گجرانوالا ۾ آزادي مارچ جي شرڪاء تي فائرنگ ۽ پٿراءُ ڪرڻ جي واقعن تي جناب الطاف حسين جي طرفان ڳڻتي جو اظهار.
ٻئي ڌريون هڪ ٻئي جي وجود کي تسليم ڪن ۽ قيمتي انساني جانين جي تحفظ جي لاءِ پرامن رهن.قائد تحريڪ جناب الطاف حسين.
لنڊن؛ 15 آگسٽ 2014
متحده قومي موومينٽ جي قائد جناب الطاف حسين پنجاب جي شهر گجرانوالا ۾ آزادي مارچ جي شرڪاء تي شرپسندن جي طرفان فائرنگ ۽ پٿراءُ ڪرڻ جي واقعن تي وڏي ڳڻتي ۽ افسوس جو اظهار ڪيو آهي،پنهنجي هڪ بيان ۾ جناب الطاف حسين ٻنهي ڌرين کي دردمندانه اپيل ڪئي ته اهي هڪ ٻئي جي وجود کي تسليم ڪن، قيمتي انساني جانين جي تحفظ جي لاءِ پرامن رهن، هڪ ٻئي جي سياسي، آئيني ۽ قانوني حقن جو احترام ڪن ۽ هر قسم جي اشتعال انگيزي کان پاسو ڪن. جناب الطاف حسين فائرنگ ۽ پٿراءُ ڪرڻ جي نتيجي ۾ زخمي ٿيندڙ ڪارڪنن سان دلي همدردي جو اظهار ڪيو ۽ انهن جي جلد و مڪمل صحتيابي جي لاءِ دعا به ڪئي.