پاکستان انجینئرنگ کونسل کے چیئرمین جاویدقریشی اورسینئروائس چیئرمین آئی اے عثمانی کے ہمراہ وفدکی ڈاکٹرمحمدفاروق ستارسے ملاقات

کراچی: ۔۔۔ 08؍ جنوری 2016ء

پاکستان انجینئرنگ کونسل کے چیئرمین جاویدقریشی اورسینئروائس چیئرمین آئی اے عثمانی کی سربراہی میں پی ای سی کے نمائندہ وفدنے خورشیدبیگم سیکریٹریٹ عزیزآبادمیں ایم کیوایم کی رابطہ کمیٹی کے سینئرڈپٹی کنوینرڈاکٹرمحمدفاروق ستارسے ملاقات کی ۔ملاقات انتہائی خوشگوارماحول میں ہوئی جس میں ملک خصوصاًصوبہ سندھ اورکراچی کی سیاسی صورتحال سمیت باہمی دلچسپی کے دیگرامورپرتفصیلی تبادلہ خیال کیاگیا۔پاکستان انجینئرنگ کونسل کے وفدمیں انجینئرایازمرزا،انجینئررجمشیدرضوی،انجینئرنجم الدین شیخ،انجینئریوسف قائم خانی، انجینئرطیب حسین،انجینئر فرحت خان، انجینئرعاصم حسین،انجینئرعادل عسکری اورانجینئرسبین غوری سمیت دی انجینئرنگ کے دیگرذمہ داران نے شریک تھے ۔اس موقع پرایم کیو ایم سینئررہنماء ڈاکٹر خالدمقبول صدیقی ، ارکان رابطہ کمیٹی سیدامین الحق اورڈاکٹرعبدالقادرخانزادہ بھی موجودتھے۔ڈاکٹرمحمدفاروق ستارسے گفتگوکرتے ہوئے پاکستان انجینئرنگ کونسل کے چیئرمین جاویدقریشی نے حالیہ بلدیاتی انتخابات میں ایم کیوایم کی شاندارکامیابی پردل گہرائیوں سے مبارکبادپیش کی اورانہیں پاکستان انجینئرنگ کونسل کی چارماہ کی کار کردگی اورنئے آنے والے انجینئرزکی بہتری کے لئے کی گئیں کاوشوں سے آگاہ کیا۔ڈاکٹرمحمدفاروق ستارنے قائدتحریک جناب الطاف حسین کی جانب سے پاکستان انجینئرنگ کونسل کے وفدکی نائن زیروآمدکاخیرمقدم کیااور انہیں خوش آمدیدکہتے ہوئے کہاکہ ایم کیوایم غریب ومتوسطہ طبقے کی نمائندہ جماعت ہے جس کے قائدالطاف حسین نے عزیزآباد کے120گزکے گھرسے اپنی عملی جدوجہد کا آغاز کیا اورآج بھی الطاف حسین کی رہائشگاہ ایم کیوایم کی سیاست کامرکزہے۔انہوں نے کہاکہ غریب متوسطہ کی قیادت ہی پاکستان میں حقیقی انقلاب لاسکتی ہے۔ڈاکٹرمحمدفاروق ستارنے وفدکوبتایاکہ ایم کیوایم ملک کی واحدجماعت ہے جس نے پڑھے لکھے باشعورنوجوانوں کومنتخب کرواکرملک کے ایوانوں میں بھیجا جن میں انجینئرزاورڈاکٹرزکی تعدادنمایاں ہے۔بعدازاں وفدنے رابطہ کمیٹی کے ارکان کے ہمراہ ایم کیوایم کے مرکزنائن زیرواورمختلف شعبہ جات کابھی تفصیلی دورہ کیااور تنظیمی امور سے متعلق آگاہی حاصل کی۔