ایم کیوایم کے زیراہتمام سانحہ مشرقی پاکستان ، سانحہ قصبہ و علیگڑھ اورسانحہ آرمی پبلک اسکول پشاور کے المناک سانحات کے شہداء کی برسی کراچی سمیت ملک بھر میں عقیدت و احترام کے ساتھ منائی گئی

کراچی۔۔۔16 دسمبر2015 ء

متحدہ قومی موومنٹ کے زیر اہتمام آج کراچی سمیت ملک بھر میں سانحہ مشرقی پاکستان ،سانحہ قصبہ علیگڑھ اور سانحہ آرمی پبلک اسکول پشاور کے شہداء کی برسی عقیدت واحترام کے ساتھ منائی گئی اورشہداء کے ایصال ثواب کے لئے قرآن خوانی فاتحہ خوانی کے اجتماعات ہوئے ۔ تفصیلات کے مطابق شہداء کی برسی کے موقع پر صوبہ سندھ، پنجاب،خیبر پختونخوا،بلوچستان،گلگت بلتستان اورآزاد کشمیر میں ایم کیو ایم کے دفاتر پر قرآن خوانی وفاتحہ خوانی کے اجتماعات منعقدہوئے جن میں ایم کیوایم کے ذمہ داروں ، کارکنوں اور ہمدردوں نے بڑی تعداد میں شرکت کی ۔قرآن خوانی و فاتحہ خوانی کا مرکزی اجتماع کراچی میں ایم کیو ایم کے مرکزنائن زیرو سے متصل لال قلعہ گر اؤنڈعزیزآباد میں ہواجس میں شہداء کے ایصال ثواب کیلئے قرآن خوانی فاتحہ خوانی کی گئی اور تمام شہداء کو زبردست خراج عقیدت پیش کیا گیا۔ اجتماع میں ایم کیو ایم رابطہ کمیٹی کے سینئر ڈپٹی کنوینرعامر خان، ڈپٹی کنوینر شاہد پاشا، رابطہ کمیٹی،سینٹرل ایگزیکٹو کونسل ،حق پرست اراکین اسمبلی ،کراچی کے نو منتخب ڈپٹی میئر ارشد وہرا،حق پرست پینل کے نو منتخب نمائندگان،ایم کیوایم کے تما م تنظیمی ونگزو شعبہ جات کے ذمہ داران، سیکٹر ،یونٹ کے ذمہ داروں ،کارکنوں ،ہمدردوں اور شہداء کے لوحقین نے ہزاروں کی تعداد میں شرکت کی۔بعد ازاں رابطہ کمیٹی کے رکن عبدالحسیب نے شہداء کے ایصال ثواب کے لئے فاتحہ خوانی کی اور اجتماعی دعاکرائی جس میں سانحات کے شہداء کے بلند درجات ،لواحقین کے لئے صبر جمیل، جناب الطاف حسین کے مرحوم والدین کے درجات کی بلندی،لاپتہ کارکنان کی بازیابی،اسیر کارکنان کی جلد رہائی ،انکے بلند حوصلے ،ایم کیوایم کے خلاف سازشوں کے خاتمے،حق پرستانہ جدوجہد کی کامیابی ، ملک و قوم کی سلامتی ، امن و امان کے قیام ،دہشت گردی کے خاتمے کے علاوہ قائد تحریک جناب الطاف حسین کی درازی عمر، صحت وتندرستی اورناگہانی آفات سے بچاؤکے لئے خصوصی دعاکی گئی ۔ 
کراچی تصاویر