حیدرآبا د میں بلدیاتی انتخاب کے نتائج صرف اور صرف حق پرست امیدواران کی کامیابی پر مبنی ہونگے۔ رکن رابطہ کمیٹی شبیراحمد قائمخانی

حید رآباد۔۔۔18 ، نومبر،2015ء

حیدرآبا د میں بلدیاتی انتخاب کے نتائج صرف اور صرف حق پرست امیدواران کی کامیابی پر مبنی ہونگے۔ان خیالات کا اظہار رکن رابطہ کمیٹی شبیراحمد قائمخانی نے حیدرآباد سٹی میں مختلف یونین کونسلز میں حق پر ست امیدواران کی انتخابی مہم کے حوالے سے منعقدہ کارنر میٹنگز سے خطاب کر تے ہوئے کیا ۔ کارنرمیٹنگز میں ایم کیوایم حیدرآباد کے زونل انچارج نوید شمسی ، جوائنٹ زونل انچارج عابد غوری، اراکین زونل کمیٹی ، سعید عزیز، شہاب اکرام ، حق پرست رکن صوبائی اسمبلی راشد خلجی سمیت سیکٹرز کے ذمہ داران و کارکنان اور علاقے کے معززین و عوام نے کثیر تعداد میں شرکت کی۔انہوں نے مزید کہا کہ انتخابات کے مو سم میں برساتی لیڈر عوام کو گمراہ کرنے کے لیئے اپنے بلوں سے باہر آجاتے ہیں مگرحق پرست عوام ان کے اصل چہروں سے اچھی طرح واقف ہیں۔انہوں نے کہا کہ حیدرآباد کی عوام صرف اور صرف قائد تحریک جناب الطاف حسین کے چاہنے والے ہیں اور انہوں نے ہمیشہ قائد تحریک جناب الطاف حسین کے نامزد امیدواران کو کامیاب بنایا ہے۔انہوں نے کہا کہ 19نومبر کے دن بھی حیدرآباد شہر سے صرف قائد تحریک جناب الطاف حسین کے نامزد امیدوار کامیاب ہونگے جو اس شہر سے برساتی لیڈروں کا خاتمہ کردینگے۔کارنر میٹنگ سے حیدرآباد کے زونل انچارج نوید شمسی نے خطاب کر تے ہوئے کہا کہ قائد تحریک جناب الطاف حسین حق پرستوں کے اتحاد کی علامت ہیں اور حیدرآباد شہر میں باطل پرست ایم کیو ایم مخالفین دس جماعتوں کا اتحاد اس بات کا منہ بولتاثبوت ہے ۔انہوں نے کہا کہ قائد تحریک جناب الطاف حسین کی جدو جہد مظلوم و محکوم عوام کے حقوق پر مبنی ہے اور عوام کے حقوق غصب کرنے والی قوتیں بلدیاتی انتخابات میں جعلی اتحاد بنا کر عوام کے سامنے آئے ہیں عوام انکے حال اور ماضی سے خوب واقف ہیں اس لیئے انہیں حیدرآباد میں رسوائی اور ناکامی کے سوا کچھ حاصل نہ ہوگا ۔کا رنر میٹنگ سے جوائنٹ زونل انچارج عابد غوری نے خطاب کرتے ہوئے کہا کہ فتح ہمیشہ حق کی ہوتی ہے اور ناکامی باطل قوتوں کا مقدر بنتی ہے۔انہوں نے کہ 19نومبر کے دن حق پرست نمائندوں کی شاندار کامیابی اس شہر سے باطل قوتوں کا خاتمہ کر دیگی۔ کارنر میٹنگ سے یونین کونسل کے چیئر مین اور وائس چیئر مین نے بھی خطاب کیا ۔