبانہ، ظا... 10 Oct 2021	اب ہم کہاں سے دوسرا لائیں عمرشریف .....اس جیسا اب کہیں بھی نہ پائیں ع... 08 Oct 2021
قندوز میں اہل تشیع کی مسجد میں خودکش حملہ، پاکستان کی فوج اورآئی ایس آ... 08 Oct 2021	ایم کیوایم کے قائد الطاف حسین کے خلا ف لندن میں جاری مقدمات کے سلسلے ... 07 Oct 2021
ایم کیوایم کے قائد الطاف حسین کی عمرشریف مرحوم کی بیوہ زریں عمر سے فون... 07 Oct 2021	عمرشریف مرحوم کے جنازے میں بھرپورتعدادمیں شرکت کریں ایم کیوایم کے بانی... 05 Oct 2021
کامیڈی کنگ عمرشریف مرحوم اپنے فن کے ذریعے اپنے مداحوں کے دلوں میں ہمی... 05 Oct 2021	عمرشریف کا انتقال دنیائے فن کاایک ناقابل تلافی نقصان ہے، ان کاخلا ء ک... 02 Oct 2021
سانحہ 30ستمبراورسانحہ یکم اکتوبر 1988ء فوج اور آئی ایس آئی کی سازش تھ... 30 Sep 2021	ایم کیوایم انٹرنیشنل سیکریٹریٹ لندن میں قائدتحریک الطاف حسین کی 68و... 19 Sep 2021