لوگوں کوشہیدوں کےلئے فاتحہ خوانی سے روکنااورقبرستان پر تالے ڈال دینا اسلام اور جمہوریت کے کس اصول وضابطے کے مطابق جائز ہے؟

Posted on: 12/10/2025

لوگوں کوشہیدوں کےلئے فاتحہ خوانی سے روکنااورقبرستان پر تالے ڈال دینا اسلام اور جمہوریت کے کس اصول وضابطے کے مطابق جائز ہے؟ #MQMMartyrsOurHero پاکستان کانام ” اسلامی جمہوریہ پاکستان“ ہے لیکن حالات یہ ہیں کہ ہم ریاستی آپریشن کے دوران شہید کئے جانے والے اپنے شہیدوں کی یاد میں ہرسال 9 دسمبر کویوم شہدامناتے تھے، اس دن شہیدوں کے گھروالے اورہمارے ساتھی یادگارشہدا پر جاکران کی قربانیوں پرانہیں سیلوٹ پیش کیاکرتے تھے، فاتحہ پڑھتے تھے، شہدا قبرستان جاکرشہیدوں کی قبروں پر پھول چڑھاتے اورفاتحہ خوانی کرتے تھے لیکن 22 اگست 2016ء سے ہمیں اس کی بھی اجازت نہیں دی جارہی ہے، آج 9 دسمبر کے روز بھی پولیس اوررینجرز نے عزیزآباد میں یادگارشہدا اوریاسین آباد میں شہدا قبرستان کامحاصرہ کیا اور لوگوں کو وہاں جانے کی اجازت نہیں دی گئی۔ ہمارا سوال ہے کہ یہ کیسا اسلامی ملک ہے کہ جہاں لوگوں کواپنے شہیدوں کی قبروں پرپھول چڑھانے اور فاتحہ خوانی تک کرنے کی اجازت نہ دی جائے؟ انہیں گرفتارکرکے غائب کردیاجائے اور ان پر تشدد کیاجائے؟ لوگوں کوفاتحہ پڑھنے سے روکنے کیلئے قبرستان پر تالے ڈال دیئے جائیں، اس پر پہرے بٹھادیئے جائیں؟ یہ عمل اسلام کےکس اصول وضوابط کے مطابق ہے؟ پاکستان کوجمہوریہ کہاجاتا ہے، جمہور کا مطلب عوام ہےلیکن یہ کونساجمہوری اصول ہےکہ کروڑوں مہاجروں اورمظلوم قوموں کی نمائندہ جماعت کے دفاتر پرقبضے کرلئے جائیں؟ اس کے مرکز کوسیل کردیاجائے؟ میرے گھرنائن زیروکوکس اسلامی اصول، قاعدے اورجمہوری ضابطے اورقانون کے تحت سیل کیا گیا؟ اسے بم سے اڑا کربلڈوز کیا گیا؟ کونسا اسلامی ضابطہ اورجمہوری قاعدہ اس بات کی اجازت دیتاہے کہ آبادیوں کامحاصرہ کیاجائے، مردوں کوحراست میں لیکرجنگی قیدیوں کی طرح ان کی قمیضیں اتار کر اوران کی آنکھوں پر باندھ کرمیدان میں بھیڑبکریوں کی طرح جمع کیاجائے اوران کی غیرموجود گی میں ان کے گھروں میں گھس کر تلاشی کے نام پرسامان کی لوٹ مار کی جائے اوربہنوں بیٹیوں کی بے حرمتی کی جائے؟ نوجوانوں کو گھروں سے گرفتار کرکے انہیں پولیس مقابلوں کے نام پر تشدد کرکے ماورائے عدالت قتل کردیا جائے اوراسے پولیس مقابلے کانام دے دیا جائے، یہ عمل کونسے اسلامی ضابطے یاقانون کے تحت جائز ہے؟ گزشتہ 10برسوں سے الطاف حسین کی تحریر، تقریرکی نشراشاعت اورنام تک لینے اور اس کی جماعت کی سیاسی سرگرمیوں پر پابندی کس اسلامی شرع یا کس آئین وقانون کے تحت لگائی گئی ہے؟ جہاں اس طرح کاظلم وجبر اورپابندیاں ہوں اس ملک کواسلامی اورجمہوریہ کہنا درست ہے؟ یہ نہ اسلامی ہے اورنہ ہی جمہوری ہے بلکہ دونوں لفظوں کی توہین ہےلہٰذا پاکستان کے نام سے اسلامی اور جمہوریہ کے الفاظ کوحذف کردینا چاہیے۔ میں اسٹیبلشمنٹ سے کہنا چاہتا ہوں کہ 1992ء سے ہمارے خلاف آپریشن جاری ہے، ہمارے ہزاروں نوجوانوں کوبیدردی سے شہید کردیا گیا لیکن اس کے باوجود ہم نے جواب میں ایک کنکرتک نہیں مارا، ہم پرامن جدوجہد کررہے، ہم پرآج بھی ظلم کیا جارہا ہے، خدارایہ ظلم بند کیا جائے اوراس بات کو سمجھا جائے کہ کسی مظلوم قوم پر مسلسل ظلم وستم روارکھا جاتا رہے تواس مظلوم قوم کی نوجوان نسل ظلم سے نجات اوراپنے حقوق کے لئے بالآخراپنے راستے خود اختیار کرلیتی ہے اور قدرت ان کے لئے راستے بناتی ہے اوریہی قانون قدرت ہے۔ ہمیں یوم شہداپر اس بات کاعہدکرنا چاہیے کہ ہم اپنے شہیدوں کی قربانیوں کورائیگاں نہیں جانے دیں گے اور جس مقصد کے لئے انہوں نے جانیں دی ہیں اس کے لئے جدوجہد جاری رکھیں گے۔ ہم یوم شہدا پر دعاکرتے ہیں کہ اللہ تعالیٰ ہمارے شہیدوں کے درجات بلند فرمائے، ان کے لواحقین کی مشکلات اور پریشانیوں کودورفرمائے،جولاپتہ ہیں ان کی بازیابی اورجیلوں میں قیدوبند کی اذیتیں جھیلنے والے اسیروں کی رہائی کے اسباب پیدا فرمائے۔ میں یہ بھی دعاکرتاہوں کہ اللہ تعالیٰ میرے وفادار ساتھیوں کوزندگی کی آخری سانس تک وفاداررکھے۔ الطاف حسین یوم شہداء پر 361 ویں فکری نشست سے خطاب 9 دسمبر 2025ء

12/15/2025 2:15:47 AM

صرف جنرل فیض حمیدکو سزادینا ادھوراانصاف ہے ... 14 Dec 2025	میں نے کبھی یہ درس نہیں دیا کہ لائسنس یافتہ اسلحہ حاصل کرکے کسی کی آب... 14 Dec 2025
سانحہ قصبہ علیگڑھ کے شہداء کو خراج عقیدت ... 14 Dec 2025	ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت... 14 Dec 2025
فیض حمید کے سہولت کاروں، معاونت اور مدد کرنے اوران کے احکامات پر عمل ... 13 Dec 2025	ایم کیوایم کےبانی وقائدجناب الطاف حسین نے ایم کیوایم کے رہنماؤں نثار پ... 12 Dec 2025
شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025