ایم کیوایم کی جانب سے برطانیہ کے انگریزی روزنامہ ’’ڈیلی سن‘‘ کو قانونی مراسلہ بھیجا گیا۔ ترجمان ایم کیوایم

لندن ۔۔۔ 31 مارچ 2016ء

متحدہ قومی موومنٹ کے ترجمان نے اپنے ایک وضاحتی بیان میں برطانیہ کے انگریزی روزنامہ ’’ ڈیلی سن ‘‘ کے آن لائن ایڈیشن میں فلاحی ادارے سن چیریٹی اور ایم کیوایم کے بارے میں شائع ہونے والی ایک رپورٹ پرتبصرہ کرتے ہوئے کہاہے کہ اس رپورٹ کے حوالے سے ایم کیوایم کے وکلاء کی جانب سے مذکورہ اخبارکو قانونی مراسلہ بھیجا گیا جس پر ڈیلی سن نے اپنی اس رپورٹ میں سے ایسے تمام حصوں کوحذف کردیا جو ایم کیوایم کی شہرت کونقصان پہنچانے اوراسے بدنام کرنے کاباعث تھے۔ترجمان نے کہاکہ جہاں تک سن چیریٹی کوقرضہ دینے کاتعلق ہے تووہ پبلک ریکارڈ کا معاملہ ہے۔