جناب الطاف حسین نے ملک کے جاگیردارانہ، وڈیرانہ نظام اور موروثی سیاست کو چیلنج کیا ہے۔ محمد طاہر کھوکر

مظفر آباد ۔۔۔ 23؍ فروری 2016ء 

آزاد کشمیر اسمبلی میں ایم کیو ایم کے پارلیمانی لیڈر محمد طاہر کھوکھرنے کہا کہ جناب الطا ف حسین ملک کے واحد لیڈر ہیں جنہوں نے ملک کے جاگیردارانہ، وڈیرانہ نظام اور موروثی سیاست کو چیلنج کرتے ہوئے غریب و متوسط طبقے کے نوجوانوں کو ملک کے منتخب ایوانوں میں بھیجا اور اسی وجہ سے ملک پر قابض دو فیصد استحصالی طبقہ ان کی آواز اور فلسفہ سے خوف ہوتے ہوئے ان کی آواز، تصویر اور بیانات پر پابندی لگا کر یہ کوشش کی جارہی ہے کہ ان کا عوام سے رابطہ توڑ دیا جائے لیکن ماضی میں بھی یہ ناکام ہوئے ہیں اور اس بار بھی ہونگے۔ انہوں نے کہا کہ الطاف حسین وہ لیڈر ہیں جن کے نام پر سندھ اسمبلی میں 51 ایم پی ایز ، قومی اسمبلی میں 24ایم این ایز اور سینیٹ میں 8 سینیٹرز اور آزادکشمیر اسمبلی میں 2 ایم ایل اے موجود ہیں۔ انہوں نے کہا کہ جمہوری ملک میں کسی بھی فرد پر اظہار رائے کی پابندی نہیں لگائی جاسکتی اور ملک کی چوتھی بڑی سیاسی جماعت کے قائد جناب الطاف حسین پر اظہارِ رائے کی پابندی آئین کے آرٹیکل 19 سریحاً نفی ہے۔