ایم کیو ایم جنوبی پنجاب زون کی تنظیم نو کے لئے ملتان میں گزشتہ دو روز سے انٹرویوز کا سلسلہ جاری

ملتان۔۔۔۔۔29 اپریل2016

متحدہ قومی موومنٹ جنوبی پنجاب زونل کمیٹی تنظیم نوکیلئے گزشتہ دو روز سے جنوبی پنجاب ہاؤس ملتان میں انٹرویوز کا سلسلہ جاری ہے جس میں ملتان سمیت جنوبی پنجاب کے مختلف شہروں سے کارکنان حصہ لے رہے ہیں۔ متحدہ قومی موومنٹ رابطہ کمیٹی کے رکن شبیر احمد قائم خانی مرکزی پنجاب کمیٹی کے نائب صدر ادریس جامی ، اراکین کمیٹی شمشاد جعفری، حاجی عتیق عباسی، رحمت اللہ وڑائچ ، رانا ابو بکر اور صوبائی تنظیمی کمیٹی کے مرزا ندیم بیگ کے ہمراہ کارکنان کا انٹرویو لے رہے ہیں۔ مزید برآں مورخہ 30 اپریل 2016 بروز ہفتہ کو جنوبی پنجاب ہاؤس ملتان میں منعقد کئے جانیوالے جنرل ورکز اجلاس میں جنوبی پنجاب کی تنظیم نو کا اعلان کیا جائیگا ۔ جنرل ورکرز اجلاس کے تمام تر انتظامات مکمل کر لئے گئے۔