لانڈھی میں حقیقی دہشت گردوں کی جانب سے ایم کیوایم کے یونٹ آفس پر حملے، توڑپھوڑ، آفس کو آگ لگانے، فائرنگ، کارکنوں پر تشدد اور پرامن احتجاج کرنے والے کارکنان و عوام پر فائرنگ کے واقعات کھلی دہشت گردی ہیں۔ رابطہ کمیٹی

کراچی ۔۔۔ 11 مئی 2016ء

متحدہ قومی موومنٹ کی رابطہ کمیٹی نے لانڈھی میں حقیقی دہشت گردوں کی جانب سے ایم کیوایم کے یونٹ آفس پرحملے، توڑپھوڑ، آفس کوآگ لگانے ، فائرنگ ، کارکنوں پر تشدداورپرامن احتجاج کرنے والے کارکنان وعوام پر فائرنگ کے واقعات کی شدیدمذمت کی ہے ۔ اپنے ایک بیان میں رابطہ کمیٹی نے کہاکہ بدھ کی شب 10سے 12موٹرسائیکلوں پر سوار مسلح حقیقی دہشت گردوں نے لانڈھی چھ نمبرمیں یوسی 17کے آفس پر حملہ کرکے پہلے آفس پر توڑپھوڑکی، اسے آگ لگائی اوروہاں موجودکارکنوں کوتشدد کا نشانہ بنایا اور فائرنگ کرتے ہوئے فرارہوگئے ۔ جب حقیقی دہشت گردوں کی اس کارروائی کے خلاف علاقے کے عوام نے لانڈھی تھانے پر پہنچ کرا س پر احتجاج کیااورواقعہ کی ایف آئی آردرج کرانے کی کوشش کی،علاقے کے نوجوان، بزرگ، بچے اورخواتین اس واقعہ پر پرامن اندازمیں احتجاج کررہے تھے کہ جدیدوخودکارہتھیاروں سے مسلح حقیقی دہشت گردوں نے پرامن احتجاج کرنے والوں پر بھی فائرنگ کی جس کے نتیجے میں ایم کیوایم کے کارکن ر احیل شجاع زخمی ہوگئے ۔حقیقی دہشت گردوں نے پرامن احتجاج کرنے والوں پر تشددبھی کیا۔رابطہ کمیٹی نے حقیقی دہشت گردوں کی اس کھلی دہشت گردی کی شدیدمذمت کرتے ہوئے کہاکہ حقیقی دہشت گردگزشتہ کئی دنوں سے لانڈھی اورملیرمیں ایم کیوایم کے دفاترپر حملے کررہے ہیں،کارکنوں کے ساتھ مارپیٹ کررہے ہیں لیکن ایم کیوایم کے تمام تراحتجاج کے باوجودحکومت، پولیس، رینجرزاورانتظامیہ نے اس صورتحال کا کوئی نوٹس نہیں لیا،آج بھی لانڈھی میں حقیقی دہشت گردوں نے دہشت گردی کابازارگرم کیالیکن سرکاری ایجنسیوں کی سرپرستی کی وجہ سے پولیس ورینجرز نے کھلے عام دہشت گردی کرنے والے ان حقیقی دہشت گردوں کے خلاف کوئی ایکشن نہیں کیا ۔ایم کیوایم کے ارکان قومی وصوبائی اسمبلی پولیس حکام سے درخواست کرتے رہے لیکن پولیس نے اس دہشت گردی کامقدمہ تک درج نہیں کیا۔ رابطہ کمیٹی نے مطالبہ کیاکہ ایم کیوایم کے دفتروں پر حملے کرنے والے اورلانڈھی کے پرامن اورنہتے عوام اورکارکنوں کوزخمی کرنے والے جرائم پیشہ عناصر حقیقی دہشت گردوں کے خلاف کارروائی کی جائے ۔